كل مرة

موضوع: كل مرة الثلاثاء 13 أكتوبر 2009, 8:56 pm

الأغنية إتكتبت تقريباً قبل أربعة سنوات كلمات وألحان الأستاذ ديكور أداء الفنان طه سليمان بمصاحبة (سعد الدين الطيب (أورغ) وعمر القصاص (أورغ) في تسجيل وحيد .... ( مش حاجة غريبة إنو الأغنية الجميلة دي ما تتغني إلا مرة واحدة بس. يا ناس منتديات طه عليكم الله أسألوه لي ليه مابغني الأغنية دي... وأنا منتظرة الرد)...

النص بقول:

كل مرة أقولها ليك ياقلبي توب من الوفا ؟!!
ما واضحة بالعربي الفصيح ما حقك الهنا والصفا
أحي علي قلبي الجريح - أحي عليك قلبي الجريح
*****
إنت يا قلبي المعني غلطوا في حقك كتير
وإنت في دنيا المحبة لسة في الإخلاص أسير ؟!!
ياخي مادام جوره واضح
قالوا باب التوبة فاتح
من خطاياك استريح
*****
حقو تبعد يافؤادي عن هواهم والمحال
أصلوا ما يغريك جمالهم المظاهر والدلال
العليل ياقلبي أشفي .. الغرام سقم النصيح
وأصلو دنيا الريدة عرفة .. عزك أعرف واستريح

موضوع: رد: كل مرة الأربعاء 14 أكتوبر 2009, 3:54 pm

انا كل مرة بكتشف حاجة جديدة بالجد ماقصرتي يا ستي وديكور بالغ في الغنية دي يسلمو كتير

موضوع: رد: كل مرة الأربعاء 14 أكتوبر 2009, 6:20 pm

حقو تبعد يافؤادي عن هواهم والمحال
أصلوا ما يغريك جمالهم المظاهر والدلال
العليل ياقلبي أشفي .. الغرام سقم النصيح
وأصلو دنيا الريدة عرفة .. عزك أعرف واستريح
انا والله العمل ده كلو شعر على لحن مكسرنى عديل كده وراى شخصى الاغنيه دى مظلومه وفى نوع من التقصير لانها اتغنت مره واحده ما لقت الرواج اللازم يعنى مظلومه اعلاميا وفنيا

موضوع: رد: كل مرة الأربعاء 14 أكتوبر 2009, 8:43 pm

سلامى ، وتحياتى ، واحترامى كاملا شاملا

ظلم الحبيب الذ من الزبيب

لك الود (لذيذا)

موضوع: رد: كل مرة الخميس 15 أكتوبر 2009, 2:51 am

محمد ديكور كتب:: سلامى ، وتحياتى ، واحترامى كاملا شاملا

ظلم الحبيب الذ من الزبيب

لك الود (لذيذا)

ياتو حبيب دا الظلمو لذيذ نا فهمنا؟!!!

موضوع: رد: كل مرة الخميس 15 أكتوبر 2009, 12:18 pm

يا سلام ياجماعه والله كل يوم بحمد الله إني عضو في المنتدى الرائع دا
الأغنية دي أنا سمعتها السنه الفاتت وكسرتني وما خلت لي حاجه بس إتمسحت من عندي أرجوكم لو في زول عندو يرفعها لي (بأي صوت ما مشكله) .. وأكون شااااااااااااااااااااااكرة ومقددددددددددددددددددرة

موضوع: رد: كل مرة الجمعة 16 أكتوبر 2009, 9:03 am

و الله ابداااااااااااااع
مافي كلام

موضوع: رد: كل مرة الإثنين 19 أكتوبر 2009, 5:15 pm

تعرفو انا كنته قايله الغنيه حقيبه
والسلطان ظلمه شديد كونو يغنيها مره واحده
لكن انا الغنيه عندى وان شاء الله ارفعه ليكم
وتسلمى ياالاولى ع الكلمات الروعه دى

موضوع: رد: كل مرة الثلاثاء 20 أكتوبر 2009, 2:05 am

السلـ عاشقة ـطان كتب:: تعرفو انا كنته قايله الغنيه حقيبه
والسلطان ظلمه شديد كونو يغنيها مره واحده
لكن انا الغنيه عندى وان شاء الله ارفعه ليكم
وتسلمى ياالاولى ع الكلمات الروعه دى

يا سلااااااااااااام عليك يا عاشقة والله انت دايماً بتدعمينا بي حاجات مهمه ومساهماتك مقدرة جدا والله يديك العافية ويخليك لينا .... بالجد نحن من غيرك بنتعب كتير .....
شكراً يا الأولى علي إثراء المنتدي بكل ما هو جميل ربنا يحفظك لينا ....

موضوع: رد: كل مرة الخميس 22 أكتوبر 2009, 8:04 am

الله يخليك ياNATALIA
ولا يحرمنا منك
رفعته ليك الغنيه فى قسم الاغانى السودانيه

موضوع: رد: كل مرة الخميس 22 أكتوبر 2009, 8:52 pm

سلامى ، وتحياتى ، واحترامى كاملا شاملا

شكرا ياشباب على التعليقات ، والله ، والله ، والله كمية من المعنويات مامعقولة ، ربنا يخليكم لينا وخليكم عارفين انكم اهم ناس عندى ياناس المنتدى لانو انتو الناس البتعلقو لى على الغنا فبالتالى عندكم حق المناقشة باى صورة تروها .
اما بخصوص الاحتجاج على عدم ترديد الحبيب طه للاغنية والاكتفاء بتسجيلها مرة واحدة فى (جلسة) مع الرائع سعد الدين الطيب والجميل عمر القصاص ، يمكن يا اخوانا راقد ليه فوق رأى ، وطبعا (الاولى) طوالى حتقولى رايه شنو يعنى ، طبعا يا (الاولى انا ماعارف رايه تحديدا شنو ، لكن انا بعرف طه كويس وبعرف انو بخطط لمسيرته الفنية بصورة كويسة ومعتدلة نوعا ما وهو زول مختلف فى تناوله للاعمال الفنية خاصة (الغناء) وزمن توصيله للناس ، ده مادفاع عنو لكن انا عايز اطمئنك انو العمل انشاء الله حيلقى حظو فى القريب بس انت اصبرى شوية (ايييييييييييى حاجة براااااااااااااااااااحة برااااااااااااااااااااحة بتكون اجمل) .. ولة شنو ؟!!

تخريمة :
فيكم زول قبل كده اتكلم مع قلبو يا اهلنا
دى فكرة الاغنية ، واحد (بشاكل فى قلبو) وبقوليه :
كلو مرة اقولة ليك ياقلبى توب من الوفا ؟!!

لكم الود (مجروحا)

موضوع: رد: كل مرة الأربعاء 28 أكتوبر 2009, 3:55 pm

كتر خيرك كتييييييييييييييييييييييييييييييير ياعاشقة روحي الهي تلقي كل الفي مرادك وربنا يغتيك من عين الحسود ومشكوره كتتتتتتتتتتتتتتتتتتتتتتتتتتتتتتتتتتتتتتتر لما تستغيثي

موضوع: رد: كل مرة الثلاثاء 03 نوفمبر 2009, 9:20 pm

محمد ديكور كتب:

سلامى ، وتحياتى ، واحترامى كاملا شاملا

شكرا ياشباب على التعليقات ، والله ، والله ، والله كمية من المعنويات مامعقولة ، ربنا يخليكم لينا وخليكم عارفين انكم اهم ناس عندى ياناس المنتدى لانو انتو الناس البتعلقو لى على الغنا فبالتالى عندكم حق المناقشة باى صورة تروها .
اما بخصوص الاحتجاج على عدم ترديد الحبيب طه للاغنية والاكتفاء بتسجيلها مرة واحدة فى (جلسة) مع الرائع سعد الدين الطيب والجميل عمر القصاص ، يمكن يا اخوانا راقد ليه فوق رأى ، وطبعا (الاولى) طوالى حتقولى رايه شنو يعنى ، طبعا يا (الاولى انا ماعارف رايه تحديدا شنو ، لكن انا بعرف طه كويس وبعرف انو بخطط لمسيرته الفنية بصورة كويسة ومعتدلة نوعا ما وهو زول مختلف فى تناوله للاعمال الفنية خاصة (الغناء) وزمن توصيله للناس ، ده مادفاع عنو لكن انا عايز اطمئنك انو العمل انشاء الله حيلقى حظو فى القريب بس انت اصبرى شوية (ايييييييييييى حاجة براااااااااااااااااااحة برااااااااااااااااااااحة بتكون اجمل) .. ولة شنو ؟!!

تخريمة :
فيكم زول قبل كده اتكلم مع قلبو يا اهلنا
دى فكرة الاغنية ، واحد (بشاكل فى قلبو) وبقوليه :
كلو مرة اقولة ليك ياقلبى توب من الوفا ؟!!

لكم الود (مجروحا)

طبعا يا مدير حأقول ليك رايه شنو ؟؟؟؟؟؟ الراقد فوقو دا
وانت لو عرفت كلمنا

لك الأماني الطيبة

موضوع: رد: كل مرة الأحد 22 نوفمبر 2009, 11:31 am

nidocat كتب:: حقو تبعد يافؤادي عن هواهم والمحال
أصلوا ما يغريك جمالهم المظاهر والدلال
العليل ياقلبي أشفي .. الغرام سقم النصيح
وأصلو دنيا الريدة عرفة .. عزك أعرف واستريح
انا والله العمل ده كلو شعر على لحن مكسرنى عديل كده وراى شخصى الاغنيه دى مظلومه وفى نوع من التقصير لانها اتغنت مره واحده ما لقت الرواج اللازم يعنى مظلومه اعلاميا وفنيا

نورتنا والله ياnido شكراً على مرورك ومشاركتك أسعدتني جداً
بس عندي سؤال: إنت بخيل ولا شنو ؟ ليه مشاركاتك حببببببببببببه كده ؟
حاول فرحنا تاني بالمرور
لك التقدير

موضوع: رد: كل مرة الإثنين 03 مايو 2010, 5:30 pm

hi every body

كيف أخباركم بعد الغيبة
مريت اليوم بالمنتدي ولقيت الأغنية الجميلة دي أنا سمعتها كثير لكن فعلا هو نفس التسجيل والعاجبني فيها شديد لحنها فيه كم من الاحاسيس الخليط بين العتاب والشفقة والحنية و و و و و و و و
والله يكون في عونك

.