.:: منتديات محمد ديكور وطه سليمان ::.



 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 جديد الأستاذ جمال حسن سعيد

اذهب الى الأسفل 
كاتب الموضوعرسالة
وقيع الله
مراقب عام
مراقب عام
avatar

عدد المساهمات : 52
تاريخ التسجيل : 07/08/2009
العمر : 42
الموقع : شمبات

مُساهمةموضوع: جديد الأستاذ جمال حسن سعيد   السبت 08 أغسطس 2009, 7:39 pm

زولة .......... كما النورس تجئ

تنزل شواطئ الالفة في الزمن الشفيف

وأنا زي مكتف في الرصيف

مربوط على حبل السفن في الظلمة والليل المخيف

بتجيني تدخلني وتقيف

· * * * * * * * * * *
شرشرت تيبان السكات على أرض رويانة وخريف

زولة .... بتعرف تدخلك ..... وتقفلك .... وتغفلك

تقعد على ناصية هواك .... وتشغلك

وأنت بتحنس غمام كي تجعلك مطرة ودعاش

طاير تحلق في السماء وأرضك فراش

هذا الفراش بيطير على نضرة رحيقا وخُضرتها ... ومحبتا .... ومحنتا

أو ضحكتها وسخريتا وتقعد تهضرب ياولد من حمتا

ولو تسألك وتحلفك في ذمتك او ذمتا

والى متى ..... هذا الجنون الى متى ؟ كل التفاصيل لمتا

هذه البنية قد أتت وأنت ذاتك كالورق

كيف تنجو انت من ذاك الغرق

من زكرياتك تنجو وين ؟

وين مهربك ...؟؟ من دفترك ...؟؟؟؟؟ من مصدرك ....؟؟؟؟ من مظهرك ....؟؟؟؟ من جوهرك ...؟؟؟؟؟؟

من حرقة الجوف والعرق

هذه البنية تفتح الروح ضلفتين

وعلى ضفتين في نهر احزان الزمن

تقعد تلوح باليدين

زولة

تخشك .... تمرقك ... عادي

ما بتقفل الباب من وراها ...... بل تساسق بين شفقتك وحرقتك ... ما بتاذنك

ما روحا نفاج غربتك

هذه البنية الساكنة أسرار فكرتك

هي الشايلة حسك وسترتك

زولة ... كما النور تجي

تنزل شواطئ الالفة في الزمن الشفيف .
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://rasoulallah.net
محمد ديكور
المدير العام
المدير العام
avatar

عدد المساهمات : 379
تاريخ التسجيل : 03/08/2009

مُساهمةموضوع: رد: جديد الأستاذ جمال حسن سعيد   السبت 08 أغسطس 2009, 9:28 pm

سلامى ، وتحياتى ، واحترامى كاملا شاملا

ياسلام يامبدع والله قمة الروعة بالله كتر لينا من كلمات الجميل جمال ده
حقيقى الزول ده عنده مفردات بتجبرك على متابعة النص حتى لو 1000 بيت .

شكرا يامراقبنا ولى قدام
لك الود (متابعا)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://dicor.mam9.com
محمدحمزة
عضو مميز
عضو مميز


عدد المساهمات : 141
تاريخ التسجيل : 03/08/2009

مُساهمةموضوع: رد: جديد الأستاذ جمال حسن سعيد   الأحد 09 أغسطس 2009, 5:09 am

تسلم تسلم ياحبيبنا حسين النور
ولك كل الود
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
السلـ عاشقة ـطان
مشرف
مشرف
avatar

عدد المساهمات : 357
تاريخ التسجيل : 05/08/2009

مُساهمةموضوع: رد: جديد الأستاذ جمال حسن سعيد   السبت 19 سبتمبر 2009, 10:38 am

كلام جميل
حسيت من قريتى ليهو بى تناقض المفردات
من عامى الى عربى فصيح
فى زول حسه الاحساس ده برضو...؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
جديد الأستاذ جمال حسن سعيد
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
.:: منتديات محمد ديكور وطه سليمان ::. :: °•.ღ.•°منتديات الاداب والفنون°•.ღ.•° :: °•.ღ.•°منتدي للشعر°•.ღ.•°-
انتقل الى: