.:: منتديات محمد ديكور وطه سليمان ::.



 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 ضعــف مستوى الأغنية السودانية في الساحة العربية

اذهب الى الأسفل 

ما هو السبب في تدهور الأغنية السودانية و غيابها من الساحة العربية ؟
 حاجز اللغة (اللهجة المحلية)
 الإعلام
 ضعف المكونات الفنية ( كلمات و ألحان و توزيع)
 المؤدي (الفنان)
 كل ما سبق
استعرض النتائج
كاتب الموضوعرسالة
وقيع الله
مراقب عام
مراقب عام
avatar

عدد المساهمات : 52
تاريخ التسجيل : 07/08/2009
العمر : 42
الموقع : شمبات

مُساهمةموضوع: ضعــف مستوى الأغنية السودانية في الساحة العربية   الإثنين 10 أغسطس 2009, 2:22 pm

الأخوة و الأخوات الكرام .. تحية
إثراءً للحوار و النقاش أضفنا خاصية التصويت على قضايا تهم الشباب السوداني و ربما خانهم قصر اليد بالرغم من عينهم البصيرة و لكن كان أن سلمت تلك القضايا من يد تغييرهم كما سلم الغزال بي شوف العين ..
تصويتكم يهمنا كما آرائكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://rasoulallah.net
السلـ عاشقة ـطان
مشرف
مشرف
avatar

عدد المساهمات : 357
تاريخ التسجيل : 05/08/2009

مُساهمةموضوع: رد: ضعــف مستوى الأغنية السودانية في الساحة العربية   الأربعاء 12 أغسطس 2009, 9:46 am

انا صوته لى الاعلام
لانو اللهجه ممكن بعدين الناس تتعود عليها ده غير انو اكيد الحيغنى ع جمهور عربى لزم يرعى انو اللغه تكون عربيه متزنه اى انو ماالا تكون عربيه فصحه لكن كلمات مفهومه
اما الفنان وكذلك المكونات الفنيه حسب مازكرته مفروض الحاجه الحياديها الفنان ياديها بى نيه خالص اى انها تكون شبه مكمله الكمال لله سبحانه
فى تعقيب الحكايه عايزه ليها اجتهاد وذى مابقولو لى كل مجتهد نصيب
والامره ع كلامى هسه شوفو الفنان طه سليمان بى اجتهادو قدر ولسه بيسعى انه يسلط الضوء للفن السودانى معا ان كتير من الناس بحبو الفن السودانى لكن ماكل الناس بتجى ليهو فمفروض الاعلام هو وظيفته انو يجزبهم والله يوقف
ومشكور كتير ع المطارحه والاستفتاء
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Last_Warrior
عضو جديد
عضو جديد
avatar

عدد المساهمات : 27
تاريخ التسجيل : 13/08/2009

مُساهمةموضوع: رد: ضعــف مستوى الأغنية السودانية في الساحة العربية   الخميس 13 أغسطس 2009, 2:07 pm

امممممممممممم

بي المناسبة العالم مش لايجهل فننا فقط بل ما عارفيين وين السودان دا اصلا و لولا قضية دارفور ما كان 80% من العالم ما كان ها يعرف وين السودان دا اصلا .....
و الفن (لو اتكلمنا بي مفهوم اشمل ) ما عندو لغة او لهجة يا عزيزتي عاشقة السلطان والحكاية دي ما محتاجة ادلة ,, الحكاية موسيقي تكون مستساغة (ياربي كتبتها صاح ؟) مستساغة مش جميلة و فنان صوتو جميل بي المواصفات العالمية لي جمال الصوت .
عشان كدة انا صوته لي الكل
و عزيزنا جدا وقيع الله شكرا علي الواضيع الجادة و الهادفة Smile
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد ديكور
المدير العام
المدير العام
avatar

عدد المساهمات : 379
تاريخ التسجيل : 03/08/2009

مُساهمةموضوع: رد: ضعــف مستوى الأغنية السودانية في الساحة العربية   الخميس 13 أغسطس 2009, 10:20 pm

سلامى ، وتحياتى ، واحترامى كاملا شاملا

حركة مهمة جدا ان نصوت على ممارساتنا اليوميه والسنويه والحياتية ونعرف ارآءنا فيها .
والاجمل ان ندرك مدى السلبيات الاجدى ان نجد لها الحلول (المناسبة) والمهم ان نطبق الحلول حت نجنى الفائده .
والاحلى انضمام الرائع والمشاكس (Last_Warrior) للمنتدى والذى اعطانى احساس باقتراب موعد (صدام فكرى) عنيف فى مقبل الايام ...فترقبوا

حللت اهلا ونزلت سهلا ورفعت موضوعا !!
عودة للموضوع:
فى اعتقادى ان هنالك كثير من المعطيات والمعينات البشريه حيث يوجد كم هائل من المغنيين والمغنيات ولكن تنعدم صفة(الكيف) وهى صفة مهمة لابد وان تتوفر لجودة المادة المشاركة .
واتفق مع العزيز (Last_Warrior) فى قوله ولكن اتحفظ على نقطة الفنانين .

لكم الود (فنانا)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://dicor.mam9.com
ba6a79
مشرف
مشرف
avatar

عدد المساهمات : 132
تاريخ التسجيل : 05/08/2009

مُساهمةموضوع: رد: ضعــف مستوى الأغنية السودانية في الساحة العربية   السبت 15 أغسطس 2009, 4:38 pm

[right]انا اديت صوتى للأعلام لأنى شايفه انو هو السبب الوحيد لعدم ظهور فننا السودانى الى العربيه او حتى العالميه

اولا : حاجز اللغه : لا أرى انها ممكن ان تكون السبب بأى شكل من الأشكال لأنها ليست بتلك المستعصيه و لا تحتوى على طلاسم يصعب فكها و دليلا على كلامى نجاح الشاب خالد بلغته العاميه (اصب اللغات التى تنتمى للعربيه هى التونسيه و المغربيه و الجزائريه ) ,, و لا نستطيع ان ننسى نجاح أغنيته ( عبد القادر ) مع أننى لا أفهم منها غير عبد القادر هههه ,,, و نجاح الأغنيات هذه له مال كبير الى عرضها فى كذا فضائيه و فى اوقات كثيره و هذا يقودنا الى السبب الثانى ..

ثانيا : الاعلام : هل تستطيعو ان تقول ان لدينا اعلاما؟؟؟ انا لا أستطيع !!! .. نحن لدينا طاقات شبابيه و غير شبابيه هائله و ( لدينا ميزانيه !! ) اذا لماذا لا نستطيع ان نتابع برامج فضائياتنا ؟؟!! لأن القنوات لا توظف اى مصدر بصوره صحيحه ,, لا توظف الطاقات البشريه و لا المعنويه و لا حتى الماديه !! ,, بصوره أوضح اود ان أقول انا الاعلام لاااااااا يدعم الابداع الفنى بصوره مشرفه

ثالثا : المكونات الفنيه : لا و ألف لا ,, نحن لدينا فنانين ممتازين و شعراء أميز و ملحنين كبار ,, و هنا أطلب مساعدة شاعرنا العظيم فى سرد بعض الأسماء ( ما حافظه أسامى )
( محمد ديكور )
اأكبر دليل على وجود ملكة الكتابه ,,, و هو يسرد ليكم أسماء العظماء

رابعا : المؤدى : عثمان حسين ,, ابو داؤود ,, وردى ,, ترباس ,, محمد الأمين,, ابو عركى ,, عابده الشيخ ,, البلابل ,, حنان بلو بلو ,, ندى القلعه ,, طه سليمان ,, معتز صباحى ,, محمود عبد العزيز ,, فرفور ,, عصام محمد نور ,, عاصم البنا ,, و كثر ......

كل الأدوات متوفره لدينا و لكن الحوجه الى قناة واحده على الأقل لا نستطيع اغماض اعيننا عنها

اتأسف على الاطاله و لكن الموضوع جذبنى جدا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Last_Warrior
عضو جديد
عضو جديد
avatar

عدد المساهمات : 27
تاريخ التسجيل : 13/08/2009

مُساهمةموضوع: رد: ضعــف مستوى الأغنية السودانية في الساحة العربية   الأحد 16 أغسطس 2009, 7:23 pm

العزيز ديكور مشكور علي المرور (مع انو البوست ما حقي اصلا ) و ما تشوف شين انشاء الله .
العزيزة ba6a79 بعد التحية ...
اولا :
بالحديث عن حاجز اللغة بي المناسبة دي انتي عارفة نحن في السودان عندنا كم لهجة محلية ناهيك عن الرطانات و طريقة حديث بعض القبائل للغة العربية (زي عربي جوبا) انا شبه متاكد انو لو اتكلمتا معاك ربع ساعة بس بي عربي جوبا ما ها تكوني فاهمة انا بشكر فيك ولا بنبذ فيك .
و بي المناسبة السعيدة دي لو شرحتي لي المربع الجاي دا ليك جائزة احسن شارح
عكت جات تميل من الارض خزازة
زينة الخلقة , داب ما حسبن بزازة
دارة و ليها الدارو في الرزم عام زازه
شفنا الدقة و الزرزور فصل حزازة

