محمد ديكور
المدير العام
عدد المساهمات : 379
تاريخ التسجيل : 03/08/2009
 | موضوع: يا اخوانا (سيد عبد العزيز) معانا فى المنتدى !!  الجمعة 04 سبتمبر 2009, 2:54 am | |
| سلامى ، وتحياتى ، واحترامى كاملا شاملا
زارنى قبل يومين الاخ الفنان (صلاح الامين) ود امدرمان وبصحبتة الرائع جدا سيد عبد العزيز (حفيد) الشاعر الراحل المقيم سيد عبد العزيز وقد كان لقاءا (ولا اجمل) ، تحدثنا فيه عن مواضيع شتى اهمها اشعار (الاستاذ) واغانيه ومقاطع من رحلته الفنية حيث كانت المتعة حضورا فاحببت ان تشاركونى تلك المتعة وذلك بدعوته لمنتداكم العامر فاسمحوا لى ان ارحب به اخا كريما وصديقا عزيزا وادعوكم للترحيب به حتى نبدا (الونسات)
نادو لينا (بطة) بى جاى لانو شايفه بقت متخصصة فى المواضيع دى وحقيقى دى اكتر حاجة لافتة نظرى شديد فى المنتدى
يابطه معانا حفيد ابو السيد انتى وين ؟
من اكثر الاغانى البحبها على مدار حياتى :
نظرة يالسمحة ام عجن لو كان قليل يبرى الشجن
اعرف صفا الايام وفيك انظر جمال تلك الوجن
راحمونى مارضنى الظعن آلآم وجور لى قطعن
انا عندى شوفتك ياللدن (احسن من الروح فى البدن)
الكلمة ** معناها
الظعن ** الظلم
لكم الود(واضحا) | |
|
nidocat
عضو نشيط
عدد المساهمات : 33
تاريخ التسجيل : 04/08/2009
| | موضوع: رد: يا اخوانا (سيد عبد العزيز) معانا فى المنتدى !! الجمعة 04 سبتمبر 2009, 5:50 am | |
| lمرحب كتير بيك سيد عبد العزيز وانته اضافه بالجد لينا كلنا ما بقول فى منتديات الاستاذ محمد ديكور عشان المنتدى ده زى بيتنا كلنا | |
|
ba6a79
مشرف
عدد المساهمات : 132
تاريخ التسجيل : 05/08/2009
| | موضوع: رد: يا اخوانا (سيد عبد العزيز) معانا فى المنتدى !! الجمعة 04 سبتمبر 2009, 6:39 am | |
| الأخ الاستاذ سيد عبد العزيز
مرحب بيك والله و ألف مرحب ,, و بشكر ديكور على انو جابك لينا بى جاى
(نادو لينا (بطة) بى جاى لانو شايفه بقت متخصصة فى المواضيع دى وحقيقى دى اكتر حاجة لافتة نظرى شديد فى المنتدى)
**هههه يا ديكور والله لا متخصصه ولا بقدر أقول كده و نفسى استفيد منكم كلكم عشان انا بعشق الحقيبه و غنى زمان و بتمنى احفظو كلو و بالجد أتخصص فيو
يااااااااااااارب تنبسط معانا بى جاى ,, و بقولها ليك من هسى انا مااااحريحك نهااااائى قبل ما تحكى و تقول و تجيب لأنى بحب أشعار جدك ( رحمه الله )
و أبدى معاك أول سؤال كان نفسى القى الجواب الأكيد عليو ,, هل فعلا انشأ العظيم ( رحمه الله ) سيد عبد العزيز جماعة أصدقاء حقيبة الفن فى الأبيض ؟؟ معليش من الأول كده اسئله بس بالجد ما صدقت انى حأسأل حفيد العظيم بنفسو ,, يارب ما أكون تقلت عليك لك ودى | |
|
السلـ عاشقة ـطان
مشرف
عدد المساهمات : 357
تاريخ التسجيل : 05/08/2009
| | موضوع: رد: يا اخوانا (سيد عبد العزيز) معانا فى المنتدى !! الجمعة 04 سبتمبر 2009, 8:25 am | |
| مرحب بيك ... ياسيد عبدالعزيز
دارنا عامر بيك
شرفتنا واسعدتنا بى انضمامك
ان شاء الله تستمتع معانا .. وتستفيد مننا .. ونستفيد منك | |
|
محمد ديكور
المدير العام
عدد المساهمات : 379
تاريخ التسجيل : 03/08/2009
| | موضوع: رد: يا اخوانا (سيد عبد العزيز) معانا فى المنتدى !! السبت 05 سبتمبر 2009, 7:23 pm | |
| سلامى ، وتحياتى ، واحترامى كاملا شاملا
شكرا نيوكات وبطه وعاشقة على المرور ودائما انتو واقفين فى الباب .
وياسيد ادخل الناس منتظرينك
بالمناسبة عندنا ناس نظرهم ضعيف ماحيشوفوك الا تقرب
قرب تعال
لك الود (منتظرا) | |
|
