مهيار محمد نجيب -رد اغنية صاحبي الوحيد (اعزرنى )

تحياتى تحيات شاملات كاملات لا تناقصات ولا تفرزات وبكل احاسيس السعادات النص والحن والصوت الليله موجودات

الحبيب ديكور مطلوب رايك فى العود قبل كل شي ومطلوب راى الجميع تفصليا زما كان او مدحا فماهو هو الا عمل لكم ومنكم واليكم

للاستماع على اليوتيوب

https://www.youtube.com/watch?v=mXcHolaLCs4

لتحميل ملف الاغنيه mp3

http://www.mediafire.com/?yny2jtmh3gt


وتقبلوا انحنائاتى

مداخلة :
ما يهمنى فى الامر ان اكون قد اوصلت روح النص
وما كان ليحدث لولا تلك المناقشات العتيده بيننا على النص
لكم ودى مره اخرى [right][b]

جاري التحميل اخ مهيار وشكرا ليك كتير بوريك رايي بعدين

اولا استاذي محمد ديكور الف سلامه عليك شكلنا عاديناك هههه وان شاء الله تقوم لينا بالسلامه والله يعني الكلام القولتو ده كلام اكبر من حجمو علي وبالنسبه لي انا لي الفخر انو اتعامل مع استاذ في قمتك وروعة كلماتك سلمت يمناك وتقوم لينا بالسلامه

الحبيب ديكور
سلامتك والالم بيزول وكم كفاره ليك يا زول

اسعدنى رائيك وانطباعك الاولى عن العمل وعسي ان اكون قد وفقت فى اخراجه بالصوره التى ترضي الجميع حقيقه العمل ما هو الا نشخة اولى عرضناها للمناقشه
حتى نصل للصوره النهائيه للحن والاداء

لى العتب على بعض الاعضاء الزين غابو فجاءة دون سوابق انزار او اخطار
وتوقعت منهم مناقشة الموضوع بصوره اكثر تعمقا

ختاما لكم كل الود

أولاً أنا آآآآآآآآآآآآآآآآآآآآآآسفة علي التأخير أنا ماكنت مريضة لكن غايبه عن الشغل وفي البيت النت عيان شويه اليوم إتعافي
حقيقة ما قادرة أعلق ....
والله عمل ممتاز ....
وانا سعيدة جدا بالمولود الجديد الذي هو نتاج طبيعي للخلطة النووية بينك ومحمد ومازن بالجد حاجه ماتخلص ... قبل ما أعلق سمعتها 17 مرة وفي آخر مرة قدرت أتفاعل مع العمل لأني كنت مشدوهة من الجمال ....
ربنا يزيدكم وبشكركم كثير لانكم أقنعتوني إنو في فن جميل وفي شباب مجتهد وحقيقة العمل بالمقارنه مع الوقت الأخده مبااااااااااااااااااااااالغه...
الله يديكم العافية...
ولي عودة بعد السمع مرات ثانية

استاذ محمد ديكور حمد الله على سلامتك وانا معاك في حكايه انها تكون هنا مافي اي مشكله في النهايه الفايده تعم

تحياتى نبضا شوقا عرفانا بمروركم

الاخ ديكور
حمد لله على سلامتك

اولا طبعا نسيت ان انوة فى بادى الامر ان العمل صراحه من رأى تم بصورة سريعه جدا وما كان الا من نتاج خوفنا ان يضيع النص علينا فى العاده انا استمع للعمل اكتثر من مرات وقد تمر ايام واسابيع ثم اخرجه للنور وما كان استعجالى فى رفعه هنا بالمنتدى الا لأخذ نصائح وآراء الاخرين من يحبوننا ومن لا يفعلون ... ومن ثم تطبيقها ليخرج العمل بالصوره النهائية التى تمكننى من صنع الفيديو كليب كى يكون مرضيا لحنيا وصوتيا وتصويرا واخراجا للجميع

لست بذاك الشخص الذي يأبى النصائح ويرفض النقد ولا اعتقد ان ماذن عكس ذاك الرجل ايضا فماهو الا مشوار ابتدأناه لنطرب انفسنا اولا ونسعد غيرنا ولا تكتمل تلك السعادة الا برضاء الاخرين واقتناعهم فانا لا اعتبر هذا النص ملكى وحدى وانما ملك كل من شارك معنا فى مناقشه النص الاول وما هى الا ثمرة عمل جماعى

اقترح ان نناقش الموضوع هنا علانية نقدا كان ام مدحا لتعم الفائده ولكن مع اعتبار ان العمل ليس هو الصورة النهائية التى اراها

تقبل شكرى وعرفانى

الاولى

لا عتب عليك وانما هى كلمات لتخرج تلك العصافير من اعشاشها وتغرد لنا

مهيار

والله مبالغة يا مهيار وبالجد انت انسان فنان وما مجاملة والله ربنا يوفقك

تحياتى ديكور

سرعة تنفيذ العمل هى (العدو الاول والاخير) لجودتة لكن خرج العمل بصورة جميلة وضحت الفكرة وفى اعتقادى ان الاستماع الكثير والمراجعات توصله الى صورته النهائية.
ملاحظاتى فى شكل ملاحظة واحدة وهى (التكرار) الكثير للجمل الكلامية والموسيقية مما يفقد العمل فرصة الاستماع باستمرار واعتقد ان المعالجة تكون عن طريق المراجعة وتقليص نسبة الترديد حتى نعطى العمل فرصة التامل والتفكر وترديد ذلك مرات ومرات .


انا اتفق معك اتفاقا كليا لهذا الامر وكما اضيف ان تكرار الجمل الكلاميه لا يتيح فرصه لابراز المقاصد الموسيقيه والقصصيه هذا كنت قد قررت سابقا تخيفض عدد مرات تكرار الجمل حيث ارى تحديدا انها قد تفصل المستمع ولو للحظه عن القصة المستتره خلف اللحن والاغنيه وشكرا لك لتأكيد ما يجول بخاطرى .

لى رأى اخر من ناحية الموسيقي حيث نسمع كلنا اننا قد اخترنا العود هو الآلة الاساسيه للعمل نسبه للمحنه ومازن تقريبا المره الاولى له فى استخدام العود وارى انه قد اجاده اجادة تامه رأى فى الموضوع انى ارغب فى زيادة عدد الاصوات بمعنى اضافة الآت اكثر كآلة الاكورديون والتى اظهرت ناحية جمالية ممتازه فى مطلع الاغنيه بعد جملة اعذرنى جد ...... حيث اندمج الاكورديون مع الكمان فى شخل خط ( هارمونى لطيف محبب واحى مازن على ذلك )

ايضا يمتاز مازن بتمنكنه من الكمنجه بصورة تبرزه عن غيره فى الالحان ولكنى ارى ان اضافة الاصوات الاخرى مهمة خاصة فى المقاطع الترديديه كاوركيسترا مكتمله افضل ...
كما ارى ان تغير الايقاع بمعنى ( السنكبه بالدارجى ) افضل اى اضافه اصوات ايقاعيه اخرى . ولا كيف رايكم ؟؟

من ناحية الاداء اعلم جيدا انا هنالك بعض الاخطاء الفادحه ولكن نعيدها (العدو الاول والاخير) سرعة التنفيز لذا ارجو تنبيهى ان لم اكن منتبها للصغيره والكبيره فانا انسان .

احب ان اوضح واثنى على كلامك اخى ديكور فى اننا لم نتصور هذة الاغنيه كاغنيه وإنما كفيديو كليب من اول قرائتنا للنص ومعرفتنا بتابعيته ولذا اعيد ان اللحن اتى فى شكل لحن عصري مستخدما الآت زمان ( العود ) هو ابداع اتى من عمق النص الشعرى والقصه المستتره خلفة ..

لى عوده بعد نسمع منكم

تقبلوا فرحى بكم

طيب انا معاك يا استاذ ديكور فعلا العمل كان في شويه استعجال من ناحيه التوزيع وما حكذب في الحكايه دي برضوا من ناحيه التلحين للكلمات لكن انا نظرتا للاغنيه على اساس انها رساله اعتذار وتأنيب في نفس الوقت فما كان عندي غير اني اطلعها بالاسلوب ده بالنسبه لتكرار الجمل في الاغنيه انا ماحنكر انو حصل تكرار لمقاطع في الاغنيه لكن كل شي ليو مسبب زي ما بقولو انا اخترتا تكرار الجمل بسبب حاجه واحده انا عايز ااكد لصاحبي انو اي انا غلطتا لكن انت برضوا غلطان معاي لمن اجي اعاين ليها من منظور الحياه العامه بلقى نفسي بعيدها ليو كم مره مثلا انت غلطان وانا غلطان انت غلطان وانا غلطان يالله انا دايما بحب لمن ألحن اغنيه بحب اعيش كلماتها لانو الكلمات هي البتقودك للحن اللحن طريقه غنا لكن انا بفكر فيها بطريقه تانيه بفكر فيها بطريقه انو اخلي اللي يسمعها يحس بكلام الاغنيه ويحسها بالموسيقى انا بنظر للموسيقى بنظره الغرب في المزيكا بستخدمو دايما الموسيقى قبل الكلام عشان يحسو بالاغنيه احنا مشكلتنا في السودان لسه ما وصلنا للمنظقه دي بنلحن الكلام وبنعمل المزيكا لكن ما بنتتج الشي المرجوا انا ما حنكر استعجالي في اللحن مع انو انا كان عندي ليها اكتر من رؤيه موسيقيه ولحنيه واسلوب مختلف كنت عايز زي ما بقولو حتى اللي يغنيها يدخل مدرسه هههه لكن الوقت كان ضدنا في انتاج الاغنيه الرائعه دي ولكم الود ومازال النقاش مفتوحا وفي النهايه كلنا بنتعلم وبنستفيد من بعض

لكن يا استاذ انا بتمنى تدينا رؤيتك شنو برضوا للاغنيه وافكارك وممكن االافاضات التحصل شنو عشان الفيديو كليب .

سلامات ويسعد صباح زهور بسماتكم

انا برضو مع ايمان منتظرين رؤيتك وافكارك ومشاركتنا السيناريو للاغنية عشان التصوير

تحياتى ديكور طبعا دسينا عليك انو ايمان دى اسمها الملحنه الخفية (:
وبسمعك يوم من الحانها هى زوله سميعه شديد وانا شخصيا باخد رايها كتير برغم صغر سنها

لكن انا كنت منتظر رايك بالنسبه للاداء وبالنسبه للحن وبالنسبه للتوزيع الموسيقي
تحديدا منتظر النقد عشان نقدر نصلح الغلط

قبل الفاينل ركورد
وزى ما وضحت انا لى اراء فى اضافة الات زياده ومازن لديه اراء بالنسبه للتكرار الجمل وما عرفنا رايك غير انو الشغل عجبك لكن عايزنك تفصل لينا عشان نلبس ...

الحبيب حريف دنيا

تحياتى عزيزى

حقيقة يخجلنى البعض حين اعرف ان الدنيا لسه بخير وان هنالك اناس يحملون بزور الحب فى دواخلهم وينثرونها لتنبت الاشجار وتحمل الثمار ويقطفها الاخرون وينثرون البزور مره اخرى وانت واحد من هاؤلا فى راي

اعجبتنى جدا عبارة ان تكون حاضرا لميلاد اغنية وانت احد الاطباء معنا

ارجو شاكرا تقديم كل النقد الان فى هذا العمل حيث منه سنضيف على الفاينل

تحنياتى مولودة اغنية

تسلم ياحريف الدنيا على تعليقك الجميل والله والاستاذ ديكور وان شاء الله الفاينل حيكون اجمل بوجود ديكور معنا هنا بس بطلب من الاستاذ انو عندي تعديل في حاجات كتيره عشان ونشوف رايو فيها ان شاء الله

السلام عليكم !
اسفة علي المشاركة الجات متأخرة شوية ! اعتذر مرة تانية بس عارفين القراية و كدا
و للرد علي الاستاذ ديكور : اسفة والله مساهماتي كانت قليلة بلفعل بس كان السبب الدراسة وكدا و اكرر اسفي مرة تانية
اما علي مهيار ! ههه واللله اخجلتا تواضعي ! و دي معلومة صحيحة انا بساعدهم في التلحين و بلحن تقريبا

اما رأي في اغنية صحابي الوحيد :
انا في رأي انو الاغنية دي جميلة شديد و انا قريت كلمتها و بلفعل هي تحمل قصة ورائها يعني الزول البستمع كويس وكدا بقدر يفهم المغزي من القصة و هي الاعتذار و الشعور بلندم , اما في فكرة الفيديو كليب انا اشوف انو كل اغنية بتحكي قصتها , و في اغنية رد صاحبي الوحيد لازم تكون الفكرة العامة هي الاعتذار عن الخيانة يعني فكرة الفيديو كليب حنكون بسيطة شديد و ممكن الزول بلجد يعيش معاها لانو الفيديو كليب هو الذي يحكي قصة الاغنية و يشرحها !
و تحياتي ليكم جميعا و اسفة مرة تانية علي المشاركة المتأخرة دي