مطبخ وفنون طبخ

كل واحدة (واحد) طبخ طبخه وعجبتو يكتبها لينا ونحن نجربها أو لو في أكله عاجبانا وعايزين نعرف بطبخوها كيف نسأل ... أتمني المشاركة

[b]تمام والله
احله حاجه
انا بحب الطبخ معاانى ماحصل جربته اطبخ
لكن حابه وفرصه برضو نتشجع
تانى ياالبوست دا جاك بلاء
اتمنى الباقين كمان يساهمو معانا حتى الجنس الخشن
وشكرا ليك ياجميل[/
b]

الغاز كبيتو وين ما وريتنا

هاهاهاها موضوعكم جميل وهادف انا عندي التحلية برضو سريعة وخفيفة وهي وجبة سد الحنك
المكونات
١‏_‏ ماء
٢‏_‏ سكر
٣‏_‏ عيش ناشف
٤‏_‏ فندق او الهون
٥‏_‏ زيت
٦‏_‏ طوة
طريقة العمل ندق العيش في الهون نبقي قريب للدقيق ونخت الطوة في النار ونكب شوية زيت في الطوة ونحمر بدرة العيش لغاية ما يبقا احمر وبعداك نعمل قطر!
طريقة عمل القطر تكب السكر في الموية ويكون سكر كتير لو اتسخن في النار تمام بعداك العيش نرش فيه القطر وهو حار
اها رايكم شنو وجبه مبالغة قريبه للبسبوسة جوعتوني زاتي يا الاولي والعاشقه وناتاليا وديكور رايكم شنو

شكلو وجبتي ماعجبتك يا نتاليا علي الاقل قولي لي ماسمحه طناشك واضح

هاهاهاهاهايا الله يجازيك وتسلمي كتير اختنا العزيزة نتاليا

انا الله يخلى لى امى والله مابتقصر يومتا عملت لينا الفول
لكن والله عجبتنى اكلتك يامصطفى لانها بسيطه
رح اجربها لكن الهون ده مامره على قبل كده
والقطر قاصد بيهو شنو...؟؟

والله يا عاشقة حكايتك حكاية مابتعرفي الهون الهون دا الفدغ اظنو بيكتبوها كدا اما القطر دا موية السكر شفتي كيف وتسلمي كتير علي المرور

والله يا شباب موضوع في غايه الاهميه خاصه للعزابي المتغرب زي كده بس الموضوع اخد شكل ساخر شويه ما لقيت لي وجبه او طبخه اعملا الي الان من خلال المشاركات بنات حوا طلعو بيش ههههه
الحاجه التانيه الداير اعلق علي ودي وجه نظري ما عارف الناس تتفق معاي فيهاولا كيف،بشكل عام الوجبه السودانيه وجبه غير متكاامله اوبالاصح ما عندنا نظام تغذيه مضبوط عشان كده لما تقارن بين الشعب السوداني واي شعب اخر بتلقه المواطن السوداني هزيل في بنيتو ناس ماشا بالبركه، امكن غلا الاسعار لكن ممكن الواحد ياخد ابسط الاشياء ويعمل منها وجبه الجسم يستفيد منها اكتر حاجتين ضارا الناس شاي الصباح ومويه الفول الشعب السوداني القديم ما كان بيعرف الطبيخ الي ان جو الغزو التركي المصري كانو ناس عصايد ساي وشاي الصباح ده ما عرفو الامن الانجليز لكن اخدو غلط الخواجه كان بيفطر ويشرب الشاي في وقت واحد او مع آن واحد لكن الشخصيه السودانية اكتفت بكبايه الشاي فقط وده عندو اثر سلبي لدي الشخص الجسم داير طاقه لكن القاها من وين عشان كده الشعب السوداني معروف بالكسل حتي المصري بتريق قال ديل من شدة ما كسلانين عندهم مدينة اسمها كسلا والله ده حال السودان كده ولو فطر يفطر بمويه الفول وبعد داك الترخيمه المن امها
كدي اي زول يحاول يفطر الصباح ويمشي علي شغلو او دراستو شوف الفرق ما حاطول في الكلام لانو اصلن الموضوع عن الطبيخ بس حبيت الفت النظر لي نقطه انو لازم الانسان يعمل الوجبه المتكامله البيحتاج ليها الجسم من اقل الاشياء
وحابدا ليكم في مشاركتي الجايه بي وجبه بعملا طوالي وهي الكبسه ويارب تعجبكم

اول حاجه نقول بسم الله
وبعد داك نخش في كبسه اللحمه ودي من الاكلات البعملا طوالي وانشالله تكون صح
الحاجات البتحتاج ليها كالاتي:اللحمه وتخير اللحمه الجيده حسب ذوقك وانوعيه جيده من الارز يا ريت بسمتي ولا ابو كاس بصاتين وطماطم وجزر وفلفليه خضرا وبسله اذا عاوز والتوم طبعن والبهارت زي ما تحب من الفلفل المسحون والكسبرة والقرفه والهبهان لي الارز وخل او ليمون
الطريقه اعمل الارز لي وحدو وقبل ما ينجط اديهو الخضار مقطع علي ذوقك بالطريقه البتحبها
ثانيا بعد ما تتبل اللحمه بالطريقه الدايرة والبهارات المطلوبه حسب ما تحب ممكن تسلق اللحمه لفترة بسيطه عشان تشيل الزفار وتضيف الحبهان معاها لانو بشيل الزفار وما تسلقا كتير عشان ما تبقه قويه
نمشي بعداك الي البصل المفروم او المقطع ختو في الزيت وابدا في تقليبو ودايما ما تخلي النار قويه الي ان يصير لونو قريب للدهبي بعد داك خت اللحمه مع معجون او مويه الطماطم وباقي البهارات والتوم وابدا في التقليب
لغايه ما تحس انو الامور ماشه كويس اضيف الارز بتاعك للشغله لحدي ما تحس انو اللحمه نجضت والحله استوت بعد ده بالهنا والشفاء
دي طريقه بعملا انا لكن افي ناس بتعملا بالفرن بس انا ماعندي فما ممكن تتعمل كده
الطبخه الجايا الجكن كاري
ا

وينك ياود النوراني منتظرة الكبسة أنا
عايزة أستغل فرصة العيد واللحمة الكثيرة وأعمل أكبر عدد من الطبخات


تخريمة: البعرف يعمل شربوت يجي يوصفه لينا ...
لكم الحب جميعاً