(دا عربي بي المناسبة)
ثانيا :
الاعلام السوداني من الاعلامات الرائدة تماما في الوطن العربي و اوروبا بالمناسبة اذاعة بي بي سي دا تكونت في بكرياتها من سودانيين و الاعلام المصري بي كل زخمه ساعد في انشائه سودانيين صدف ان يكون والدي واحد منهم (دايرة تقولي لي الكلام دا سنة كم) في زمن كانت فيهو اصوات العصر الذهبي و الالحان الذهبية , لاكيين سمعتي ليك بي واحد مصري ماشي في الشارع و بيغني انا و النجم و المساء ؟

ثالثا :
اتفق معك تماما في كون السودان بلد ملئ بالشعراء و اشباه الشعراء في كل مناحي و ضروب الشعر .
يا اخوانا الحكاية حكاية استلاب اييي استلاب انا بعرف مئات من الشباب السودانيين ما بعرفو و لا فنان سوداني واحد غير ناس منو امبدة و منو مدني و منو اركويت لاكين شاطريين جنس شطارة في الغناء العربي و الغربي ياخي انت منو ما عارف جاري تعرف الجيران و لا ناس البيت كمان .
و القنوات السودانية الخاصة الموجودة علي قمر عرب سات عدد مقدر (مافي زول عندو قنوات اكتر مننا علي نايل سات الا المصريين و السعوديين و الاماراتيين ) لاكين مافي و مافي دي انا مسئول عنها تماما اي انسان غير سودانس قاعد يقييف فيها الا يكون الريموت كونترول بايض او الرسيفر علق ............
عموما
كلامك عجبني جدا و شاكرين علي المداخلة الجميلة جدا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مهيار
عضو نشيط
عضو نشيط
avatar

عدد المساهمات : 95
تاريخ التسجيل : 06/08/2009

مُساهمةموضوع: رد: ضعــف مستوى الأغنية السودانية في الساحة العربية   الثلاثاء 08 سبتمبر 2009, 3:54 pm

والله يا اخوانا ده سؤال زو حدين

كده بقطع الرقبه وكده بقطع الرقبه

بعدين ده سؤالين ما سؤال واحد

بمش وبجى برد واحدواحد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
SUDAMIX
عضو جديد
عضو جديد


عدد المساهمات : 19
تاريخ التسجيل : 01/09/2009

مُساهمةموضوع: رد: ضعــف مستوى الأغنية السودانية في الساحة العربية   الإثنين 14 سبتمبر 2009, 4:55 pm

موضوع جميل جدا جدا
بس انا عاوز اضيف حته صغيرة
انو البيميز الأغاني السودانية هو السلم الموسيقي بتاعنا
اللي هو السلم الخماسي
واللي بقية الشعوب العربية ما متعوده عليه
اما الحته بتاعت اللهجة دي ما اعتقد انها ممكن تكون حاجز
لأنو الواحد مننا ممكن يكون بيسمع في اغنية اسبانية ويكون مبسوط خالص خالص
فاالموسيقى هي في حد ذاتا لغه عالمية والكل ممكن يفهمها
انحنا بنشتغل على سلم خماسي والباقيين بيشتغلوعلى السلم السباعي
ولو لاحظت معاي انو لمن بدينا نطور في الألحان بتاعتنا والتوزيع الموسيقي لقينا رد فعل كويس بالنسبة لبقية الشعوب العربية
والإعلام ممكن يكون مقصر في توصيل الفن السوداني
ولكن لا ننكر ان هنالك حركة اعلامية جيدة في الفترة الأخيرة
يعني بدو يادوب ينتبهو للحته دي
حفظكم الله وعافاكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ضعــف مستوى الأغنية السودانية في الساحة العربية
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
.:: منتديات محمد ديكور وطه سليمان ::. :: °•.ღ.•°المنتديات الرئيسية°•.ღ.•° :: °•.ღ.•°منتدى محمد ديكور العام°•.ღ.•°-
انتقل الى: