هل حتتزوجا بعد ما عرفت حقيقتها ؟؟؟

يا شباب يا حلوين
بدينا معااكم وبدينا المواضيع الجاده والهادفة
اول موضوع لي للشباب تحديدا
عاوز نتكلم بكل الصراحة الموجودة في الدنيا
فتاه - عرفتها وعملت معاها علاقة واستمرت العلاقة دي فترة من الزمن
في عده مواقف حدثت وكانت منتظرة منك اجابة صريحة وشافية
الموقف الأول : جات حبيبتك وقالت ليك انها حبت واحد تاني . ردك حيكون شنو في اللحظة دي
الموقف الثاني : جات وقالت ليك انوهي غلطت قبل كده في علاقة محرمة مع شخص قبلك . ردك حيكون شنو؟
الموقف الثالث : مشيتو لحفلة مع بعض وحسيت انو ولد عمها بينظر ليها وحسيت انو عاوزها . تصرفك حيكون شنو؟
الموقف الرابع : انت حبيت واحده تانية غيرها - تصرفك حيكون شنو؟
الموقف الخامس : خنتها . هل حتصارحها بالخيانة دي؟
في انتظار ردودكم حتى يستمر العطاء
ولكم التحية والتقدير

سلامى ، وتحياتى ، واحترامى كاملا شاملا

العزيزSUDAMIX نحنا صغار لسة على الكلام ده وفى بداية الطريق وما اتخيلت انو يتقتح موضوع زى ده عندنا ولكن لاضير من الاجابة ان كان ذلك فى حدود المعقول والمقبول حتى تعم الفائدة المنشودة وان كانت الفائدة هنا (مجروحة) وارجوان تسمح لى باستخدام (حق الفيتو ) احيانا حتى تستقيم الامور .

فى اعتقادى الشخصى ان الارتباط الوجدانى لايعنى بمثل هذه الاشياء ان كان (صادقا ) فالصدق يعتبر فى هذه الاحوال مفتاح النجاة من الوقوع فى الاخطاء .
اود ان اسالك سؤآلا : كيف يكون الحب صادقا ومبنيا على الحقائق والمعقول وتحب الفتاة شخصا آخر وتتجرا على مصارحته بذلك ، اللهم الا اذا كان الارتباط (ضعيفا جدا)
اما عن النقطة الثانية الا تتفق معى ان الله هو من يحاسبنا ويحاسب الآخرين على سيئاتهم وما اقترفوا من ذنوب ، وعلى كل يعود ذلك لمدى مرونة الرجل وتعامله فى مثل هذه الحالات وان الله يغفر الذنوب جميعا فكيف نحن ؟!! نتمنى الا نوضع فى مثل هذه المواضع (آمين) .
اما عن النقطة الثالثة المختصة بابن عمها لابد من توضيح بعض الاشياء مثلا ماهو شعورها (هى) وذلك هو المهم ، فاذا اخطأ ابن عمها فكثيرون هم المخطئون حتى على مستوى الشارع العام واعتبر ان الانثى هى (مربط الفرس).
اما النقطة الرابعة والخامسة يمكن ان نرجعها للنقطة الاولى الا اذا كنا من اصحاب النفوس الضعيفة !!!!!!!

تخريمة ياالسكى (سك) على المواضيع الزى دى زى مابتسك على الغناء فى سودامكس (رمضان كريم)

لك الود (صائما)

شكرا ليك كتير sudamix انا ما كلااااااام زيكم انتو وناس ديكور بس احاول اجاوب علي الكرسي الساخن بتاعك
وءانشاءلله اقدر اجاوب ءاجابات مقنعه

الموقف الأول: بقول ليها : بتمني ليكـ تتهنا , والزمان ما يضيرك , ياتومي الخلقكـ ’ خلق غيركـ

الموقف الثاني : الموقف التاني صعب شديد دي أكبر صدمه , بس وحاتك عمري ما اندم عليها و لاكأنها دخلت حياتي اصلا ,, اتمني اكون وصلته فكره,

الموقف الثاث : بثت لي ولد عمها انو البت دي لي انا , و احاول اقطع ليه كل السبل البتوصلو ليها ,

الموقف الرابع :: عشان ما تتعذب بي سببي انا أفهمه بالراحه اني خلاص ءاتخليت عنها بس ءاذا كان في اسباب و أقنعه بالأسباب الخلتني اعمل كده .

الموقف الخامس : أكيد من رابع المستحيلات ءاني أصارحه , ومادام انا خايف علي مشاعره , أقطع علي نفسي عهد اني ما اعمل كده ,,
وأتنمي اكون قدرته أرتقي بي كلامي المتواضع لي كلامكم الكباااااااااااار في مضمونو وعناهو واي حاجه فيه وشكرا

يا سكي تحياتي و ودي لكل آل السكي و كل آل سوداميكس ...
و يا ود بدوي عملتها فاقعة .... عيللا رمضان كريم ...
شوق شوال ... و سلام لي الأخوان

التحايا.....
طبعاً نحن كبنات مابنقدر نفيدكم بي إجابه لأنو كل الأسئلة دى مرتبطة تماماً
بالنوع يعني رد فعل الولد ماذي رد فعل البنت علي نفس الفعل
لكن الكلام لو علي عمومياته فكلام أستاذنا جميل
الصح والغلط مسألة نسبية وليس من حق إنسان إنو يعاقب إنسان لأنو هو ذاتو بكون عامل نفس العملة
وكلنا بعدين أمام الله سواء (مافي ولد ولا بت)
أما مسألة إنك تخونها طبعاً تكلمها وهي تختار الإستمرار أو الرفض
أتمني أكون قلت كلام مفيد
ولي عودة

شنو يا شباب المنتدي البوست دا ما فاتح راجيكم وين الإجابات الصريحة علي الأسئلة المهمه دي ؟؟؟؟ يلا خلو الكسل وحلو الإمتحان دا خلونا نفهم الفهم شنو في البلد دي. وماشه لي وين؟؟؟
شكراً كاتب البوست , شكراً للمشاركين
تقبلوا مروري

موضوعك مبالغة يامان لو الحاجات دي كلها حصلت ورا بعض بديها بمنبه طوالي دي ما بتنفع معاي لكن انا لو خنتها وهي كانت مخلصة لي بغني ليها انا خنتك امبارح وقلبي مش مسامح ولا عارف ازاي دا حصل مني ما دمعي انا استاهلك دموعي اغلي مني
ويسلمو ياحبيبو