سؤال وإجابة (س و ج )

التحايا لكل أهل المنتدي ... وكل القائمين علي أمره
فكرت أعمل البوست دا عشان نسأل فيه المتخصصين ( الحمد لله عندنا شاعر وملحن ومؤدي، لو إحتاج الأمر ممكن نستضيف ناس زيادة ((ولا شنو ياإدارة)) .....
نحنا بطبيعة الحال متلقين منذ أن ولدنا وكانت الأمهات والحبوبات يهدهدننا بالأغاني للنوم وتهدئة المزاج (دوزنه). نسمع الأصوات من حولنا ونميز بين جميلها وقبيحها، نتلقي الخطاب فنميز بين الكلام المدوزن (الشعر) والمنثور والعادي، نسمع الألحان فنطرب لبعضها ولا نطرب للأخري، وهكذا نمضي ...
فرأيت لكي نكون أكثر ثقافة هناك بعض الأشياء نتعامل معها كما يقولون بظهر الغيب كأن نقول (والله فلان دا سلمو ماذي فلان عشان كدة لما يغني دا ويجي التاني يغني نفس الحته بتجي مختلفة طيب يعني شنو السلم ؟؟؟ ممكن نعتبر دا أول سؤال، والثاني : وبسمع كمان اللزمة الموسيقية ماهي اللزمة الموسيقية؟؟؟ ( طبعاً أنا ممكن أخمن الإجابات لكن ليه نخمن وإنتو موجودين معانا أحسن نعرف الشئ كما هو عشان نكون فعلاً متميزين ولا رايكم شنو؟؟؟؟
لكم التحايا ... ودمتم

مشرف عدد المساهمات : 357 تاريخ التسجيل : 05/08/2009

موضوع فى غاية الروعه
حياك والله ياالاولى انتى اكتر واحه ممتميزه فى المنتدى ده
واسم ع مسمى وان شاء الله دايما الاولى
وانا كمان حابه اعرف عن السلم الخماسى تركيبو كيف
ولو فى سلالم تانيه ووجه الاختلاف بينهم شنو...؟؟
لك كل الود والتقدير

احيانا نقرأ أو نسمع مصطلحات غريبه بالموسيقى من اكاديميين وطلبة وغيرهم ونتسائل ما معنى هذه الكلمه أو إلا ما ترمز ؟ ولا تستغربون ان بعض الدارسين نوته يجهلون كثير من المصطلحات ايضا هذا الموضوع يهدف إلى جمع أكبر قدر من (المصطلحات + الأسماء) الموسيقيه وفيما ترمز له وماذا تعني ؟

بعد جمع كل المصطلحات من الاعضاء المشاركين سنقوم بصياغة الموضوع بشكل أفضل .... أتمنى مشاركة الكل لتعم الفائدة

يلا زى ما قالت الاولى نحنا مادام عندنا موسيقين احسن نستفيد منهم ونكون فاهمين ومعايشين ولو بقدر بسيط كمية الابداع فى الاغنيه وخصوصا نحنا فى منتدى كبير وكبير جدا لاستاذ اسمو محمد ديكور
وفى انتظار معرفة
السلم
واللزمه

سلامى ، وتحياتى ، واحترامى كاملا شاملا

موضوع خطيييييييييييييييييير جدا ، وانا قاصد بى خطير دى يعنى لو الواحد مننا حب يدى الناس معلومات مغلوطة ممكن يكون اثر تاثير كبير على مخزون الناس الفنى وخاصة انو نحنا فى السودان لانهتم كثير بالموسيقى كعلم وحتى بالثقافة الموسيقية والغالبية العظمى منا تكمن علاقتها بالموسيقى فى الاستماع لها فقط دون الاهتمام بها كعلم .
والموسيقى يا اخوانا علم واسع المدارك لو تعلمنا منه اليسير لازددنا متعة .
بل ان الموسيقى هى لغة الحوار العالمى وهى اللغة المتفق عليها دائما وفى كل الاحوال .

المفاجأة :
فى معيتى الآن وانا اكتب هذه السطور الاجوان .. الاحباب :-

الزين سليمان زين العابدين ( عازف كونقا) .
صديق عثمان الكمبى (عازف بيز) .

الخليل عمر الخليل (عازف بيز) بفرقة الفنان حسين الصادق، والفرقة القومية السودانية وايضا البلابل وله اسهامات لحنية مقدرة منها على سبيل المثال توزيع اغنية (ياخالف الوعود) المسموعة بصوت طه سليمان .
امين حسب الرسول (عضو فرقة عقد الجلاد) خريج جامعة السودان (كلية الموسيقى).

وطبعا انا ماصدقت طوااااااااااالى سمعتهم اغنية (اعذرنى ياصاحبى الوحيد) ، وقلت اضرب عصفورين بى حجر واحد :
اسالهم عن السلم واللازمة الموسيقية عشان يشاركونى الاجابة مع انها مامحتاجة لمشاركة لكن افضل تكون الاجابة (ليكم) من زول دارس زى امين حسب الرسول مثلا ،،،
اخليكم معاه :-
(س) ماهو السلم الموسيقى ؟!!
(ج) اولا تحياتى لكل اعضاء المنتدى وخاصة اخى وحبيبى محمد ديكور ، وحقيقى ما اتخيلت منتداكم بالصورة دى ، واكيد الزول حيجيكم بى جاى تانى .
اما ببخصوص السلم الموسيقى ببساطة شديدة سمى بالسلم الموسيقى لانة عبارة عن درجات صوت من اعلى لاسفل او من اسفل لاعلى .
وكما تعلمون ان الحروف الموسيقية (سبعة) دو _رى _ مى _فا _ صول _ لا _ سى _ وهكذا صعودا ونزولا ولكل حرف موسيقى درجة صوتية لحنية محدده .
(س) ماهى اللازمة :-
هى جملة موسيقية تفصل بين جمل صوتية وموسيقة اخرى .

