.:: منتديات محمد ديكور وطه سليمان ::.



 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 الاستاز الشاعر اسامة عبدالكافى (الجريمة)

اذهب الى الأسفل 
كاتب الموضوعرسالة
محمدحمزة
عضو مميز
عضو مميز


عدد المساهمات : 141
تاريخ التسجيل : 03/08/2009

مُساهمةموضوع: الاستاز الشاعر اسامة عبدالكافى (الجريمة)   الإثنين 10 أغسطس 2009, 4:42 am

ياحلوة يامهرة ياريلة ياصيدة
اكوى العوازل ديل سويلم الكيدة
اما البريدو عينيك بادليهم الريدة
شوفوها كيف ياناس الوجنة فى خديدة
بتزوب قلوب فرسان لو رقصت جيدة
يوم سوت السنة ومدت على ايدا
رقصت اناملى طرب الليلة ماعيدا
شيلو الشهادة ياناس قولوها ترديدا
عين الحسود بتصيب دايرالا تحجيبة
*********************


لقيتك فى الظلام نجمة
ولقيتك فى الهجير نسمة
وماقايل عيونك ديل
بخلو مشاعرى منقسمة
وحات الق العيون الفيك
نسيت الريد والافراح
وعشت قنوع مع الايام
بين احزانى والقسمة
*****
اريتك تبقى لى قسمة
اعيشا بعد شبابى الضاع
واخلى هواكى بى يسمى
نحلق فى سما الاشواق
نطير من نجمة لى نجمة
واريتك تبقى لى قسمة



**********************


يامواهب موهبت شعرى بتحاور فى الحروف كان تلقى حاجة توصفك
مالاقية غير دهشة قوافى اصلو زى سحر الجمال الفى عيونك زيو مافى
دى المواهب هبة رب العباد اتجسدت فى لون جمالك وروعتك
جل من سواك ابدع صنعتك خلاكى زى بدر التمام من حولو باهتات الكواكب
يامواهب
الطرحة بى لون السواد فى راسك اخدت لون فرح
نست الحداد هامت قلوبنا العاشقات
كايسالا لى منطق وداد لو بيهو تقدر تقنعك
وانتى ياكل المواهب


**********************


لو بتسمح قول وصرح او كفاية اقلو لمح
حتى لو من غير كلام
نحنا شلناك فى عيونا وشلنا ليك اجمل غرام
يبقى ليه بيهون غرامنا وليه تبادر بالخصام
ليه تعدى وتمشى فينا وحتى ماتدى السلام
لو بتسمح جود علينا اوفى حق الريدة فينا
اشعل الاشواق قنادل زيد عذابنا على العلينا
نحنا فى ريدك سهرنا وياما ضعنا وكم شقينا
وانت ماهاميك عذابنا كان زعلنا وكان رضينا


***********************


اتحداك لو تقدر تجيب من تانى زى ريدى
واعرف انو قلبى هواك وطايع الريدة ياسيدى
هواك ياروحى وحدانى اكيد انا غيرو ماعندى
فضلت ادارى فوقو سنين لبستو قلادة فى جيدى
وبرضو تقول نسيتو هواك منو البقدر اريدك تانى زى ريدى
كتير حاولت اقسى عليك واقول ياشوقى ماتعدى
الاقى عيونى تجرى عليك واصلو الريدة مابيدى
هواك اتملك احساسى قعد فى قلبى متحدى
سجون عينيك احلى سجون دخلتها راضى تابيدى


***********************
ياعصفور ياهاجر عشك
كيف علمت قليبك يقسى
وليه احلامك ديمه تغشك
مين خليتو وراك لصغارك
ليه حملتها كل اوزارك
كنت تقاوم رغم ظروفك
ومهما الريح العاتية تنشك
ياعصفور ياهاجر عشك
***********************
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد ديكور
المدير العام
المدير العام
avatar

عدد المساهمات : 379
تاريخ التسجيل : 03/08/2009

مُساهمةموضوع: رد: الاستاز الشاعر اسامة عبدالكافى (الجريمة)   الجمعة 14 أغسطس 2009, 8:59 pm

سلامى ، وتحياتى ، واحترامى كاملا شاملا

تسلم يا (ود حمزة) غبت وجبت ، اخونا وحبيبنا اسامة الشاعر الممتلى روعة وصاحب الاغنية التى لاتنافس (غيرة) وهى من اجمل الاغانى الاتغنى بيها (طه) ونتمنى لو خلينا الموضوع ده فاتح عشان نتونس بيه شوية وانت حاول كل مرة تجيب لينا عمل جديد .

التحية للفنان اسامة عبد الكافى
تخريمة : اقدم اعتراضى الشديد لتسميته بالجريمة .
لكم الود مسالما
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://dicor.mam9.com
ba6a79
مشرف
مشرف
avatar

عدد المساهمات : 132
تاريخ التسجيل : 05/08/2009

مُساهمةموضوع: رد: الاستاز الشاعر اسامة عبدالكافى (الجريمة)   الجمعة 14 أغسطس 2009, 10:05 pm

اول مره اسمع بالشاعر اسامه عبد الكافى بس بالجد الكلام حلو شديييد و عجبتى اللغه و المفردات الاستخدمها

تسلم يا محمد روعة انت

و انا كمان بسجل اعتراضى معاك يا أستاذنا ياديكور .. هسى عليك الله جريمه دى ليه دا يسموهو (النسيم ,, البلسم ) حاجه زى دى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد ديكور
المدير العام
المدير العام
avatar

عدد المساهمات : 379
تاريخ التسجيل : 03/08/2009

مُساهمةموضوع: رد: الاستاز الشاعر اسامة عبدالكافى (الجريمة)   السبت 15 أغسطس 2009, 2:31 am

مشكورين على المرور
ديكور
بطة
والله الزول دا مبالغة جد
واسم الجريمة دا طبعا وراهو حاجات كتييييييييييرة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://dicor.mam9.com
السلـ عاشقة ـطان
مشرف
مشرف
avatar

عدد المساهمات : 357
تاريخ التسجيل : 05/08/2009

مُساهمةموضوع: رد: الاستاز الشاعر اسامة عبدالكافى (الجريمة)   الثلاثاء 22 سبتمبر 2009, 11:50 pm

طبعا ياود حمزه ذى ماعارف دى مااول مره اقره كلماتو الجميله دى
بس قريتهم وكانى لى اول مره اقراهم ورددتهم كتير
تسلم ياغالى
اول مره اعرف انو غيره من تاليفه
ياريت تجيبو لينا كل الاغانى الغناها السلطان ليهو
وكده تكونو ماقصرتو تب
تخريمه:
انته داخل بى عضوية ديكور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الاستاز الشاعر اسامة عبدالكافى (الجريمة)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
.:: منتديات محمد ديكور وطه سليمان ::. :: °•.ღ.•°منتديات الاداب والفنون°•.ღ.•° :: °•.ღ.•°منتدي للشعر°•.ღ.•°-
انتقل الى: