.:: منتديات محمد ديكور وطه سليمان ::.



 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 الشاعر الكبير صلاح حاج سعيد

اذهب الى الأسفل 
كاتب الموضوعرسالة
الاولى
عضو مميز جداً
عضو مميز جداً


عدد المساهمات : 230
تاريخ التسجيل : 04/08/2009
العمر : 39
الموقع : الخرطوم

مُساهمةموضوع: الشاعر الكبير صلاح حاج سعيد   الخميس 29 أبريل 2010, 8:09 pm

شاعر بحب كتاباته جداً جداً غني ليه مصطفي سيد أحمد العديد من الأغنيات المدهشة شاعر نقف امامه بكل الدهشة وتعالوا نقرأ واحدة من قصايدة الجمييييييييييييييييييييييلة حد العذاااااااااااااااااااااااااااب :

عينيك مدن
كلمات: صلاح حاج سعيد

عينيك مدن منسية
في كتب التواريخ والزمن
عينيك وطن مشدود
على وتر التباريح والشجن
ممدود على حروف الكتابة
مكدود عنا ومكتول صبابة
فيه حطّ النيل سكن
===
عينيك سفر مكتوب أعيش في غربتو
واعشق عذابو وحرقتو وليله الطويل
أتخيلك يا حلوة زي نسمة سحر
جيتي ومعاك حلمي المطول منتظر
وعدو الجميل
عشقك زمان جواي رحل
إتناهى في الأعماق أمل
ضمخ رؤاي إحساس نبيل
أذهل طيوف خاطري القبيل
جاشت ملامح روعتو
وضج السكون في وحشتو
والكان أمل في عيوني لاح
زوب مدرات فرحة الوهج النضير المزدهر بالإرتياح
فجأة إنحصد قبضة رياح
وسكت الكلام
يا حلوة في القول المباح
وقام الصباح بعدك رحل
والكان أمل في غيم سماك
أيقنت أنه عدم بلاك وانك قدر
وأنه البيحلم بي علاك
يختار ظروف أحلاها مر
===
عينيك لو تصدق معاي الأمنية
عينيك لو أعرف ختام الأغنية
بدأ الكلام والمنتهى والمستطاب والمشتهى
كل المباهج في المواويل والغناء
والعاشقين قلبي وأنا
هزتنا في عينيك تصاوير المنى
يا أمنيات من كم سنة
ويا أغنيات كل الأماسي المستحيلة وممكنة
المستحيل عينيك تهون
والمستحيل قلبك يخون
ما الغدر ما طبع الوفاء
والصدق ما شرط إنتفا
وأنا حالي في بعدك كفي
وأنا حالي من بعدك كفاه
المغنى والحب والشجن
والوحشة والشوق للوطن
العمر قبلك ضاع سداً
والعمر بعدك أية يكون
لو يبقى بي حساب الزمن...

أها لقيتوها كيف ما دختو


.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الشاعر الكبير صلاح حاج سعيد
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
.:: منتديات محمد ديكور وطه سليمان ::. :: °•.ღ.•°منتديات الاداب والفنون°•.ღ.•° :: °•.ღ.•°منتدي للشعر°•.ღ.•°-
انتقل الى: