.:: منتديات محمد ديكور وطه سليمان ::.



 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 سلة روح..........!!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
zankal
عضو جديد
عضو جديد
avatar

عدد المساهمات : 22
تاريخ التسجيل : 03/11/2009
العمر : 30

مُساهمةموضوع: سلة روح..........!!   السبت 12 ديسمبر 2009, 10:43 am

هي واحتي....
امرح فيها كيفما اشاء....
هل من عدو....هل من عدو....
ما قولك في زمن تعود ان يجذب دموعي...يلغي رجوعي....
يقتل حروفي في المساء...
يامن غمرتك بالوعود....عذرآ
فقد جفت حروفي بإستياء.....
امشي واضحك يا ليلى مكابرة....
على اخبي عن الناس أعراض الوباء....
ابكي دماء....اندم على زمن توفى
من فرط الوفاء.........
اين الوفاء....
زادت جراحي اليوم يا ليلى
هل من مغيث.....؟
زمليني....دثريني....
مابال بعض الناس استهووا انيني...
صاروا حروفآ صعبة ....
يخفون تحت الحب
حقد الحاقدين......
فالحقد مفتاح القصور...
ودونه نبقى كأرض خصبة
تحوى التراب
فقط التراب...
وبلا بذور....
كالظلمة العتماء تجتاح القبور...
نحن القبور....
افلا نثور....
لم لا نثور...
هيهات يا لياى انادي
للصباح...
فالليل اوفى منك ...فلم الصياح...
يرسو بجفني حرمان يمص دمي
ويسبح بإرتياح...
في عيني يسبح بإرتياح....
عبر الجفون....
سيل تدفق رافضآ
كبح الجماح....
ظلآ تسلل خلسة...
أين الجفون...
أافلا تكون...حيث خلقت ان تكون...
هل نال منها الضعف ام ملت
مراقبة الحصون....
ام تراها مثلك...يا ليلى
خانت وغدرت بالعيون...

***************

وتأتي الروح بالبقية................... فهي ساعية للخلاص.....................
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الاولى
عضو مميز جداً
عضو مميز جداً


عدد المساهمات : 230
تاريخ التسجيل : 04/08/2009
العمر : 38
الموقع : الخرطوم

مُساهمةموضوع: رد: سلة روح..........!!   الإثنين 14 ديسمبر 2009, 5:36 pm

والله يا Zankal شديدة جدا جدا
انت وين من زمان والله حرام عليك تحرمنا المشاركات الجميلة دي
خليك معانا علي طول
وما تغيب عننا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد ديكور
المدير العام
المدير العام
avatar

عدد المساهمات : 379
تاريخ التسجيل : 03/08/2009

مُساهمةموضوع: رد: سلة روح..........!!   الإثنين 14 ديسمبر 2009, 8:45 pm

سلامى ، وتحياتى ، واحترامى كاملا شاملا

ياسلام ياحبيبنا ......... ايوة ايوة ايوة ........ اظهر وبان عليك الامان .... انته وين من زمان .... والله لى زمن طويل مادخلت بى جاى والليله جيت لقيت المواضيع ماشة تمام والناس قاعدين ... البيت بيتك وحقو تقدم الموية للضيفان


بكم الود (سعيدا)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://dicor.mam9.com
zankal
عضو جديد
عضو جديد
avatar

عدد المساهمات : 22
تاريخ التسجيل : 03/11/2009
العمر : 30

مُساهمةموضوع: رد: سلة روح..........!!   الثلاثاء 15 ديسمبر 2009, 4:54 pm

الاولى كتب:
والله يا Zankal شديدة جدا جدا
انت وين من زمان والله حرام عليك تحرمنا المشاركات الجميلة دي
خليك معانا علي طول
وما تغيب عننا

الاولى لي يا الاولى ان اوالي الاوائل ....وانتم الأولى بالولاء لأنكم اول الاوائل.......

والله يشرفي اني اكون معاكم والحمد لله اني لقيت لي فرقه ابقى معاكم ...وعلى فكره انا كنت متابع المنتدى كزائر وكنت مستمتع جدآ بالقراءه ... والاستمتاع ده ما من فراغ ... من الطبيعي الزول يستمتع في وجود القامه الكتابيه والنثريه والشعريه الاستاذ محمد ديكور.... زيدي عليهو الاولى و ود المهدي ونيدوكات ومصطفى نت وغيرهم من الاعضاء الرائعين بقوه....
مشكوره جدآ على الترحيب المحفز والجميل وانشالله ما ننقطع ونكون معاكم على طول........

سلام بلون الشمس..........
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
zankal
عضو جديد
عضو جديد
avatar

عدد المساهمات : 22
تاريخ التسجيل : 03/11/2009
العمر : 30

مُساهمةموضوع: رد: سلة روح..........!!   الثلاثاء 15 ديسمبر 2009, 5:33 pm

محمد ديكور كتب:
سلامى ، وتحياتى ، واحترامى كاملا شاملا

ياسلام ياحبيبنا ......... ايوة ايوة ايوة ........ اظهر وبان عليك الامان .... انته وين من زمان .... والله لى زمن طويل مادخلت بى جاى والليله جيت لقيت المواضيع ماشة تمام والناس قاعدين ... البيت بيتك وحقو تقدم الموية للضيفان


بكم الود (سعيدا)
سلام تايه محتار ............

استاذنا العزيز....ظهرنا وكبرت احلامنا....

والله رويت جروفنا بي ردك....وسقيت حنينا...وحطيت رحالك زائرآ بل (سيد بيت)مميز.....

ولا اخفى عليك ..... نحن نسعى لإستقبالك ... وعشت فخر لينا وزاد.....

اشكرك جزيل الشكر على الكلمات الطيبات....
ولك الود_ كما تقول _ودودآ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
zankal
عضو جديد
عضو جديد
avatar

عدد المساهمات : 22
تاريخ التسجيل : 03/11/2009
العمر : 30

مُساهمةموضوع: رد: سلة روح..........!!   الجمعة 18 ديسمبر 2009, 11:54 am

تركت حروفي تأسر صمتي وتذهب
محال ستتعب.....
حتمآ ستلهو ...تعانق سمائي وتلعب
صارت حروفي...ماء نقي...
تسقي جروفي
تطرد وتلعن ذلي وخوفي...حتمآ ستغضب...
لابل ستبطش وتغضب...
تقتل يأسي الخفي...تهدم حلمي الوفي..
مامن وفي...
وما من وفاء...
زال جنوني بكم يا رفاق...
هل كل عام سيأتي سأندم...؟
سأنسى حطامي...؟
اذوب اشتياق؟
سأتلو كلامي...
وانسى غرامي ...
سأوعد...واخلف...
اخالف وعودي...
وإن جف عودي,سأمضي اليه..
لمن كان همآ ...وسقمآ علي...
خصمآ وندآ وحلم جميل....
فما من سبيل...
غير السبيل...
هل من بديل...؟
يلقي سلامآ فاض احترمآ؟
يأتي بقلب مريض عليل..؟
يشكي دماءه..لي في المساء..؟
وعند الصباح..يغدو جميل..؟
هل من بديل...؟
يرمي بثقله وجعآ يضاهي
السماء..
وهل يستقيل...؟
فليستقيل....
كل الاماكن تذكر ذاك الزمان...
ذاك المكان...وتلك الفراشه..وذاك الحصان...
بات المحال جميلآ ...
هم يزول...يترك طيفآ...يخلف صيفآ
يحوي نسيم جميل عليل....
اهلل طربآ فقد آن ...آن الآوان..
لأجد الأمان...وانجو بنفسي...
فمامن جمال يعانق غروري
ومامن حضور يضاهي حضوري
سأأتي بهمسي...واتلو سراعآ
حناني وحسي....
افضل يأسي.....
يأسي عظيم...عظيم كبأسي...
سأبكي عليكي..ولكن بإرتياح
سأندب حظي...والعن نحسي...
ولن استغيث...
فمهما كنتي... اجمل منك نفسي................




ومازالت النفس ساعيه للخلاص.............................
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الاولى
عضو مميز جداً
عضو مميز جداً


عدد المساهمات : 230
تاريخ التسجيل : 04/08/2009
العمر : 38
الموقع : الخرطوم

مُساهمةموضوع: رد: سلة روح..........!!   الأحد 20 ديسمبر 2009, 5:21 pm

والله يا Zankal غلبني الكلام عدببببببببببببببببل
تقبل مرورى ولي عودة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
zankal
عضو جديد
عضو جديد
avatar

عدد المساهمات : 22
تاريخ التسجيل : 03/11/2009
العمر : 30

مُساهمةموضوع: رد: سلة روح..........!!   الأربعاء 23 ديسمبر 2009, 6:08 am

مرور الكرام.....يجزي الكلام....واحر السلام مع الاحترام....

مشكوره....وانا برضو لي عوده.....
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
zankal
عضو جديد
عضو جديد
avatar

عدد المساهمات : 22
تاريخ التسجيل : 03/11/2009
العمر : 30

مُساهمةموضوع: رد: سلة روح..........!!   الأربعاء 23 ديسمبر 2009, 10:35 am

يا حوا يا زمن الصبا...
يا بنيه كانت كل شي....
سمحه زي نور الضلام...
تدي الفرح وتحوي الحزن...وبتنتشي!!!
ماعرفت الجفا والملام.....
ليه يازمن...؟
ماهي البنات....كل البنات...
شالت من الليل السواد ...
شفناها في نور الضحى....
زارتنا مع شاي الصباح...
ضقناها في طعم الملاح...
ليه يازمن؟
ماشاي الصباح و طعم الملاح
ماببقو غير ست البنات...
ياضحكة الزمن اللي فات...
ويا وجعة الزمن البقى
يسرق فرحنا عدييييييييييل كده
يملانا هم ويفوت بعيد....
كنتي الأمل في دنيا ما بتعرف امل...
دنيا جارت من جديد......
ظلمت ...قست...وعزانا عيد...
عيدك وحاتك مابفوت...
دون نبكي حسره....
بدون حدود...
ماكنتي عيد كل الورود!!!!
كل العساكر والجنود...
كل البشر ...
فرحت بيكي عيد....
وحسي عيدك هو البفوت!!؟
تتقفل المدن الكبار...
وتتكسر القبب الصغار...
كل الشوارع والكباري...
كل المواني والسدود...
الليله عيد ست البنات...
الليله عيدك يا سعاد...
ما اصلو زمنك ما انتهى...
والليله في زمن السجم... كل العساكر في السجون...
لا صول يقول .....
لا زول يقلع في العيون...
والميري زيو زي التياب...يمشي ويعاين في التراب...
لمتين نقيف مع ضلنا...
لمتين نفتش حقنا...
كل الخشوم اتقفلت...
وكل الأيادي اتكبلت....
لي الله بس اتوسلت...
في زحمة العيش الحلال...
اتبهدلت...
في بقعة الحرم الشريف...
اتغسلت..
ليه يازمن؟
حرم نسير في كل شارع يا سعاد...
كل القلوب السمحه لبست توب حداد...
إلا الوهم...
لبس الحرام.....
وصاغ الكلام...في شكل خوف....
منع التجمهر والسلام!!!
وين التصاريح والإذن؟
وليه التصاريح والإذن........؟
الببكي ليو زولآ عزيز محتاج إذن؟
ليه يازمن؟
وآه يا عمر....
ست البنات محظوظه حظ....!!!!
ماشافت الحكم الفقر...
وماعاشت الزمن الفقر...
خليكي في دارك هناك....
ماتشيلي هم باقي العمر...
الناس مكبله بالجروح...
والشكوه وجعه على الببوح...
والبينا ماااااااااااا شيتآ كتر...
خليكي في توبك بياض....
وخليها جواك يا قبر......
خليها جواك يا قبر.....
خليها جواك يا قبر....





اتسلي يا روح....وخلصينا.........
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
zankal
عضو جديد
عضو جديد
avatar

عدد المساهمات : 22
تاريخ التسجيل : 03/11/2009
العمر : 30

مُساهمةموضوع: رد: سلة روح..........!!   الأحد 27 ديسمبر 2009, 8:10 am

ماقلت ليك ماببقى ليك.........
ماقلت ليك مابرضى بيك.......
لو قلت ليك عاشقك انا ,ابقى جد بكذب عليك

يافاكر الناس باكيه فيك,امسحني من ابيات قصيدك
ياواهب الروح العذاب,روحي المعذبه مابتريدك
تزرع الم,تسقي الجراح,تحصد عذاب ربك وسيدك

عارف عمايلك والعليك...مابرضى بيك ماببقى ليك

ماقلت ليك ماببقى ليك.........
ماقلت ليك مابرضى بيك.......
لو قلت ليك عاشقك انا ,ابقى جد بكذب عليك

انساني يا واهم كتار , ما داير اعايش ظلمهم
ماداير ابكي بين ايديك , انا غير عبيدك كلهم
اقنع وسيب احساسي بيك , حلحل شباكك فكهم

والنجـــــــــوم قريبه ليك,ماببقى ليك مابرضى بيك

ماقلت ليك ماببقى ليك.........
ماقلت ليك مابرضى بيك.......
لو قلت ليك عاشقك انا ,ابقى جد بكذب عليك

سافر ولملم كل شجونك , واوعاك ترجع من جديد
قلبي الأبي رافض سجونك , ما اصلو,زيك ما بريد
والليله لو غابت عيونك , واديتني ضهرك يبقى عيد

ومافي زول بتهنى بيك, مابرضى بيك ماببقى ليك

ماقلت ليك ماببقى ليك.........
ماقلت ليك مابرضى بيك.......
لو قلت ليك عاشقك انا ,ابقى جد بكذب عليك



خلصنا منها....باقي الروح!!!!!!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد ديكور
المدير العام
المدير العام
avatar

عدد المساهمات : 379
تاريخ التسجيل : 03/08/2009

مُساهمةموضوع: رد: سلة روح..........!!   الأحد 03 يناير 2010, 8:26 pm

سلامى ، وتحياتى ، واحترامى كاملا شاملا


بعد غيبة ... لظروف قاهرة جدا .. اعود واجدكم كما انتم تزينون (عمرى) باورود والرياحين .. اعود لكم فانتم (حيث انتمى) وتنتمى جذورى .. , (خسراااااااااااااااان) الماعندو اهل زيكم ..

النصوص اعلاه جميلة حد السكوت والاندهاش ن لكن كنت عايز معلومات عنها اكتر .. فياريت تدينا


لك الود (مندهشا)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://dicor.mam9.com
zankal
عضو جديد
عضو جديد
avatar

عدد المساهمات : 22
تاريخ التسجيل : 03/11/2009
العمر : 30

مُساهمةموضوع: رد: سلة روح..........!!   الإثنين 04 يناير 2010, 7:15 am

يا الف حمد لله على السلام يا استاذنا.... طليت علينا في السنه الجديده وخميت معاك كل التعاسه المرسومه من السنه الفاتت......
وكسبان العندو اهل زيكم يا استاذنا ديكور......

وعن النصوص .... لا توجد معلومات اكثر من التي تحويها , ومامن جانب الا وقد اندس خلف اسوار تلك الحروف...واني والله اجدك خير المنقبين... فأبحث وان وجدت جديد, لا تحتفظ به لنفسك, اتحفنا به....
ولا قصدك شنو بي معلومات يا استاذ.....؟؟

لك الود (كما تقول) منتظرآ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الاولى
عضو مميز جداً
عضو مميز جداً


عدد المساهمات : 230
تاريخ التسجيل : 04/08/2009
العمر : 38
الموقع : الخرطوم

مُساهمةموضوع: رد: سلة روح..........!!   الثلاثاء 05 يناير 2010, 4:17 pm

لك التحية أخي زنكل
فقط هذا ما استطعت أن اقول بعد أن طالعت المكتوب
وتبقي الكلمة سلت روح
وتبقي الروح بدون كلمة (هباء منثور)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
zankal
عضو جديد
عضو جديد
avatar

عدد المساهمات : 22
تاريخ التسجيل : 03/11/2009
العمر : 30

مُساهمةموضوع: رد: سلة روح..........!!   السبت 09 يناير 2010, 12:04 pm

الاولى تواجدآ.... يجزي الحضور تألقآ_ كل الحروف...
ولولا الروح لما كانت الكلمه...

لعلى انادي بسلة الروح) ولكن لا اقصدها...فإني لا اجد سوى الكتابه...
لكم وبكم تبقى الروح شاهده على كل الحروف.........
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
zankal
عضو جديد
عضو جديد
avatar

عدد المساهمات : 22
تاريخ التسجيل : 03/11/2009
العمر : 30

مُساهمةموضوع: رد: سلة روح..........!!   الإثنين 18 يناير 2010, 9:20 am

ياسماحه ويا لطافه ويا جمال......


يا سماحه ويا لطافه ويا جمال.....امشو لي ديك البنيه وشيلو حبه
واغشو جيرانكم سريع ,,وكلمو الوفا والمحبه
قبل السماحه الفيكي بنضم عن لطافه , زادت الحلو حبتين
ضحكه منك وشوشت جواي عواطف, دست الجرح الحزين
مدت الاعجاب شوارع...
وكسرت كل الموانع....
ضللت صيف السنين...
وقربت خطوات خريفا...يا لطيفه

************************ ياظرافه اتوشحت عفه ودلال ....


يا ظرافه اتوشحت عفه ودلال,,امشي لي ست الحنان
وحاولي تعرفي سر جمالها,,سبحان من خلق الحسان
قبل الجمال البيكي بحكي عن ظرافه, ضحكت صمت القبور
خفة الدم في حضورك نشوه خالده , حيرت قبلي الحضور
زارت الندى في مقيلو....
ونورت للعابر سبيلو...
فرحت كل الطيور...
ولبست الزينه العفيفه, يا ظريفه

**************************
ياسماحه ويا لطافه ويا جمال......ياظرافه اتوشحت عفه ودلال


بعيدآ عن وجع الروح
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
zankal
عضو جديد
عضو جديد
avatar

عدد المساهمات : 22
تاريخ التسجيل : 03/11/2009
العمر : 30

مُساهمةموضوع: رد: سلة روح..........!!   الإثنين 08 فبراير 2010, 11:19 am

سكة تودي وسكه تجيب,لا أول لا آخر حبيب,لا ضعت لا ضاع العمر
لا صبحنا بي شمس المغيب
ايه يعني حبيتك كتير........وتركتني؟
انا بيك ومن دونك أمير.....مافهمتني
في قصتك,ياما فكرت استخير..... ريحتني.
ماني حاسس بالعذاب, ريدتك مجرد اغتراب
الرجعه منو تهمني.......
كسبان انا وخسران براك,الم الضمير ,كتر السهاد,وجع النحيب
ياخي سكه تودي وما تجيب.....
واصبر اقول ليك يا حبيب,لأنك إنت ظلمتني
الم الضمير ووجع النحيب,ما أظن يطيب
ما إنت برضو جرحتني
والأمر المحير والغريب,كان ليك طبيب عاشق هواك
والليله اصبح زي غريب مالك دواك...
وكلامو ليك ,راحت عليك
ضيعتني.......
وما تخت في بالك ياحبيب
برجع افتش ليك قريب
الريده ما وقفت عليك
الريده بس قسمه ونصيب.
الريده ما وقفت عليك
الريده بس قسمه ونصيب.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الاولى
عضو مميز جداً
عضو مميز جداً


عدد المساهمات : 230
تاريخ التسجيل : 04/08/2009
العمر : 38
الموقع : الخرطوم

مُساهمةموضوع: رد: سلة روح..........!!   السبت 20 فبراير 2010, 5:15 pm

مالك قطعتو معاه 6 صفر
كان تدية فرصة شوية يراجع نفسه
ما قلت لينا دي كتبتها انت وكانت متين
عشان عايزين نحلل ونقول راينا بعد دا
يديك الف عافية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
سلة روح..........!!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
.:: منتديات محمد ديكور وطه سليمان ::. :: °•.ღ.•°المنتديات الرئيسية°•.ღ.•° :: °•.ღ.•°منتدى محمد ديكور العام°•.ღ.•°-
انتقل الى: