شكرا اذاعة FM100 (اذاعة البيت السودانى)

سلامى ، وتحياتى ، واحترامى كاملا شاملا

من اجمل الايام التى مرت على الدنيا هو يوم امس .
كان الجميع فى قمة الابتهاج وهم يتابعون صوت الفنان (طه سليمان) وهو يعانق الآذآن عبر اثير راديو اذاعة البيت السودانى FM 100 .
ولكن فرحتى لاتضاهيها فرحة لانها نتاج مشوار طويل مع مبدعى مدينتى الجميله وطه واحد منهم بل ويمتاز بطموحه الذى لاتحده حدود وجرأته التى ملات الآفاق وفاقت المحيط المحلى الى العالمية ، لاتتخيلو مدى نشوتى بذلك فالامر ليس غناءا فقط بل عمرا من الاجتهاد مرورا بظروف الحياة وشعابها و(وكلابها) وصولا حتى مرحلة تمثيل (السودان) فى مهرجان الاوبرا العريق وياله من انجاز يدعو للتباهى والتفاخر .
ولقد تلفح الحبيب طه سليمان بالمعرفة والخبرة الكافيه والتى اهلته لذلك وهاهو يطل علينا عبر الاثير واثقا من فنه ولسان حاله يقول (كن كشجرة الصندل كلما تطرقها الفؤوس تزداد عطرا)انه تاريخ طويل يبدا من (شمبات) وينتهى عند اكبر المسارح العالمية .
لايسعنا الان الا ان نقول مبروك للعزيز الغالى السلطان طه سليمان ونقولها الف مره بدات عند اعتلائه مسرح الغناء وهو فى التاسعة من عمره مرورا بالكثير المثير والمؤثر الى مسرح الاوبرا ورفع اسم السودان عاليا بشهادة المشاركين والمستمعين بل قيل انها المشاركه الفاعلة جماهيريا الاولى لفنان سودانى منذ بداية المشاركات والى الآن .
كيف لا والمسيرة ترتكز على استراتجيجة و(سستم) واضح لايقل شيئا عن الفنانين العالميين فالتهنئة للجميل طه مرة اخرى وبالامس القريب قد طل علينا عبر قناة مزيكا فى فيديو كليب جديد بعد التجربة الناجحة (عايز اعيش) اطل علينا العمل الغنائى الجديد واسمه (بريدك يلا غنى معاى) ياله من رد يثبت بالدلائل والبراهين ضعف حجة الحاقدين والمسترزقين من فبركة الاخبار المؤذيه

للكلام بقية

مشرف عدد المساهمات : 357 تاريخ التسجيل : 05/08/2009

الف مبروك
والله فرحته ليهو من اول ماعرفته انو هو الحايشترك فى المهرجان
بى الجد السلطان قدها وقدود
مع انو ماحصل لى الشرف انى اسمع الاذاعه لكن ان شاء الله نشوف بعض من مقاطع فيديو الحفل
تعقيب ع كلامك فى الفيديو كليب الجديد فهو بى الجد شئ مميز وطلع خطير واختيار الاغنيه اختيار رايع
مشكور ياديكور والله يخليك
دايما ع زكر طه سليمان
الله يديم المحبه
فى انتظار المزيد

كلنا والله فخورين بيهو يا استاذ ديكور لسبب قوى جدا انو من شمبات وده كفايه جدا

مشرف عدد المساهمات : 132 تاريخ التسجيل : 05/08/2009

الله عليك يا ديكور و اللله كلامك شهد عدييييل و شمبات دى ياااااربى يحفظ ناسها كلهم و يديهم الصحه والعافيه و الابداع الفى شمبات ما حيتكرر

طه سليمان دليل على انو الشمباتيين احلى ناس و وقوفكم معاو من اول الطريق بثبت انكم جد رجال حاره و بتساندو بعض فى اى حاجه

مشرف عدد المساهمات : 132 تاريخ التسجيل : 05/08/2009

و الشكر الجزيل الى اذاعة fm100 على بثها الحفل مباشرة من داخل مبنى الأوبرا

سلامى ، وتحياتى ، واحترامى كاملا شاملا
والله انتو احلى ناس وشكرا على كلماتكم الطيبة فى شمبات وانشاء اللة توصل لى كل الناس واعتبروا نفسكم جزء من اهلها لانهم اناس طيبون ويحبونكم كثيرا

تخريمة :
انتى طبعا يابطه من شمبات فعلا يعلاقاتك الجميله مع نفر كريم منها وانا منهم امن كنت كريما
وعاشقة السلطان اكيد لو زارتنا حتلقانا اكثر من اهل

احيى اذاعة FM100مرة اخرى

لكم الود مذاعا

مشرف عدد المساهمات : 132 تاريخ التسجيل : 05/08/2009

شكرا ليك شديييد يا ديكور شمبات و يا ملك الكلمه الحلوه و شرف لى تحسبنى من شمبات الحنينه و برضو شرف كبييير اكون بعرف نفر كريم و عظيم من الشمباتيين

سلامى ، وتحياتى ، واحترامى كاملا شاملا

والله ياشمبات جناينك جنة من جنات عدن
وبالجنون جانات جناينك وفيك جن اسمو العجن
وجن جنن جنون جنانا ومن جناينن الوجن
وجانى جو جواى يجنن جايى من جيد كاللدن
جنن جنونى على الحسان جدد جنون كل البدن
وكل جميل جاك من جمالك حتى لو هائج كمن
اصلو فيكى جمال جميلتى المن جماله جوادى جن
واصلك انتى جميله جمله واصلى عاشقك من زمن

لكم الود (مجنونا)

والله يا استازنا ديكور انا واحد من الناس ال اتفاجات بى انو ازاعة اف ام 100 باثة الحفلة ودى حاجة جميلة جدا طبعا ونحنا من هنا نحى كل العاملين بهذه الازاعة
و
و
بدت الطبيعة تفوق
شمبات هناك بى فوق
توريك عظمة النيل
اااهههههه

سلامى ، وتحياتى ، واحترامى كاملا شاملا
شكرا للمرور يا (ودحمزة) وشكرا لنا لاننا انصفنا اذاعة FM100 لانها انصفتنا
لك الود

مشرف عدد المساهمات : 357 تاريخ التسجيل : 05/08/2009

انا والله من هسه بحسب انى اهل بعدين دايما متبلبصه فيكم وبقول نحنه قرايب
وجد انا مابعيده نحنه برضو شقيق (بكسر الياء)
عاصمة الملوك يالبلعن شادوك
حضاره وتاج وعز .. هيبة ملك فى علوك
ذايده النيل سماح ومن سماحه رواك
ياقلب المحب شرفته حلفاية الملوك

ع الهامش:
مامتاكده كتبتها صاح وله لا
نو كمنت ياديكور بى الجد عجبتنى فيها

سلامى ، وتحياتى ، واحترامى كاملا شاملا

عاصمة الملوك .. هم بالعلم شادوك
حضارة وتاج وعز .. هيبة ملك فى علوك
زايده النيل سماح .. ومن (سماحة) رووك
وياقلب المحب .. شرفت حلفاية الملوك

طبعا يا(عاشقة السلطان) انا من جهة الوالد انتمى لحلفاية الملوك واعتز بذلك لانها عاصمة اول حضارة اسلامية فى السودان (مملكة الفونج) لقادتها (عمارة دنقس) و (عبدالله جماع ) .
يعنى بى جاى وبى جاى انتى معنا ونحن معك وهو الاهم .

لك ود (الملوك)

مشرف عدد المساهمات : 357 تاريخ التسجيل : 05/08/2009

يعنى طلعنا قرايب بى الجد بالجد
مشكور يالغالى والله انك ملك

سلامى ، وتحياتى ، واحترامى كاملا شاملا

ياعاشقة نحنا اكتر من قرايب ،،،،،،،

ياملاك

فى سماك وفى علاك

لو اراك

استقى الحب من لماك

من نداك

من جمالك من بهاك

ياملك

لو بشر اتاملك .. برب كل من سلك

لا القوافى بتحملك

لا الحروف تستحملك

انته ياقمر الحلك

لكم الود (مانجلكا)

https://www.youtube.com/watch?v=dI3HY0mdoYU&feature=related
لمشاهده حفل دار الاوبرا(جبنه الشوفه للرائع دوما ديكور

سلامى ، وتحياتى ، واحترامى كاملا شاملا

مشكور ياود النور انى على التعب وتكبد المشاق والله انتو اروع من الروعة زاته ، والبلد فاقداكم ولكن الى حين فغدا سوف تعودون محملين بعلمكم لتقدمونه هدية لتراب هذا الوطن .

نحن فى انتظار العوده محملين باكاليل الزهور واضعين غطاءا على رؤوسنا تحسبا لهطول الامطار احتفالا بكم .

لكم الود (منتظرا ايضا)

مشرف عدد المساهمات : 357 تاريخ التسجيل : 05/08/2009

محمد ديكور كتب:: سلامى ، وتحياتى ، واحترامى كاملا شاملا

ياعاشقة نحنا اكتر من قرايب ،،،،،،،

ياملاك

فى سماك وفى علاك

لو اراك

استقى الحب من لماك

من نداك

من جمالك من بهاك

ياملك

لو بشر اتاملك .. برب كل من سلك

لا القوافى بتحملك

لا الحروف تستحملك

انته ياقمر الحلك

لكم الود (مانجلكا)

اه اقول شنو انا بس...؟!

» مدهوش قلبى ومهبوش شكرا يا (اهل الحوش)
» مجموعة أولاد البيت الغنائية