.:: منتديات محمد ديكور وطه سليمان ::.



 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 الجاب طه سليمان هنا شنو؟؟؟؟؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
VERA
عضو جديد
عضو جديد


عدد المساهمات : 17
تاريخ التسجيل : 08/09/2009

مُساهمةموضوع: الجاب طه سليمان هنا شنو؟؟؟؟؟؟   الخميس 14 يناير 2010, 3:38 am

هسه يا أخوانا الجاب طه سليمان في منتديات محمد ديكور شنو؟؟؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
zankal
عضو جديد
عضو جديد
avatar

عدد المساهمات : 22
تاريخ التسجيل : 03/11/2009
العمر : 30

مُساهمةموضوع: رد: الجاب طه سليمان هنا شنو؟؟؟؟؟؟   الخميس 14 يناير 2010, 5:38 am

الاخ العزيز فييرا..... لا ادري هل من الاحقيه لدي ان اجيب على تساؤلك ام لا؟؟ ولكن الشغف والاستغراب هو ما قادني الى هنا....
ولا املك جوابآ شافيآ لكن يقال في المثل( اهل مكه ادرى بشعابها) وسيد الحق راضي.... فقط...
موضوع ............يجلب موواضيع اخرى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
VERA
عضو جديد
عضو جديد


عدد المساهمات : 17
تاريخ التسجيل : 08/09/2009

مُساهمةموضوع: رد: الجاب طه سليمان هنا شنو؟؟؟؟؟؟   الثلاثاء 23 مارس 2010, 4:12 pm




لك السلام والإحترام أخي زنكل
أنا أختك VERA (فيرا) طبعا ممكن ترد لأنو المنتدي أصلا للمناقشة
ماذا قصدت بكلمتي (شغف وإستغراب) شغف بماذا؟ وإستغراب فيم؟
كانما سؤالي ما في محله أو بالأصح كيف أسأل وكل الناس بتعرف علاقة محمد ديكور وطه سليمان سواء ان كانت إجتماعية أو عملية ما قلنا حاجة .
أن تعرض أعمال الأستاذ محمد بصوت الفنان طه شئ لابد منه لأن والكل يعرف الثنائية بينهما بنفس القدر للأستاذ أعمال أخري يتغني بها آخرون سنعرض لها ونناقشها.
لكن ما عنيته أخي زنكل هو:
أن للفنان طه منتديات باسمه لو أردناها لسجلنا فيها .
اليس من حقنا ابداء راينا ولا (سيد الحق راضي) دي مقصود بيها العجبو عجبو والما عجبو يتفكفك
اليس هناك هامش حريات (كما يقول الكيزان) في هذا المنتدي ولا دا هامشكم
ولا حرام يعني الواحد يجيب سيرة الأسطورة طه
أليس لنا الحق في الإستمتاع بما يكتبه الأستاذ محمد وما يطرحه من فن في الساحة بدون فرض الفنان طه

هذا سؤال للإجابة

وأنا في الإنتظار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد ديكور
المدير العام
المدير العام
avatar

عدد المساهمات : 379
تاريخ التسجيل : 03/08/2009

مُساهمةموضوع: رد: الجاب طه سليمان هنا شنو؟؟؟؟؟؟   الجمعة 26 مارس 2010, 6:28 pm

سلامى ، وتحياتى ، واحترامى كاملا شاملا

الحاصل شنو يا اخوانا .. هلى هى بداية اختلاف فى الآرآء .. لا اعتقد ذلك ولكنى اعتبر ان المنتدى به الحرية الكافية لابداء الراى والراى الآخر وهو ديدننا السائد ولكنى اتمنى ان نناقش الامور بقدر جمال الفكرة .
احترم راى (فيرا) ولكنى اختلف معها لان الذى بينى وبين الاخ العزيز طه لاعلاقة له بالغناء !!

وعموما كده ممكن احاوب على السؤال (الجاب طه بى جاى شتو ؟!!)
ببساطة لانو اكتر فنان بغنى لى


لكم الود (مجاوبا)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://dicor.mam9.com
zankal
عضو جديد
عضو جديد
avatar

عدد المساهمات : 22
تاريخ التسجيل : 03/11/2009
العمر : 30

مُساهمةموضوع: رد: الجاب طه سليمان هنا شنو؟؟؟؟؟؟   الجمعة 26 مارس 2010, 10:32 pm

VERA كتب:



لك السلام والإحترام أخي زنكل
أنا أختك VERA (فيرا) طبعا ممكن ترد لأنو المنتدي أصلا للمناقشة
ماذا قصدت بكلمتي (شغف وإستغراب) شغف بماذا؟ وإستغراب فيم؟
كانما سؤالي ما في محله أو بالأصح كيف أسأل وكل الناس بتعرف علاقة محمد ديكور وطه سليمان سواء ان كانت إجتماعية أو عملية ما قلنا حاجة .
أن تعرض أعمال الأستاذ محمد بصوت الفنان طه شئ لابد منه لأن والكل يعرف الثنائية بينهما بنفس القدر للأستاذ أعمال أخري يتغني بها آخرون سنعرض لها ونناقشها.
لكن ما عنيته أخي زنكل هو:
أن للفنان طه منتديات باسمه لو أردناها لسجلنا فيها .
اليس من حقنا ابداء راينا ولا (سيد الحق راضي) دي مقصود بيها العجبو عجبو والما عجبو يتفكفك
اليس هناك هامش حريات (كما يقول الكيزان) في هذا المنتدي ولا دا هامش
ولا حرام يعني الواحد يجيب سيرة الأسطورة طه
أليس لنا الحق في الإستمتاع بما يكتبه الأستاذ محمد وما يطرحه من فن في الساحة بدون فرض الفنان طه

هذا سؤال للإجابة

وأنا في الإنتظار

لك السلام والاحترام الاخت فييرا...
الشغف بمتابعة موضوع يخص الفنان طه سليمان..
والإستغراب في موضوع عنوانه ينبئ برفض الفكره مطلقآ...فكرة دمج الاسمين الكبيرين في واجهة المنتدى...
عبارة (اسي الجاب طه سليمان هنا شنو)..الاحظ عند نطقها بتجعد جلد الوجه وتمطي الشفتين وانعقاد الحاجبين ورسم ملامح في الوجه توحي بالإستياء....
عمومآ:-
انا شايف انك اخدتي الموضوع بجانب مخالف تمامآ للجانب الأنى اقصدو...
وجود طه سليمان كجزء من اجزاء المنتدى لم يفرضه الأ الاستاذ محمد ديكور ...هذا ما قصدته ب(سيد الحق راضي) اي اذا كان ولا بد من طرح السؤال فكان من الممكن طرحه بصورة شخصية للأستاذ محمد ديكور لأنه موضوع استفسار ... وربما كان اعتراض لا ادري..
 لم اقصد ان رضيتم رضيتم وان لم ترضوا فلتذهبو...ومن انا لأقول ذلك ...ولا املك حق التدخل في هذه المواضيع ...

في حاجه تانية ... حسيت بأنو عندك فكره اني بقاتل من اجل طه ..واحارب كل من ينطق بأسمه سوءآ... ليس هو المغذى من حديثي...
منتديات طه سايمان ..ولا حرام الواحد يجيب سيرة طه سليمان...
القصة ما قصة طه بالتحديد....
القصة قصة الاعتراض بأسلوب منفر .... لو كان طه او غيرو ...برضو القصة قائمه...
وآخرآ من حقك تستمتعي بكل كتابات الاستاذ محمد ديكور .. ولا اجد ضير في وجود قسم لأغاني الفنان طه سليمان (او غيره)... فهذا القسم والصورة المعلقة في الواجهه لا احسبها تنقص شيئ من المتعه في كتابات الاستاذ...

آسف جدآ للإطاله ... فقد اثارتني بعض الافكار التي اثرتيها بنقاشك...
وزي ما بقولو الناس (اختلاف الآراء لا يفسد للود قضية)
اتشرفت بيكي ...
ولو في اي تعقيب انا منتظر.....
سلامي يعقب اهتمامي...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الاولى
عضو مميز جداً
عضو مميز جداً


عدد المساهمات : 230
تاريخ التسجيل : 04/08/2009
العمر : 39
الموقع : الخرطوم

مُساهمةموضوع: رد: الجاب طه سليمان هنا شنو؟؟؟؟؟؟   الثلاثاء 30 مارس 2010, 4:53 pm

السلاااااااااااااااااام عليكم يا ناس بي جاي
موضوعكم لقيتو جادي شديد وحبيت أشارك بعد إذنكم


أولاً :
طبعاً كلنا يعرف العلاقة الكائنه بين الأستاذ والفنان وما علينا الا التسليم بها.
ثانياً:
الفنان هو أكتر واحد مقنع للأستاذ ودا رايه الشخصي.
ثالثاً:
من هذا الواقع نجد أن الفنان طه سليمان هو التوأم الفني للأستاذ ذي ما اتوجدت ثنائيات كثيرة في تاريخ الفن السوداني أمثال( الفنان عثمان حسين والرائع الشاعر حسين بازرعة والفنان القامة محمد وردي والمبدع الشاعر إسماعيل حسن - علية رحمة الله).
إذا فهمت ما عنيته الأخت (VERA) فهو إحتجاج علي إقران الإسم في المنتدي بمعنى المفروض تحصر أغنيات الفنان طه سليمان فقط في ما قدمه للأستاذ محمد ديكور لأن فعلا إقران الإسم بهذا الشكل يوحي بإمكانية وجود كل أغنيات وصور الفنان وكل ما يخص أخباره ومن رأيي أن هذا ليس المجال لها وفعلا لو كان الموضوع كدا كانت ممكن تنتمي لمنتديات الفنان طه سليمان (ولا شنو؟)
رابعاً:
أن يتحدث عنه ويفرد له مساحات اكبر من غيره هذا هو المعقول ولكن أن يرتبط الأسم بهذا الشكل فهو غير جميل...
وهذا رايي أقوله لله وللمنتدي

تخريمة:
شايفة الأستاذة دخلت في السياسة

Laughing Laughing Laughing Laughing Laughing

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
NATALIA
عضو نشيط
عضو نشيط


عدد المساهمات : 68
تاريخ التسجيل : 24/09/2009

مُساهمةموضوع: رد: الجاب طه سليمان هنا شنو؟؟؟؟؟؟   الخميس 29 أبريل 2010, 6:35 pm

السلام عليكم

جيت بي جاي لقيتكم مسخنين اكتر من درجة حرارة الخرطوم
طيب من وجهة نظري الموضوع أبسط من كده الادارة عاوزه تقرن الالشاعر والملحن والمؤدئ في نفس المكان وبي كدة تكون وفرت علينا مجهود كبير
مشكورة
وشكلك يا(VERA) ما بتحبيه مع انه فنان حاولي أسمعيه بشكل جديد ويمكن تغيري رايك فيه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الجاب طه سليمان هنا شنو؟؟؟؟؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
.:: منتديات محمد ديكور وطه سليمان ::. :: °•.ღ.•°المنتديات الرئيسية°•.ღ.•° :: °•.ღ.•°منتدى محمد ديكور العام°•.ღ.•°-
انتقل الى: