رغم الاسي و رغم الجراح

النص :

مبروك عليك

رغم انتحاب عمرى الجاى

ورغم انهزام عمرى الراح

رغم الاسى ورغم الجراح

مديت ايديا ،يباركو ليك
مبروك عليك ،،،،،،،

((((((()))))))
الناس تزغرد وتبتهج فرحانه تترقب مجيك

وتبينى يافايته القمر بالحنه والتوب العليك

فى عيونى دسيت الدموع دقات قليبى مع مشيك

وانا اصلى مخلوق للالم واللوم على وماعليك

مبروك عليك ،،،،،،،
((((((()))))))
الريده بعدك انتى لا

الدنيا دونك قاحلة

قلبى المعنى البى لماك لا اتهنا .. لا ضاق الحلا

دى الدنيا لازم نحمله

ولو عزابى بسعدك ؟!! الفين ومرحب ياهلا

اتمنى ليك دايما علا ... والفرحه ماتفارق عينيك

مبروك عليك

[center][b]

الريده بعدك انت لا والدنيا دونك قاحله

دى خطيييييييييييره من زول خطيييييييييييير

يا سلام مهيار شخصيا معانا هنه والله منتاك يا ديكور مشاءالله عليه

مبروك عليك يا ود المهدى

مشرف عدد المساهمات : 357 تاريخ التسجيل : 05/08/2009

مبالغه ابداع عديل كده
بس عندى طلب الاغنيه دى لى زمان بفتش فيها
كانت عندى بس اتمسحت
فياريت لو زول عندو ينزله لينا
مشكور ياودالمهدى

سلامى ، وتحياتى ، واحترامى كاملا شاملا

يا اخوانا الزولة قالت ليكم ارفعوا لينا الغنية وانا بضم صوتى لى صوتة لانو الغنية دى اساسا لم تجد حظها فى الاستماع وانا من جانبى فى الفترة الجاية دى بحاول قدر المستطاع مع اخونا (طه) عشان نسجلها بصورة افضل ونسمعها كلنا .
تخريمة : وين حبينا مهيار ؟!!

لكم الود

الخطيييييييييييييييير شديد دى

فى عيونى دسيت الدموع دقات قليبى مع مشيك
اتخيل انو الزولة دى ماشه بى احساس مارش عشكرى بطيئ
يعنى قلب ديكور فى اللحظة دى بكون خلاااااااااااااااااااااااص ويمشى للكريم
هههههههههههه
جميل جدا ود المهدى

سلامى ، وتحياتى ، واحترامى كاملا شاملا

طبعا يا ود الجريفاوى انت بتكون قلت الكلام ده من باب المداعبة لكن الكلام ده فعلا حاصل ولو عملناه فى مشهد درامى حنلقاه بحتوى على كم هائل من الاحاسيس المختلفة تماما ، واتخيل معاى المشهد واحد مغمور بى نشوة الفرح والتانى مطمور بقسوة الامتلاك الشرعى للغير لى اكبر حقوقك الوجدانية ، اتخيل معاى الموقف والله ياود الجريفاوى مارشات شنو وتمتم شنو (جالوة عدييييييييييييل كده)

لك الود راقصا

مشرف عدد المساهمات : 357 تاريخ التسجيل : 05/08/2009

انا الغنيه بقت معاى رسله لى ودالزين الله يديه العافيه
وحقيقه السلطان غناها بى احساس معاش
ان شاء الله قريب راح ارفعها ليكم
بس ده مابيعنى انك ماتطلب الطلب ده من طه سليمان
لانو بى الجد غنيه بتستحق اكتر من كده
نفهم من كده انو يايكور الغنيه دى واقعيه...؟؟

اسلامى ،
وتحياتى ، واحترامى كاملا شاملا

غايتو ياعاشقة السلطان لقيتك مابتخلى شاردة ولاواردة لكن بصراحة القصة حقيقية او فى الاصل دى قصة متعارف عليها وحاصلة كتير والضايقنها كتاااااااااار والنسبة دى وصلت اعلى مرحلة ليها فى فترة انفتاح السودانيين على الهجره للعمل والتى هيأت لهم الظروف المواتية لمنافسة (اهل الداخل) على ممتلكاتهم الوجدانية والتى كانو يعولون عليها كثيرا لاتمام نصف دينهم ولكن قلة الحيلة كانت السبب الرئيس فى ترجيح كفة المغتربين

الرصيد خلصان ياعوض دكام
والشباب فلسان
وعلى العلينا كمان
يجونا مغتربين يحطوا الاحلام
كلام فى كلام ياعوض دكام

لك الود مسنترا

مشرف عدد المساهمات : 357 تاريخ التسجيل : 05/08/2009

ههههههههههههههه كلامك صح انا مابفوت شئ لكن انته كمان ممكن كان تعمل رايح لكن برضو كنته حاجيك بهناك واسالك
مااقول الا الله يكون فى العون
الغربه نار موقده

سلامى ، وتحياتى ، واحترامى كاملا شاملا

رد الله غربتك يا عزيزة ومتعنا برؤيتك معنا حتى نزداد قربا فانتى مشرفة للغاية (بتضعيف الراء) وانتى مشرفتنا الراقية والتى نعتز بتواجدها معنا كثيرا .
لك الود (حضورا)

مشرف عدد المساهمات : 357 تاريخ التسجيل : 05/08/2009

شكرا كتير ليك
واعتزازك بى بدينى حافز لى الابداع
ومابتصور مدى سعادتى بمقابلتك وبالاشتراك معاكم هنا
الله يخليكم يارب .. ولا يحرمنا من لمتنا دى

سلامى ، وتحياتى ، واحترامى كاملا شاملا

آآآآآآآآآآآآآآآآآآآآآآآميييييييييييييييييين يارب

لك الود

والله احساس مبالغه عدييييييل

سلامى ، وتحياتى ، واحترامى كاملا شاملا

سلامات ياشباب ، لى يومين غايب لكن لقيتكم زى ماانتو محتفظين بقدر وافر من جمال المرور وقلت ادخل بى جاى وراء الزولة الاسمها (امونة) لانو الظاهر عليها زولة نجيييييييييييييييييضة وعارفة بتعمل فى شنو وانا شخصيا عجبتنى مشاركاتها وقلت لازم اعقب .
نعتذر لصاحب البوست وارحب بالنيابة عنو بالرائعة (امونة) .

لكم الود