طبعا الكلام ده كان شراكة بين (امين) و (خليل)

وفى كلام بخصوص مهيار واغنية اعذرنى ياصاحبى الوحيد (عن مهيار وعن ماذن)

تاخر الوقت وساعود لاحقا ببعض التفاصيل الاخرى

لكم الود

ح

من المواضيع الجميلة والهادفة وخاصة سؤالك يا (الاولى) وطريقة الرد من (محمد ديكور) ، لكن ما وريتنا الجماعة الموسيقيين ديل قالو شنو عن (ماذن ومهيار) ؟
نحنا منتظرين تعليقهم على (اعذرنى ياصاحبى الوحيد) وخاصة انو ده عمل غنائى بهمنا شديد لانو فى اعتقادى مولود شرعى للمنتدى ونحنا بنعتز بيه شديد كبداية لانجازات المنتدى .
نحنا فى الانتظار
تخريمة :

الناس الموسيقيين ديل مامكن نستضيفهم ونتونس معاهم شوية خاصة امين حسب الرسول عضو فرقة عقد الجلاد لانو فى ارهاصات كتيرة فى الشارع وحابين نسمع منو الحاصل شنو داخل عقد الجلاد وذلك من حبنا لهم كفكرة ومنهج وانجازات .
نتمنى ذلك بالفعل فهل من مجيب ؟!!

حريف دنيا"]

من المواضيع الجميلة والهادفة وخاصة سؤالك يا (الاولى) وطريقة الرد من (محمد ديكور) ، لكن ما وريتنا الجماعة الموسيقيين ديل قالو شنو عن (ماذن ومهيار) ؟
نحنا منتظرين تعليقهم على (اعذرنى ياصاحبى الوحيد) وخاصة انو ده عمل غنائى بهمنا شديد لانو فى اعتقادى مولود شرعى للمنتدى ونحنا بنعتز بيه شديد كبداية لانجازات المنتدى .
نحنا فى الانتظار
تخريمة :

الناس الموسيقيين ديل مامكن نستضيفهم ونتونس معاهم شوية خاصة امين حسب الرسول عضو فرقة عقد الجلاد لانو فى ارهاصات كتيرة فى الشارع وحابين نسمع منو الحاصل شنو داخل عقد الجلاد وذلك من حبنا لهم كفكرة ومنهج وانجازات .
نتمنى ذلك بالفعل فهل من مجيب ؟!!

[/quote]

أضم صوتي لي صوتك يا (حريف دنيا) والله جبت المفيد واقتراحاتك كلها بثني عليها وكمان بزيد انو البوست دا يتثبت عشان حيكون لينا فيه محاضرات كتيييييييييييرة .اتمني الاخوان الاعضاء يصوتو في موضوع التثبيت دا عشان دا من اهم البوستات وبيخدم غرض رئيسي من اغراض قيام المنتدي.
ولكم دوما الحب والاجلال

ولا في زول هبب لي إقتراح التثبيت ولا في زول رد عل مجرد رد علي العموم شكراً بس أنا مصره انو الموضوع لازم يتثبت ولازم الناس تدخل بي جاي وتسأل عشان دا من أهم مواضيع منتدانا ولا أنا غلطانه؟؟؟؟

سلامى ، وتحياتى ، واحترامى كاملا شاملا

حاشاك الغلط يا زولة ، والادارة غلطااااااااااااااااانة ونرجو التصحيح وذلك بتثبيت (البوست) والكلام ليكم يا السادة المشرفين ويا مصطفى نت تحديدا

الموضوع فعلا بستاهل وزى ماقلتى لازم يتثبت

لك الود 0مثبتا)

موضوع: رد للجميع الثلاثاء 03 نوفمبر 2009, 8:09 pm

السادة والسيدات الكرام :

عاشقة , نيدوكات ، مديرنا ، حريف دنيا و ناتاليا

تحياتي
مشكورين كتير علي المرور الغالي والمعلومات المفيدة المديتونا بيها

منتظرين باقي الأعضاء للمرور بي هنا ونستفيد كمان

لكم الشكر

عندي سؤال لي ناس مازن وإيمان البهناك وما بجو بي جاي.....
من ماذا تتكون الجملة اللحنية ؟؟؟
أرجو الإجابة حالما تسمح ظروفكم

أكون شاكرة

NATALIA كتب:: عندي سؤال لي ناس مازن وإيمان البهناك وما بجو بي جاي.....
من ماذا تتكون الجملة اللحنية ؟؟؟
أرجو الإجابة حالما تسمح ظروفكم

أكون شاكرة

وين الشباب منتظرين الرد علي السؤال دا ومشرورين