يا عينى ما بتريحى

مشرف عدد المساهمات : 357 تاريخ التسجيل : 05/08/2009

يا عينى ما بتريحى
والساترو قلبى بتفضحى
لاقيتى زول ظلمك زمان
تتناسى كيف وكيف تفرحى

دايما تقيفى في صفو انتى
والخواطر والخيال
لو مره طيف تايه تراءى
خلف استار المحال
تتشابى ليو يا عينى ليه
ما قدر الحلو والحلال

ياعينى ما تنسى القديم
ما جابو ليك كم شفتى كم
من حرقة الزمن الاليم
البين رموشك اترسم
بالله توبى من النديم
كفينا دمعات الندم

الفات خلاص يا عينى فات
بى خيرو بى شرو انتهى
سبحان من احيا وامات
نسانا زول كان مشتهى
والليله بى الشوف يا عيون
الريده فضحت سرها

عاشقه السلطان ما ـأحلاكـ
و استاذنا محمد ديكور ما ـأروعكـ
تسلمو انتو الاتنين يا غاليين
و بالجد كلمات في قمه الروعه

[center]سلامى ، وتحياتى ، واحترامى كاملا شاملا
اغنية جديدة ماتمت سنة واتغنت فى جلسة ياعاشقة !!
جبتيها من وين وانتى مامعانا فى السودان
عشان كده لما نتكلم عن الانتشار السريع فى الزمن ده بنكون صادقين وبنقول الحقيقة
الحكاية اتغيرت تماما
مشكورة على الاهتمام وانشاء الله تكون الاغنية على قدر الناس الحلوة المعانا
ولو فى طريق ارفعوها لينا بصوت (السلطان)

لكم الود (مفضوحا)

نص جميل ومعبر وبه كميات من ( الجرسة) والحنين للقديم ومحاولة الرجوع واجترار الماض
ياسلااااااااااااااااااام ، حقيقى نص له معنى

شايف حبيبنا ديكور قال زى الغناها طه ، لو فى امكانية يا اخوانا ارفعوها لينا بى صوته

مشكورين

والله ياعاشقة لو قلت ليك ما بتصدقي إني لي يومين بتصل بالأستاذ عشان يديني النص الكامل للأغنية دي وما لامة فيه. وأنا مستغربه ليه ماذكر الكلام دا في رده. ياستي توارد خواطر ذي السم والحمد لله .
لك كل التحايا

تم رفع الاغنيه في القسم المخصص

مشرف عدد المساهمات : 357 تاريخ التسجيل : 05/08/2009

مشكور ياودالمهدى والله مابتقصر
طبعا ياديكور الغنيه دى
انا سمعتها من موقع السلطان وكان معاهو مسعود فايز
وبعدها قلت انك كتبتها
لكن البينتشر ع اليوتيوب
طبعا انا كل يوم بدخل اليوتيوب اشوف جديد السلطان
ده الرابط شوفوها معانا
https://www.youtube.com/watch?v=Ib7ZPApMYFA
الصوره ماظاهره شديد
بس طبعا الاستاذ معروف
عجبتنى الجرسه دى ياحريف الدنيا
ومبالغه ياالاولى القلوب ع بعضيها
شكلك كده شديد حاجاتك بتتنفذ من غير ماتطلبيها هههه

سلامى ، وتحياتى ، واحترامى كاملا شاملا

شكرا يا ود المهدى على المساعدات الغير مسبوقة وشكرا ياعاشقة على كتابة النص ، وداير اقول ليك حاجه انا نسيته فعلا وهى بتوضح توارد الخواطر لدى اعضاء المنتدى ، العزيزة الاولى ليها فترة طويييييييييييله الاغنية دى (حايصاليها) وكانت دايرة ترفعها فى نفس الزمن الانتى رفعتيها فيه (تتخيلى!!) .
احمد الله كثير ان وهبنى اخوان واحباب واعزاء تتوارد خواطرهم على مانحب
الحمد لله
وشكرا ليكم كللللللللللللللللللللللللللللكم

لكم الود (محبا جدا)

يا جماعه عليكم الله طلب لو ممكن:
شوفو لينا صوت غير صوت طه أرفعوا لينا بيه الغناء والله جانا وجع ضرس عديل
يعني دا ما موقع طه لو عايزين نسمع طه بس كان دخلنا موقعو . يعني الأغنية لو مغنيها زول غير طه أرجو كمان ترفعوا لينا عشان كمان نحس إنو الحكاية فيها تنويع
ولو دي توجيهات الإدارة يكون دا شئ تاني...

سلامى ، وتحياتى ، واحترامى كاملا شاملا

بسسسسسسسسسسسسسسسم الله الرحمن الرحيم ,, مالك يازولة مسخنة كده .. الحاصل شنو ؟!!!
الليله مابراك
هدى شووووووووووووووووووووية كده ، وقولى رايك زى مادايرة
وباكد ليك تماما انو مافى توجيهات زى دى .
بل العكس تماما وممكن تقولى الدايراه وبالشكل البعجبك
اتخيلى لى انتى دايره توصلى معلومة انو مفروض يكون فى (خيارات) تانية غير طه سليمان وانا بدورى بدعوا الشباب يجيبو لينا الغناء البغنوه الفنانين التانيين

تخريمة : ده كلام شبعان وله زعلان !!

لك الود (مهدئا)[right]

أأأأأأأأأأأأأأأأأيييييييييييييييييي عشان لو قلبتوه منتدي طه نحن نمشي نشوف لينا مكان تاني .... ودا كلام طهقان وقرفان كمان

مشرف عدد المساهمات : 357 تاريخ التسجيل : 05/08/2009

والله ماعندنا مانع تسمعونا فنان تانى
لكن انا وبى كل فخر ماعندى زول تانى بسمع ليهو
لكن هو اساسا المنتدى بتاع الاغانى مهمشنو
يعنى مافى ناس كتير بردو عليهو ومابتخنو فيهو شئ
يعنى اى زول مفروض يخت الغنيه البتعجبو
وده اساس المنتدى انو الباقين يتشاركو اغانيهم المفضله
وفرصه انو الناس تتعرفو ع فنانين تانين
وسو فار مافى غير اغانى السلطان طه سليمان والرائع مهيار

سلامى ، وتحياتى ، واحترامى كاملا شاملا

ياجماعة مافى ايييييى مانع من ان نستمع لاغانى اخرى لشعراء وملحنين آخرين وده السبب القام من اجله المنتدى .
كل الناس المستمعين والمتذوقين والشعراء والملحنين والفنانين والموسيقيين وكافة انواع الفنون بمختلف انماطها وفى ذلك شرف لى ولكل الاعضاء والمشاركين ، فما الذى يمنع ذلك .
يلا ورونا يا اخوانا حاجات جديده وانتى يا (الاولى )بالذات نحنا منتظرنك ومنتظرين جديدك فى هذا المجال .

بس هدى شوووووووووية كده
الله لا يورينا زعلك

لك الود (مخففا)

ياسلاااااااااااااام ده كلام جميل

اسمع يا ديكور فى الاغنيه النازله فى اليويوب لما طه ناداك ادانى احساس انو نسي باقى الاغنيه واديتوو البخره ههههههههههه

شغل جميل حنسمعو نضيف ونجى تانى طالما انا قلت انو طه صوتو عباره عن الة موسيقيه ( ما شاء الله )

لكم تحياتى

والله يا ديكور ابدعتا في كلمات الاغنيه دي و دى من اكتر الاغاني الانا بحبها و مستعده اسمعا طول الوقت
و السلطان كمان ابدع في اداها و ما اعتقد انو لو زول تاني غناها حيوصلا بي نفس الاحساس

لكن يا ديكور مافي زيك اتنين بالجد كده

سلامى ، وتحياتى ، واحترامى كاملا شاملا

يامهيار مابتريح وبتكشف كل حاجة ، فعلا طه ماكان حافظ الاغنية وده لانو سمعها مرة واحدة ودى كانت تانى مرة ، لكن خلاص هسى بقت مية مية وياريت لو سمعتها الايامات دى حاجة تانية
مشكورة ياهنوية على الكلام الجميل فى حق الاغنية واسف لتاخير الرد والتعليق .
والله يا اخوانا حقو كلكم تعزرونى لما اتاخر فى ردودى ، وتعفو لى لانو والحمد لله المنتدى مشى كويس فى الناحية دى والزول مابقدر يلاحق كل الاحباب .

لكم الود (معتذرا)