(ود النورانى) طاير فى السماء

سلامى ، وتحياتى ، واحترامى كاملا شاملا

من اميز المشاركين فى هذا المنتدى ودائما تاتى مشاركاته فى كل الاحوال فى محلها تماما
ودائما مانستفيد من تعليقاته
قبل يومين قلت اكتب عن الزول ده لانو فعلا من المشاركين المتميزين ، لكن ....... قلت ده ماسبب قوى شديد لانو فى كتيرين مشاركين معانا وبنسبة عالية من الشباب
لكن الليلة فى (اليوتيوب) لقيت لى سبب قوى للكتابة عن الرائع (ود النورانى)
كدى شوفو معاى الموضوع ده https://www.youtube.com/watch?v=DUQfawyEyk0
ود النورانى طاير فى السماء
وعامل لاندنق زى اللاندنق
لكم الود (راكا)

ود النوراني دا ممكن يسوق البتاعة دي بالفطرة , ود النوراني دا من اسرة طيارة
ولا ما كدة يا ابن خالتي

والله يا استاذ ديكور اثلجت صدري بكلامك وتسلم يا ود الخاله
حقيقه الانسان يقاس بي عمرو من تاريخ ميلادو والطيار يقاس بي عدد ساعاتو في الحو والفيديو ده وانا في ساعتي ال13طبعن اسي الحمدلله فت ال100وانشالله انزل حاجات اكتر
تسلك كتير اخ ديكور والله, دعواتكم لي بالتوفيق
لكم الود(متبحلقا) cheers

مشرف عدد المساهمات : 132 تاريخ التسجيل : 05/08/2009

لاااااا لاااااااا معانا طيار و كمان بيعمل لاندينق عجيب !!!!!!!
ههههههه و الله فرحتنا يا ولدنا و ولد النورانى Very Happy

انشالله ربنا يحفظك يارب و انت طاير و يبعدك عن كل الشرور و مشاكل الهبوط يااااااارب

بس من هسه تورينا انت فى ياتو خطوط عشان سفرنا معاك انت بس Laughing

و لك الود ( فوووووق الجو ) lol!

والله ياود النوراني ذي العجب وعيني باااااااااااااااااااردة عليك وربنا يحفظك.....
وقالوا سواقة الطيارة في الجو أسهل وءأمن من سواقة العربية صاح الكلام ده
وبالله فوق في ناس حركة هههههههههههههههههههههه

مشرف عدد المساهمات : 357 تاريخ التسجيل : 05/08/2009

ماشاء الله تبارك الله
حلوه منكم والله
اخيرا عرفنا انك بتشتغل شنو
ياترى الجائزه الشايله بتاعت شنو...؟؟
لكم الود (موقلده) بس حركه لزيزه والله

والله خلعنى العنوان بتاع البوست
بالتوفيق انشاءالله ياولدنا
تخريمة: انت الطيارة فيها بورى؟ وفيها فرامل ولا لا؟؟؟؟؟؟
لك الود (محلقا)

سلامى ، وتحياتى ، واحترامى كاملا شاملا

شكرا ايها السادة والسيدات على الحضور الانيق ، وخاصة الاحباب الاولى وبطه وعاشقة ومحمد حمزة وود النورانى (سيد الشئ) .
دعونا نتمنى ان نسافر يوما فى رحلة خاصة باعضاء المنتدى وعلى متن طائرة يقودها الحبيب الراقى (ود النورانى) .
تخريمة :
يامان ماداير ليك كمسارى خمسة ملى
بك الود (مفتخرا)

اهلي واحبتي في منتدي الاستاذ ديكور سلامن عليكم
تسلمو كتيرعلي مروركم والكلام الرفع من معنوياتي خالص وانا اسف اني طولته في الرد لكن الحمدلله كنت في امتحانات واتحصلت علي الرخصه التجاريه
وتسلمي كتير يا بطه يا زوق لسه ما وصلته مرحلة الخطوط بس دعواتك لي بي الفي بالي
وفعلن يا الاولي يا رائعه سواقته الطياره اسهل من العربيه بس التنشنه فيها حاجه مرهقه واصعب جزء في الطيران هو الهبوط وما حانسي ستنا عاشقه السلطان والفي يدي دي مجسم لي طيارة تدرب عليه الوالد الف رحمة ونور علي يا رب اسمهاjet provostوللاسف اسي مجدوعا ساي في وادي سيدنا ودي طيارة بريطانيه
والعضو المميز lجدن ود حمزة لك التحيه وفعلن الطيارة فيها فرامل لانها عندها لساتك وفي الجو برضو عندها flaps بزيد من مساحه الجناح عشان تدي liftفي الاقلاعand increase the angle of descend with out increase the air speed ,وفي حاجه اسمها اسبويلر دي ممكن تقول زي بتهجر الطيارة لمن تهبط عشان ما تقوم والكلام يطول طبعن
وتسلم كتير جدن يا ود الخاله يا سعاده المدير ليك كل التقدير من القلب علي البوست وانشالله عندي حاجات تانيه جايه كتير في السكه عشان نمشي في رحلة خاصه مع الاعزاء في المنتدي
لكم خالص الود مني

مشرف عدد المساهمات : 357 تاريخ التسجيل : 05/08/2009

امين يارب
والف مبروك ياخ

مبروك يا ود النوراني وبالله لو سمحت ممكن سحبة بالطيارة دي
Smile

))