ماذا تريد البنات في فارس الأحلام ...

ماذا تريد البنات في فارس الأحلام ...
على الرجل أن يكون:
1. صديق
2. رفيق
3. حبيب
4. أخ
5. غني
6. أب
7. سيد
8. رئيس
9. كهربائي
10. مقرش
11. سباك
12. ميكانيكي
13. مصمم ديكور
14. صاحب أسلوب
15. مغندل
16. طبيب نفسي
17. مبيد حشرات
18. طبيب معالج
19. مستمع
20. مرطب
21. مرتب
22. نظيف جدا
23. عاطفي
24. رياضي
25. مرتاح مادياً
26. دافئ
27. يقظ ومتنبه
28. أنيق
29. ذكي
30. ميسور
31. مرح
32. مبدع
33. حساس
34. قوي
35. جلابي
36. يتفهم
37. يتحمل
38. متعقل
39. طموح
40. عندو قروش
41. قادر ومؤهل
42. شجاع
43. مصمم
44. صادق
45. غني
46. يعتمد عليه
47. يمدحها بانتظام
48. يحب التسوق
49. محترم
50. غني جدا
51. لا يرفع ضغطها
52.لا ينظر لغيرها من البنات
و يا حبذا لو بقى متدين عشان يتقي ربنا فيها ....
<<<<< رمضان كريم >>>>>

مشرف عدد المساهمات : 357 تاريخ التسجيل : 05/08/2009

والله متدين دى اهم
لكن ماعرفته الوظائف دى كلها ليهى عشان بتفيدها فى البيت
لو كده والله احسن ليها تعنس ساى هههههههههه

سلامى ، وتحياتى ، واحترامى كاملا شاملا

والله لو خليت الموضوع ده للنسوان ديل يقولو ليك حاجاتك الكتبتها ديل كلهم دايرنهم فى راجل وااااااااااحد والواحدة منهم لو ليها (مراد) تكون راااااااااااقده والراجل يعمل ليها اي حاجة يعنى بالمختصر المفيد الواحدة عايزة تكون زى الملكة و(الباقين) خدم وحشم وطباخين وكهربجية وميكانيكية وطوال وسمحين وودودين ومحبينو.............و.............الخ

لك الود (خائفا)

مشرف عدد المساهمات : 132 تاريخ التسجيل : 05/08/2009

عزيزى وقيع الله :

الزول لو بخاف ربنا اكيد حيخافو فينى ,,, و لو هو زول محترم اكيييييييد حيحترمنى و حيحترم اهلى و كمان حيحترم ( الزواج ) لأنو مؤسسه مقدسه

و لو هو زول يعتمد عليه و متعقل و صاحب أسلوب اكيد حيعرف يجيب القروش ,, و القروش ما يعنى غندله و فنكهة لا بل معناها الستره و بس

و لو أنا ما عاملته بالمثل بديهو الحق انو يطلقنى او حتى يعرس فينى لأنى ما بستاهل اصلا

سلامى ، وتحياتى ، واحترامى كاملا شاملا

طبعا يابطة انتو فى الكلام ده مابتتغلبو لكن لما نجى مرحلة الجد (الكوراك) بقوم .
بمعنى انو الراجل لما يجى بحسسوه ليك انو الموضوع ساهل جدا وبالفى والمافى تعال .
طالما انك شارى بالحلال ومادايرة كتير (السترة وبس) لكن المواضيع اول ماتدخل فى الجد بتتغير كل الاحوال والاقوال ونرجع لى مربع واحد القالو عمنا (وقيع الله) .
وزى ماكتب فى موضوعو المهم القروش( غنى ، مقرش ، مغندل ، مرطب ، مرتاح ماديا ، ميسور ، جلابى) .

لكن تعرفو يمكن البتختار (المقرش) بترتاح فى البداية لكن لما تنتهى فترة (البيع والشراء) بتتعب جنس تعب ويمكن تتهمش كمان لانو بتكون الاندهاشة بيها (كانثى) انتهت .
عشان كده بنصحكم يابناتنا بغض النظر عن القروش وجودها او عدمها مفروض تختارو الزول (الخايف الله) وبعد داك كلو بهون ... يعز من يشاء ويذل من يشاء ويعطى بغير حساب ...

لكم الود

موضوع جميل جداً تسلمي يابطة علي الرد الجميل
أنا أعتقد إنو من نعم الله علينا إنو خلانا نفتش كل الحاجات البتعيننا علي مجابهة صعوبات الحياة ومراراتها في شخص واحد ونهتم بأننا نلاقي أكبر عدد منها في شخص واحد ودا ما بققل من حاجاتنا بالعكس دا من حرصنا علي الأحادية...
عارف الراجل مابفتش علي حاجات كتيرة في المرأة ليه ؟؟؟؟؟؟؟؟ لأنو وببساطة بتمها من واحدة تانية بمختلف مسمياتها ( صديقة، زميلة، جارة، زوجة صديق، وحتى زوجة تانية بالدس، نزوة وووووووالخ)
نفرح كثيراً لو بحث الرجل عن أكثر من كدا فينا بس يخلي البصبصة لي برة
وإنت يامدير كان قصدك (لك الود خائناً مش كدة وليس خائفاً)
والله العالم بالضمائر

مشرف عدد المساهمات : 357 تاريخ التسجيل : 05/08/2009

والله ياديكور انا معاك
واظن اى بت بتتمنا انو يتقى الله فيها بى اختصار شديد
والقروش مامهمه لكن قليلين البتقو الله فينا
فاحسن لينا القروش وبعدين لو ذهبت ماهو حايزهب معاها
لانو فى النهايه هو بكون مستقنى
وذى ماراح بيجى

كلام ميه ميه
اول حاجة واخر حاجة بيعاينو ليها بنات الزمن ده القروش
الا من رحم ربه
ما مهم هو منو ولا ود ناس منو ولا متدين
المهم عندو شنو وساكن وين وسايق شنو
ولمن تزنقم في الكلام يقولو ليك اهم حاجة الاخلاق
ههههههههه
اخلاق شنو يا بناتناالزمن ده
والله الواحد بيمشي مناسبات وبشوف فيها مناظر غريبة جدا جدا
تلقى العروس عمرها 18 سنه والعريس 80 سنه
اها ابو 80 سنه ده معرسنو عشان الاخلاق؟
عجبي....

SUDAMIX كتب:: كلام ميه ميه
اول حاجة واخر حاجة بيعاينو ليها بنات الزمن ده القروش
الا من رحم ربه
ما مهم هو منو ولا ود ناس منو ولا متدين
المهم عندو شنو وساكن وين وسايق شنو
ولمن تزنقم في الكلام يقولو ليك اهم حاجة الاخلاق
ههههههههه
اخلاق شنو يا بناتناالزمن ده
والله الواحد بيمشي مناسبات وبشوف فيها مناظر غريبة جدا جدا
تلقى العروس عمرها 18 سنه والعريس 80 سنه
اها ابو 80 سنه ده معرسنو عشان الاخلاق؟
عجبي....

التحية لك أخي SUDAMIX
كلامك ما كعب لكن بس قول لي
منو في السودان دا متدين ؟؟ وبفرق شنو ود ناس فلان من ود ناس علان ماكلهم متربين في شارع واحد وفي مدرسة واحدة أقصد إنو نفس المفاهيم ونفس التقيم للحاجات،ببقي الفرق في القروش دي المامكن الناس تتقاسمها ممكن يتقاسمو المفاهيم بالتالي ردات الفعل ممكن تكون متقاربة جداً لكن القروش هي وحدها البتعمل الفرق، بعدين مسألة الأخلاق دي بالمناسبة مسألة أنا بالنسبة لي مفروغ عنها لأنو كلنا ربونا على حسن السلوك والمعاملة الطيبة إلا أصحاب السلوك المنحرف ديل ما هم العموم وديل الشواذ البثبتوا القاعده، عشان كده طالما الواحد سلوكه سوي بكون المحك هو القروش،
بعدين البعرسو عمر ثمانيين سنه ديل ما معتدلين في السلوك وبرضو هم البثبتو القاعده عندنا.
ماعارفه أكون وصلت وجهة نظري ولا لا؟؟؟؟؟
لكم التحية

ز

الأولى اهلا بيك
احاول اوضح ليك بعض النقاط
زمان (تقريبا قبل 6 او 7 سنين) كان ممكن يكون كلامك صاح
لأنو ناس الحله كانو بيعرفو بعض
قبل ما يحصل التضارب في الاجناس الحاصل في الوقت الراهن
مع زحف الدول المجاورة للسودان بقينا ما بنعرف اصلا اذا جارنا سوداني ولا لأ
انا بتذكر انو الواحد لمن كا يمشي في اي حته كانو بيعرفو انو ده ود ناس فلان
لكن حسي فلان ده زاتو بقو ما بعرفوهو
يعني الظروف اختلفت واولاد البلد بقو اقليه والاغلبية (,,,,,,)
يبقى هنا ما المفروض نحكم على العادات والتقاليد والاخلاق بتاعت زمان
حسي انا عاوز اسألك سؤال
انتي بتعرفي جيرانك وناس حلتكم كلهم؟؟؟
ولك التحية

SUDAMIX كتب:: الأولى اهلا بيك
احاول اوضح ليك بعض النقاط
زمان (تقريبا قبل 6 او 7 سنين) كان ممكن يكون كلامك صاح
لأنو ناس الحله كانو بيعرفو بعض
قبل ما يحصل التضارب في الاجناس الحاصل في الوقت الراهن
مع زحف الدول المجاورة للسودان بقينا ما بنعرف اصلا اذا جارنا سوداني ولا لأ
انا بتذكر انو الواحد لمن كا يمشي في اي حته كانو بيعرفو انو ده ود ناس فلان
لكن حسي فلان ده زاتو بقو ما بعرفوهو
يعني الظروف اختلفت واولاد البلد بقو اقليه والاغلبية (,,,,,,)
يبقى هنا ما المفروض نحكم على العادات والتقاليد والاخلاق بتاعت زمان
حسي انا عاوز اسألك سؤال
انتي بتعرفي جيرانك وناس حلتكم كلهم؟؟؟
ولك التحية

[color=red]تحياتي الطيبات أخي SUDAMIX
طبعاً مابعرف جيرانا كلهم ولا أستطيع لكن أكتر الغزو من داخل السودان من الولايات المختلفة
ما من خارج السودان ..... وكلهم أولاد بلد بإعتبار إنو البلد بلدنا كلنا بس البيئات الإتربينا فيها مختلفة والإنسان إبن بيئته
وكل واحد بيجي حامل محمول ثقافي بيحكم سلوكه .....
ولسه الشباب بقعدوا تحت شجرة في الحلة وبتبادلوا الثقافات (هههههههه) أو قدام دكان في الحلة
ودي السواد الأعظم من شبابنا عايش كده الإ من رحم ربي (طبعاً ديل اللاقين شغل)
عشان كده ما بنقدر نراهن علي موضوع الأخلاق دا .........
لك التحايا[/color]