ابن شمبات الاصيل خضر بشير

علامه بارزه فى تاريخ الفن السودانى ومفخره كبيره لاهل شمبات الفنان الكبير خضر بشير
ولد بمدينة شمبات عام 1914 وفى المدرسة الاولية بدأت موهبته وكان يشارك فى الجمعيات الادبية بالقاء الشعر كان يقلد سرور فى بداياته الفنية عام 1930 سافر الى مدنى بعد ان اتجه الى المديح فتصوف على يد شيخه بقرية الشكينيبه فترة من الزمن وعاد الى الخرطوم مرة اخرى دخل عالم الغناء 1950 بأغنية برضو ليك المولى الموالى .غنى على المسرح القومى لاول مرة عام 1957 فى منتصف الستينات غنى فى التلفزيون سافر رحلات فنيه الى ابوظبى ودبى والشارقة قام بتلحين 45 اغنية اغلبها للشاعر الفحل محمد بشير عتيق سجل للاذاعة 39 اغنية وللتلفزيون 22 . على ذكر الغانى الجميلة والمرتبطة بالاذهان الاوصوفك/ الناحر فؤادى / / فى شاطى النيل الخصيب/ والله فوق زوزو/ وكثيرا من التحف الفنية بجانب العديد من المدائح ويعتبر رائدا من رواد الغناء على الرق وصندوق الكبريت الذى كان منشرا لفترة من الزمن فى بدايات الغناء كما شارك بالغناء كثناء مع الفنان العظيم حميده بمصاحبة الكورس ومن الاشياء المشهوده له كان يغنى فى الحفلات مجاملا دون اى فلوس كما كان لاعبا متميزا فى كرة القدم وكان يمتاز بالتهديف ا واشتهر بميله الى هواية صيد الاسماك حتى قبل ان يقعده المرض اخيرا توفى الى رحمة مولاه عام 2002 طيب الله ثراه

مبدع مبدع مبدع
وانت من زمااااااان وين
منتظرين الباقى ياحبيبنا
مشكور جدا جدا جدا

مشرف عدد المساهمات : 357 تاريخ التسجيل : 05/08/2009

الله عليك يانيدوكات
كتر من الحاجات دى
ومنتظرين المذيد منه

مشرف عدد المساهمات : 132 تاريخ التسجيل : 05/08/2009

الللللللللللللللللللللللللللللله يا نادر و الله اخترت فنان عظيم

ياخ انت شكلك حتمتعنا مادام بديت كده

( له الرحمه و المغفره )

سلامى ، وتحياتى ، واحترامى كاملا شاملا

الله عليك .. الله عليك .. الله عليك

غبت وجبت والله

ياسلااااااااااااااااااااااام وليك كل الاحترام

انا قلت انو (بطة) بقت سينير فى المنتدى بالموضوع الرائع الفتحتو لينا عن الشعراء الافذاذ والذين عاصروا الحقيبة ومابعدها وتغنى لهم فنانين كبار ولكن (نيدوكات) الليله جاب لينا فنان بقامة النيل الخالد يمتاز بعذوبة الاداء وجمال التطريب .
يحبة كل من يخفق قلبة بحب الفن والطرب الاصيل .
نعشقة نحن عشقا ازليا يجرى فى دمائنا لايخرج الا بخروج الروح (الماء والهواء وصوت الاستاذ الشيخ خضر بشير) .

شكرا زاتة شويييييييييييييية عليك يارائع ،،،،،،،

اتمنى ان يكون هذا البوست خاصا (بالاستاذ ) .
الصدفة هى التى خلقت هذا التوافق فى فتح (المواضيع)

دعونا مع الشاعر المعتق( محمد البشير عتيق) ومع مطرب المطربين (الاستاذ الشيخ خضر بشير) ، فهما وجهان لعملة واحده سارية المفعول الى الآن ف (مملكة الفن) .

الكلام كتييييييييير عن العباقرة ديل
لنا عودة تفصيلية

لكم الود (معتقا)

مشرف عدد المساهمات : 357 تاريخ التسجيل : 05/08/2009

سمعتا وجابو لى ياديكور
قالو لى بتعملو فى شمبات لقاء تكريم للراحل خضر بشير الله يرحمو ويغفر ليهو
اها تعال تم لينا باقى الخبر
فى انتظارك (متشوقا) =]

سلامى ، وتحياتى ،واحترامى كاملا شاملا

الكلام عن الاستاذ الشيخ خضر بشير ذو شجون وليس له ساحل لذلك او ان اتزود ببعض الاشياء المهمة والمساعدة على تواصل السرد ، واعود اليكم

جاى جاى انشاء الله
تخريمة : قرات تصريحا (لود البادية) فى احدى الصحف يقول فيه (ان لحن الاوصفوك هو من وضع له الموسيقى المصاحبة ) وانه كان سبب شهرة الاغنية وافتكر انه قد تطاول (قليلا) على استاذنا خضر ولكنى تذكرت انه قد تطاول على سوداننا الحبيب بكل عاداته وتقاليده عندما مثل امام (سمية الالفى) بالمايو فى شواطئ الاسكندرية والغريب فى الامر عندما سألو سمية الالفى عن فلم (رحلة عيون) مع (ود البادية) قالت : انه افشل فلم وانها ندمانة عليه

لكم الود

سلامى ، وتحياتى ، واحترامى كاملا شاملا

قلت اعمل رفرش للبوست ده
لانو عندى فيه مواضيع كتيرة عايز انزلها عن الاستاذ الشيخ خضر بشير عليه رحمة الله
ترقبوا فى الايام الجاية كلام عن كل الاغانى الغناها

لكم الود (مطربا جدا)

والله يا ريت يا ديكور كتير من الاغاني المفرداتها جميله وفي اسلوب غامض في التعبير او للرمز لي شئ معين كتير بنسمع كلمه الزوزو الزوزو رمز الالف في قسيم الريد ومن الاغاني البحبها جدا الناحر فؤادي وفي غنيه يا ريت القا ليها لينك اللهي آمنت آمنت والخلقك وسواك آامنت ده المقطع الاول تقريبا من الغنيه انا ما عارف الاسم شنو بالضبط وانشالله القا ليها رابط
لكم مني الود

سلامى ، وتحياتى ، واحترامى كاملا شاملا

سلامات يا ود انورانى .... والله واحشانا طلاتك يا جميل ... وانا متاكد انو الاغنى الانتة طلبتها دى عبارة عن شرك منك (للباقيات) هعهعهعهعهع .... وبعد شوية حتقول عايز واحدات تانيات ... عموما كده نحنا زاااااااااااااتنا دايرين غناء الاستاذ الشيخ خضر بشير كللللللللللللو ينزل بى جاى معانا وعشان كده عملت اتفاق مع واحد اخونا من المهتمين وحيجيب لينا الغناء ونحنا حنرفعه بصورة مفصلة ... يعنى كل اغنية والمعطيات المحيطه بيها من شاعر والملحن ان لم تكن من الحانه وحنتونس ونتناقش وحنجيب كلام من الاستاذ عوض بابكر ..... يعنى حنجتهد عشان نوثق بصورة افضل وحنهتم بصحة المعلومات شديد جدا ... بس انتو اصبرو شوية ونحنا جايين

لكم الود (منتظرا)

» أشعار لم تغني
» ديكور ورائعة خضر بشير