وداع اللمبي

موضوع: وداع اللمبي الأربعاء 14 أكتوبر 2009, 7:58 pm

بسم الله الرحمن الرحيم
و الصلاة و السلام علي اشرف خلق الله محمد صلي الله عليه وسلم
اولا : اعتزار كامل شامل (علي قول اخونا ديكتتتتا ) عن الغياب لاكين زي ما بيقولو مشاغل دنيا .
و رغم الغياب كنت متابع جيد لاخبار المنتدي من خلال التلفون مع الاعضاء (البعرفوم) و اخونا ديكور .
ثانيا :
كنت من المحظوظين جدا في الاسبوع قبل الاخير بزيارة صديق عزيز جدا علي قلبي (اللمين) علي قول اخونا البرشلوني اخونا الامين مختارعبدالقادر .
الامين مختار عبدالقادر شاب سوداني لاب سوداني و ام مصرية و مولود و متربي في القاهرة و زيارته هذه كانت الاولي للسودان (اتخيلوووووووو) الامين يتكلم بي لهجة مصرية صرفة و دا كان مثار كثير من النكات في محاولة اصحابنا لمجاراته و الحديث معه بالهجة المصربة .
(((((طبعها كده)))) يا وقع الله و يا البرشلوني
الامين انسان جميل بكل ما تعنيه كلمة جميل من معاني , طيييييييييييييييييييييب حد الطيبة و مههههههههههههههذب حد التهذيب و راقي و محب .
الحاجات دي كانت هي مصدر مجبة الناس ليهو (اصحابي) الناس العاملوهو كانو واحد من اولاد حلتنا بيسالو عنو كل يوم تقريبا دا لو هو اصلا ما جا كل يوم  .
اللمبي علي قول ولد اخونا البرشلوني
ودي نكته جميلة اظن هنالك مكان لذكرها .
مشينا كلنا كده جبل اوليا (انا و ديكور و وقيع الله و البرشلوني و ولده مضوي و الامين) بعد ما ضربنا ليك السمك الما خمج قلنا خلاص نرجع و بما اننا جينا في سيارتين انا و الامين مشينا بي واحدة و اليباقين ركبو التانيه فا اخونا البرشلوني سال ليك ولدو قال ليهو انت يا مضوي النضارة الكنت لابسا وينا فا الولد قال ليهو :- مااااااااااااااااااااااااااا شالا صاحبكم اللمبي ولا اسمو شنو دا .
و خير من يقصها عليك اخونا ديكور بي مسرحيته تلك .
و كتعبير اصيل بيشبه اولاد شمبات الاصيليين قرر اصحابي انهم يعملو لي الامين (اللمبي) قعدة وداع بي مناسبة انو مسافر الي القاهرة فا كانت جلسة من اجمل جلسات الفن الانا صادفتها قريب .غنا زي الغنا و طرب اصيل علي قول عمنا فضل عبد القادر الكانت القعدة في بيتو و الهو عم اخونا الامين (اللمبي)
ديكور كان فنان القعدة
الامين حسب الرسول في العود
الطيب يوسف (ود الدهب) في الايقاع
بي المناسبة القعدة كانت تحتوي علي كل انواع الغنا , ديكور غنا الحقيبة و قال شعر لي شمبات و غنا اغاني خاصة كانت مثار اعجاب الكثيرين .
و الحاجة دي مؤثقة بالكامل لو الناس داية تشوفا (بعد اذن اخونا ديكور) انا ممكن افتح بوست تاني و اخت الحاجة دي كلها

سلامى ، وتحياتى ، واحترامى كاملا شاملا

ياسلام على (الامين) الجميل
حقيقى قضى معانا وقضينا معاه اجمل ايام
وما حا ازيد على كلام الحبيب Last_warrior اييييييييييى حاجة .. فقط اديناك الاذن بانك تنزل القعدة العملناها ليه وهو مسافر وربنا يطراه بالخير
تخريمة :-

الامين سودانى جاء للسودان وهو كبير اول مرة ولهجتو مصرية مية المية لكن احساسو سودانى والجينات ماقصرت وحقيقى حبيناه جدا جدا (اوى اوى) ، وبعد اخونا Last_warrior ينزل (القعدة) عندنا ونسة كبيرة عن الزول الرائع ده .

لك الود (منتظرا) ياLast_warrior

القعدة كلهههههههههههههههههههههههههها يا ديكور ؟

Last_Warrior كتب:: القعدة كلهههههههههههههههههههههههههها يا ديكور ؟

سلامى ، وتحياتى ، واحترامى كاملا شاملا

يعنى هسى الناس يقولو شنو ؟!!

يازول نزل الغناء الخاص فقط لانو الناس (ديلك) مامضمونين يقومو يشتكونا ساي ، ونحنا مافاضيين للكلام ده .

هعهعهع

لك الود (فى السيف صايد)

موضوع: رد: وداع اللمبي الأحد 18 أكتوبر 2009, 7:52 pm

التحية يا سيد وين إنت شوقتنا وزغت خليتنا ولا القصة شنو ؟ أصلو انت بتعمل في شنو؟ القعدة تقيلة ولا شنو؟؟
طلعت (عينا) عدييييييييييييييييييييييييييييييل كده !!!!

نحنا مع كلام اخونا last...... نطالب بى القعدة كاملة ماناقصة ولا .......... غنية

ياحبيبنا سلامات
انا مما دخلت المنتدى ده سامع بيك
انته وييييييييييييييين والقعدة وييييييييييييين ؟!!
ياخى تامة ناقصة نزلها لينا لانو اتعبتنا شدييييييييييييييييييييد
التقول انته مافاتح البوست ده
شكلك زول (تشاويق ساااااااااااااااااااااى)

نحن منتظرينك عشان نستمتع معاكم
بطل حركات

تحية طيبه

بعد إنقطاع غير مقصود ،،،، ولظروف العمل فقط ،،،،،، ولكن يا ديكور الجديد شديد جداً ،،، وموقعنا اصبح لوحة تسر الناظرين والله ما كدة يا ( حسين )

نرجع لحبيبنا ( اللمين ) وحبيبنا Last_Warrior كتب دردشة لزول تعرفنا عليه عن طريقة وفى بادى الامر ظننت بان ( اللمبى ) مجرد سودانى متمصرن ولكن !!!! عندما عاشرنا الرجل وجدنا فيه بصمة السودانى التى لا يغيرها الزمن وكان وكنا كأننا اولاد دفعة او قول اولاد ( حله ) ونسأل الله أن يوفقه فى ما يرنو إليه ،،،، وهذا النموزج ( اللمين ) لفت نظرى الى حال السودانين اللذبن تجبرهم الظروف للإقامة الدائمة فى ( الاغتراب ) ولا نستطيع أن نسمى ( مصر ) اغتراب للروابط الإجتماعية والدينية والجغرافية ،،، ولكن ،،، لدى إستفهامات كثيرة وكبيرة لعدم اهتمام الاسرة ( المغتربة ) سنوات وسنوات متواصلة لتعرفة الابناء بتفاصيل بلادهم من ناحية تاريخية وجغرافية وإجتماعية مما يجعل الابناء مجرد كأئنات بشرية لا هيه تتبع مباشرة للدولة التى يقيمون فيها ولا هم يعلمون عن بلدهم ما يعينهم على تعريف بلدهم ،،،، هذا الحديث يشمل حتى السودانين ( من اصول مزدوجه ) !!!! مجرد خاطرة

ولكم ودى

السلام يا شباب و اسف علي التاخير ( كالعادة )

و اخليكم مع الصور كدي في الاول

.
.
[img]

[/img]

[img] وداع اللمبي DSC00689

[/img]

[img] وداع اللمبي DSC00690

[/img][img][/img][img] وداع اللمبي DSC00691

[/img][img][/img][img] وداع اللمبي DSC00694

[/img][img][/img][img] وداع اللمبي DSC00695

[/img][img][/img][img] وداع اللمبي DSC00696

[/img][img][/img][img] وداع اللمبي DSC00697

[/img][img][/img][img] وداع اللمبي DSC00698

[/img][img][/img][img] وداع اللمبي DSC00699

[/img][img][/img][img] وداع اللمبي DSC00700

[/img][img][/img][img] وداع اللمبي DSC00701

[/img][img][/img][img] وداع اللمبي DSC00704-1

[/img][img][/img][img] وداع اللمبي DSC00705-1

[/img]

و الفديوهات السنة الجاية

دي بي مناسبة اني طوالي بتاخر

لا و الله ادوني بس كم ساعة كده

أنا زمان قتا ليكم
انو اللاست ووورير دا اذا وعد أوفى ... و ما خيب ظني ... ازيكم جميع ... و مشتاقين كتير و الله .. بس ظروفنا الأيام دي كايرو جداً و ما منعنا وصالكم الا الشديد القوي .. نرجو الصفح على أمل اللقيا قريباً ان شاء الله ...

مشرف عدد المساهمات : 357 تاريخ التسجيل : 05/08/2009

حلو شديد والله
فى انتظار الفيديوهات

سلامى ، وتحياتى ، واحترامى كاملا شاملا

لكن مبااااااااااااااااااااااالغة ... الصور طلعت جميلة وواضحة ... مشكور يازول ... على التعب والاهتمام ... شايف صورتك الخايف عليها ... منور

صبح صبح ياعم الحاج ... حبيبنا اللمبى |آخر قيافة .. والله وحشنا ... مع انه ماقعد معانا كتير لكن آثاره لازالت فى الوجدان ...

الصورة الاولى مقطع فيديو والباقى وين ومتين .. نحنا اصلو كده .. مابنريح البريحنا !! ..,

راجع ليك

لك الود (شاكرا)