طه سليمان قبل 16 سنه

السلام عليكم يا راقين انشاءلله كلكم مروقين و قاعدين عافيه ,, الليله جايب ليكم اولاد شمبات في المدرسه المتوسطه
سنه 1993 و ده اهداء خاص لي كل اعضاء المنتدي و علي رأسهم ديكور

[url=http://www.4shared.com/file/144063595/890d49d9/__online.html http://www.4shared.com/file/144063595/890d49d9/__online.html ] مصر المؤمنه[/url]

حيرت قلبي معاك

زيدني من دلك شويه

سلامى ، وتحياتى ، واحترامى كاملا شاملا

تسلم ياود المهدى والله غبت وجبت ، وطبعا الكلام ده كان بالظبط ايام طه سليمان فى فرقة بلدينا والدليل على كده انو ادى مدحة (مصر المؤمنة) ودى كنا بنغنيها فى الفرقة يعنى كانت (فرمالتنا) .
ياسلااااااااااااااااااااام يا ود المهدى وربنا يديك العافية .
تصدق لى واحد وسبعطاشر يوم بحنس فى (نيدو كات) عشان يرفع لينا الاغانى دى بى جاى كتوثيق لحركة طه الفنية واتخيلى المعلومات الصحيحة عندنا نحنا وما عند زول تانى بشهادة التاريخ .
بالمناسبة لازم اذكر اعضاء الفرقة المصاحبة عشان الناس تعرف انو شمبات (تلد وترضع وتربى) الفنان حتى يصل الى مبتغاه .

عازف المندلين : الجيلانى سليمان زين العابدين ابن الموسيقار والاستاذ (سليمان زين العابدين) وهو من الموسيقيين القدامى والمشهورين بعلاقتهم المتميزة مع فن الاطفال وله فرقة اناشيد واغانى للاطفال بدات من زمن بعيد والى الآن مستمرة ويعتبر الرعيل الاول للفرقة الآن من اعمدة المجتمع ويكفى ان احد البنات المغنيات فى الفرقة الآن بدرجة (بروفسير) وهى البروف (وردة شكرت الله) .
والجيلانى ايضا كان من المغنيين فى مجموعة اولاد البيت (الماسية) .
عازف الورغن : ايهاب النورانى وهو اخو عضو المنتدى (ود النورانى ومن الشباب المهتمين بالموسيقى منذ ذلك الزمن والى الآن عازف اورغن .
عازف العود : خليل عمر الخليل (خليل بيز) وهو الآن عازف بيز مميز جدا فى الفرقة لقومية وفرقة البلابل وفرقة حسن الصادق وله الحان ناجحة واعمال موسيقية رائعة .
عازف الايقاع : الزين سليمان زين العابدين (اخو الجيلانى) ، وهو الى الآن عزف ايقاع بفرقة الحبيب طه ويلعب على آلة (الدنب) الكونقا .
عازف الطبلة : امين حسب الرسول (الكلالى) وهو مغنى سابق باولاد البيت (الماسية) والآن مغنى بفرقة (عقد الجلاد)

ان شاء الله ما اكون نسيت زول والذاكرة اسعفتنى لانو فعلا الزمن طال

شكرا يا ود المهدى على الموضوع الرهيييييييييييييييييييييييب جدا الخلانى اجتر الذكريات الجميلة وذكرتنا الذى مضى .
تانى شكرا

لك الود (حنينا)

والله يا استاذ انته مفروض تفتخر بنفسك دي كلهم تربتك فنيا وكلهم ليك فضل عليهم لحدى يوم الليله والمميز انهم كلهم دفعه واهل وحله واحده (دى شمبات )

والله لكن مباااااااااااااااااااااااااالغة عديييييييييييييييييييل كده يعنى نحنا نفهم شنو ؟
طه سليمان ده بغنى من سنة 93 والله كبير عدييييييييييييييل كده طبعا انا قاصد كفنان وممكن يكون اكبر من فنانين كتار الآن فى الساحة
غايتو الصوت بالنسبة لى زول صغير ابداع والمخارج جميلة وواضحة والتطريب عالى الجودة واكتر حاجة لفتت انتباهى الزمن الايقاعى المميز عنده

الليله ياود المهدى اقتنعنا 80%

لو فى حاجات زى دى جيبولينا منها

فى العافية

زمن والله مابجي زيو تسلم يا ودالمهدي وشكرا يا ديكور علي التوضيح
والكلام ده الا زول عاصر الوقت ده عشان احس بقيمتو وطه سليمان موش بيغني من سنه93 تقريبا من مرحله الابتدائي وانا عاصرته الحته دي لان الفارق بينا كان 3سنه وكنا في نفس المدرسه الابتدائيه والمتوسطه حتي الثانوي العام من الاغاني اللاشتهر بيها علي قولك زدني من دلك شويه ومن الاناشيد او القصائدالدينيه اللهي النبي صلو علي صلوات الله عليه
ويا ديكور انشالله ربنا يححينا اناعندي فيديو قديم انشالله يتلقي لي طه مادحا كان في مولد بشندي زمنو اللكان في آل البيت في حضرة الشيخ النيل مدحه من شوقكم ذاب الفؤاد
لكم الود سلطانيا

سلامى ، وتحياتى ، واحترامى كاملا شاملا

ياود النورانى الظاهر علينا كبرنا وبقينا نحكى عن الزمن الفات والمديح والغناء وماشاء الله الشباب كبرو .
لكن بالله عليك الله شفت الخلق كانت كيف و (الاضنين) الطايرات والضعفة .............. والعجيب كمان الامين حسب الرسول بالطبلة ، طبعا مشاغلات شديدة معاه ولما قلنا ليه فى فيديو وانته مصور فيه (طبال) مع (الاستاذ طه سليمان) نكر الموضوع ده تماما لغاية ماجبنا ليه المقاطع دى فى تلفون ..... ايييييييييييييييييييييييك والله جنس برنامج وجنس ضحك ،،،، غايتو اليوم داك كملنا الضحك .
وبالمناسبة طه فى الفترة ديك كان بغنى معانا فى فرقة (بلدينا) انا والاخ محمود حسن القاسم والطيب خالد وعبد القادر مضوى (البرشلونى) ، لو بتتذكر الزمن داك .

ياحليل الزمن الجميل ويا حليل الغنا (البدون قروش) سااااااااااااااااااااااااكت بالفطرة واصلو نحنا فى شمبات مجبولين بالفنون !!
مشكور تانى وتالت ياود المهدى على الموضوع الخطيييييييييييييييييييييير ده

لكم الود (حنينا)

والله قتلتني بالضحك يا اخ ديكور لكن انا ما كبير للدرجه التوديني للزمن دالك Laughing

لكن والله انا رجعت لي زمن والله ما بجي تاني علي قولك زمن الغناء بدون قروش بعدين المجازفات في البروفات وتاما الاشكال والخلق علي قولك انسي ,والامين حسب الرسول معروف بحسو الفكاهي اتخيلت المنظر بتاعو وهو بينكر الحاصل والله شكلو فاتتني جلسات كتيرة يا ديكور تحياتي عليك الله يا ديكور لي الامين حسب الرسول والاخ خليل
لكن اقتراحي ليك يا ديكور تكون في جلسه اتلمو فيها الناس الفاتو دي كلها ويسجلو الاغاني دي من تاني بس ما تفوتني بيها انشالله كم شهر كده وبكون مع الناس
لكم مني الود

ما عارف اقول شنو ,, انا احسن لي ادخل استفيد بس واطلع لاكن انتو بالجد مقامكم عالي

مشرف عدد المساهمات : 357 تاريخ التسجيل : 05/08/2009

والله ماعارفه اقول شنو عجبنى شديد والله

سلامى ، وتحياتى ، واحترامى كاملا شاملا

ماعارف اقول شنو ؟!!

لكن ود المهدى وعاشقة شاردين من التعليق

ياخ قولو ايييييييييييييييييييى حاجة ..... ايييييييييييييييييييييييى حاجة ..... ان شاء الله ديكور فى الوقت داك كان صغير

لكم الود (عارف)

مشرف عدد المساهمات : 357 تاريخ التسجيل : 05/08/2009

ههههههههههه
انت وين اساسا...؟؟
السلطان ماتغير فيو شئ نفس الحركات .. صح

سلامى ، وتحياتى ، واحترامى كاملا شاملا

ماشفتينى يعنى ............... انا الماسك الكاميرا وبصور ......... وله آآآآآآآآآآآآآآآآآآآآآ صورتى ماظاهرة

هعهعهعهعهع

لك الود (مقرقا)

» صور طه سليمان
» الجاب طه سليمان هنا شنو؟؟؟؟؟؟
» الطفل المعجزه طه سليمان
» البوم طه سليمان بريدك
» الاستاذ محمد ديكور فى مؤتمر البوم الفنان طه سليمان [بريدك]