سعــــــيد ... شقـــــــــي

دي من الأغنيات التي أحبها جداً وأول أغنية أسمعها بصوت الأستاذ ولي معها ذكريات خاصة جداً ...

إنت ما سعيد شقي
إنت ما حبيب وفي .. .. إنت بياع من حياتي تختفي
*********
يا ما ساهرت الليالي ويا ما إنت قسيت علي
كنت بغفر ليك محبة وأرمي كل اللوم علي
مابخلت عليك بعمري .. وقلت يوم بتحن لي
إنت ما قدرتو كلو وبعت ريدنا وغدرت بي
*********
سبتنا وفتشت غيرنا .. .. غيرنا ديل أدوك شنو ؟؟
نحنا ماقصرنا حاجه أكتر الأداك منو ؟؟؟
وبكرة يا نكار ولاهي ديل وديلك بفطنوا
والمقادير هي ذاتا بس السنين بتلونو
*********
إنت ما سعيد شقي .. .. إنت ما حبيب وفي
إنت بياع من حياتي تختفي
إنت خداع من حياتي تختفي

يلا شاركونا بتعليقاتكم خلونا نستفيد
لكم كل الحب ودعوات بالسعاده

واو بالله دي بتاعت ديكور دي غنية محببه لي شديد والله تقبلي مروري اختي الاولي

تسلم يا غالي
وشكراً علي المرور

مشرف عدد المساهمات : 357 تاريخ التسجيل : 05/08/2009

طبعا الاغنيه دى ابداع شديد
وانا دايما بردده
والاغانى الديكوريه بقت ظاهره
تسلمى كتير

يا ما ساهرت الليالي ويا ما إنت قسيت علي
كنت بغفر ليك محبة وأرمي كل اللوم علي
مابخلت عليك بعمري .. وقلت يوم بتحن لي
إنت ما قدرتو كلو وبعت ريدنا وغدرت بي

دي أكتر حته عاجباني في الأغنية لانو فيها كم هائل من التضحية ونكران الذات للمحبوب
القابلها بالغدر ....

سلامى ، وتحياتى ، واحترامى كا ملا شاملا

دى يا اخوانا من اكتر الاغانى البحبها ولازم اسمعها ، انا ماعارف ليه لكن دى الحقيقة ، او يمكن لانها بتمس (واحد صاحبنا) ويمكن اكون متفاعل معاه

مشكوره يا الاولى
برجع تانى لانو عندى ونسة كتيرة فى الاغنية دى وفترة كتابتها وتلحينها

لكم الود (جميعا)

من الاغانى الحبيبه على جدا ساحوال غنائها ورفها بطريقة لزيزه لكن يا ديكور داير نسعلك ( نسألك )

مشكلتك شنو انت مع

المقادير

سلامى ، وتحياتى ، واحترامى كاملا شاملا

حبيبنا مهيار سلامات يا اخونا
شكرا على التعليق ...
يا اخونا الحياة عبارة عن (اقدار متتالية) ولايمكن ان تنفصل كل التحركات من تصاريف القدر
ربنا يكفيك شر الاقدار ومايصيبك بوعكة عاطفية من صنع القدر

لك الود (مقدرا)

ياسلاااااااااااااااااااااااااااااااااام يا مهيار
والله أول مادخلت البوست من برة وعرفت إنك كتبت رد خطر ببالي أطلب منك تغني لينا بعض الأغنيات بصوتك .. يكون تنويع برضو
مشكور علي المشاركة
وممكن تعتبر دا طلب خاص مني ...

سلامى ، وتحياتى ، واحترامى كاملا شاملا

الاولى دى بالذات ماترفض ليها طلب وحاول اعمل ليها الدايراه لانو الليلة (بحرها زايد)

لك الود (طالبا)

بالله الأولي دي ماتزعلوها لينا .... شكلو زعلها من النوع أبو كديس

سلامى ، وتحياتى ، واحترامى كاملا شاملا

مشكور ياناتاليا على التعقيب واتمنى ان يجاب طلب (الاولى) لانو فعلا الظاهر عليها زعلها صعب شديييييييييييييييد

لكم الود (منتظرا)

موضوع: إعتذار الإثنين 12 أكتوبر 2009, 5:26 am

محمد ديكور كتب:: سلامى ، وتحياتى ، واحترامى كاملا شاملا

الاولى دى بالذات ماترفض ليها طلب وحاول اعمل ليها الدايراه لانو الليلة (بحرها زايد)

لك الود (طالبا)

لك التحايا سيدي
لك الحب والإجلال
لك كل التقدير والإحترام
تمضي الأيام ونتعلم منك دائماً الجميل
لك ولكل أهل المنتدي أتأسف إذا (زاد بحري) شويه .. وذي ما بقول أهلنا (الإنسان من طين بعكر وبصفى) أتمني أن تجدوا لي العذر وأكون شاكرة .. وأعلم تماماً أنكم أهل لذلك ..
دمت لنا معلماً ..
دمت لنا مدوزناً ..
دمت لنا أخاً واسع الصدر جميلاً ..

(قربت أكتب شعر مش ؟؟؟؟؟ ههههههههههههه
لك كل الأماني

الاولى
قدر لك ان اغنى انت ما سعيد شقى حسب مقادير ديكور اغنيها ليك ولا على كيفى وطلباتك اواومر

انت الاولى يا الاولى دائما
انا اتمنى اعرف من الاستاذ محمد ديكور المناسبه الخلتو اكتب انت ما سعيد شقى
هل هى مجرد فكره جديده ولا هى تجربه شخصيه لى لديكور او زول من الناس القراب ليهو ؟
ياريت كل الاعمال الخاصه بديكور نعرف كل حاجه عنها بالتفصيل والفتره الزمنيه الاتكتبت فيها

انا ما من انصار انو الشاعر يحكى ملابسات وقصة النص الغنائى لانو بفقده الشكل العام وخاصة انو فى مقولة بتقول (يغنى المغنى وكل على هواه) ، غايتو ده راى من زول بحب يستمتع بالشعر جدا من خلال تجاربه الشخصية .
وله شنو يا nidocat ?!!

والله يا حريف دنيا نحنا هنا فى نعمه ما يعلم بيها الا ربنا يعنى كونو انو فى وسيله بتاعت اتصال مباشره مع شاعر وملحن انا شخصيا بستمتع بشعرو وبالاحانو جدا (محمد ديكور). يلا لمن اعرف مناسبه كل اغنيه او قصيده من اعمال ديكور اكيد بستمتع بيها اكتر وبعرف فيمة العمل ده بصوره اجمل والجميل انو الكلام ده بطلع ديكور شخصيا وحلو الكلام فى خشم سيدو .

سلامى ، وتحياتى ، واحترامى كاملا شاملا

كل الناس كيف ؟!!
انشاء الله زى مادايرين واخباركم تمام.
عجبنى الحوار بين حريف دنيا ونيدوكات ، والغريبة غالبنى اعلق اقول شنو ؟!!
لانو الموضوع فعلا صعب شدييييييييييييييييييييييييييييييييييد يانيدوكات وزد على ذلك فى بعض الاغانى مر عليها زمن طويل وما اظنى اتذكر فيه حاجة (ماتقول دى زوغة) ، لكن ممكن اتونس فى الموضوع ده وانشاء الله ماتخونى الذاكرة .
بجيكم راجع لو دايرين
اول حاجة اتفقوا ياحريف ويانيدو

لكم الود (متفقا) مع المحبة

الاغنيه دي بالجد خراااااافيه

سلامات

وجاييينكم بيها قريييييييييييب وخليك قريب

سلامى ، وتحياتى ، واحترامى كاملا شاملا

منتظرنك يا مهيار وانت ماجيت ، الحاصل شنو ؟
شوقتنا نسمع الاغنية بصوتك وخاصة انو فى احتجاج من الحبيبة (الاولى)
حقو تسرع لانو (الاولى) دى حتطربق المنتدى فى راسنا

تخريمة : وين ناس ماذن وايمان ؟!!

لك الود (منتظرا)

الاستاذ محمد ديكور والله لينا الفخر انك تسأل مننا ياكبير والله جري مع الدنيا ودي براك عارف جري الدنيا ده متعب كيف لك الود سلاما وشوقا

اساتذتي الأجلاء (مهيار ، مازن وإيمان) والله منتظرنكم علي أحر من الجمر وين مشاركاتكم ووين مروركم علينا بي جاي خلونا نشوفكم
لكم الحب

السلام عليكم !
اسفيين مرة تانية يا استاذ ديكور ! علي التأخير و الترخيمة ! ههه Smile

و يا نتاليا والله اسفيين علشان خليناكم تنتظرو
زي ما قلتا قبليك مشغولين في الاغاني الجديدة والله و اللمسات الاخيرة
و انشاللله تلقو الافضل ! لانو نحنا غير الافضل ما بنسوي شئ

و انشاللله الاغنية تكون في حسن مسامعكم !

و الشكر الجزيل للجميع !

سلامى ، وتحياتى ، واحترامى كاملا شاملا

ااهلا بالناس الفنانة ، والمتاخرين علينا ، والطولو ماجونا ومسخوا علينا المنتدى !!

انتو وين يا اخوانا ولا انتى ولا مهيار ولا ماذن ........... قاطعين الحركة مالكم ، عموما نحنا فى انتظاركم ، وخصوصا خليكم عارفين انو نحنا بنشتاق ليكم ولى اعمالكم وماتطولو الغيبة .

سلمى على الشباب ونحنا فى انتظار الاغنية

لكم الود (منتظرا)