قليل من كثير

حبيبنا محمد شكرا علي اندفاعك القوي علي المنتدي ولسه بكره ياما تشوف ونشوف

تسلم ياحبيبنا ود المهدى على المرور

يا سلاااام كل يوم بتزيد فرحتي اني أحد أعضاء منتديات الاسطوره محمد ديكور[b]

سلام شباب
انا عاوز اسأل سؤال فى مقطع اخير فى الاغنية دى ما اتغنى وعاوز اعرف السبب والمقطع بيقول:
والملام بالحسرة ترجع والندم مابفيد معاها دنيا زى الساقية لافه لما نسعد حقو نتزكر شقاها
فى انتظار الرد...........[b][center]

تماما يا ود حمزة لكن حقوا تنزل واحدة واحدة عشان نقدر نقراها بتمعن ونسرح معاها
وتقبل مروري
اخوك .

سلامى ، وتحياتى ، واحترامى كاملا شاملا

من اجمل الاشياء ان يكون بجوارك اشخاص تحبهم ويبادلونك الاحساس بالاحساس وحقيقى يا اخوانا انا بستفيد من تعليقاتكم دى .
اما عن الاغانى الاتكلمتو عنها فانا والله ماعرفت ارد على منو !!!!
لانكم اتكلمتو عن كم اغنية وياريت لو نمسك واحده واحده

ياعاشقه اخترتى اغنية انا بحبها جدا (شينة منك) و (حلوة منك)

ومحمد حمزة جاب ليه كلام صاح وانا بعتبره انصاف لاخر بيت فى الغنية والبقول :

والملام بالحسره ترجع
والندم مابفيد معاها
دنيا زى الساقيه لافه
لما نسعد حقو نذكر شقاها

غايتو يا(بطه) كلامك قريييييييييييييب من الصاح ولو اتمعنتى اكتر حتلقى الاجابة على تساؤلاتك
اخيرا انا مع سنجاب فى اقتراحه
لكم الود ولنا عوده

والله يا استاذ سعدته جدن بفكرة الموقع وانشالله يكون رابط قوي ولي قدام انشالله
بالمناسبه في كتير من الاغاني مما اسمعا بعرف طوالي انو القلم الكتب الاغنيه بيكون استاذنا ديكور
انشالله نتابع معاك الجديد من هنا خصوصن الواحد في غربة بيحتاج للتواصل من هذا النوع
امجد النوراني

سلامى ، وتحياتى ، واحترامى كاملا شاملا

ود النوراني كتب:

والله يا استاذ سعدته جدن بفكرة الموقع وانشالله يكون رابط قوي ولي قدام انشالله
بالمناسبه في كتير من الاغاني مما اسمعا بعرف طوالي انو القلم الكتب الاغنيه بيكون استاذنا ديكور
انشالله نتابع معاك الجديد من هنا خصوصن الواحد في غربة بيحتاج للتواصل من هذا النوع
امجد النوراني

مرحبتين حباب الفنانين ، عين الحسود فيها عود والله انا لو عارف انو المنتدى بلملم (الناس القيافة) كان من زمااااااااان فكرت فيه لكن مافاتت حاجة نحنا جوه معاكم ، وحقيقى يا (ود النورانى) اسم على مسمى ومنور المنتدى بى طلتك دى .
(الشمار) حارقنى الكلمك منو وله فتيشك وراك الموضوع ده !!
عموما لى قدام
وانشاء الله تكون من المداومين والمشاركين واهو الهم واحد .

لك الود (منورا)

كل السلام والتحية لى كل الشباب الجميل والعقد الفريد والكلام الراقى والحس الوريف والتحية لى محمد ديكور الجميل وبالمناسبة يا ديكور انتا يا سيد شخصية قومية وفنان يعنى ما ملك نفسك انتا ملك الجميع واظنك عارف حاجة زى دى ليك كل الحب ولى كل الشباب الشمباتى الراقى
وحقيقة الزول سعيد بالانضمام للمنتدى والله يقدرنا على المساهمة مع عمالقة زيكم

آه يا زمن

من القصائد التى دخلت هواى من دون إزن

المقطع

أنا يا زمن عايش وحيد زى الغريب

فى لحظه كانت ممكن تكون قصيده تانيه بتكلم عن زول وحيد ما عندو اخوان ولا اخوات وفتح لقى نفسو براهو فى اربعه حيطان لا اشقاء ليلعب معهم وليمضوا رحلة الطفوله معا
وحيد وغريب يبحث عن من يكون اخا او اخت بعد ان كبر ولكنه لن يستطيع العوده بالزمن ليقضى ايام الطفوله مره اخرى
فيحاول ن لا يعيد الكرة مره اخرى مع ابنه

رايك شنو يا ديكور

صباح الورد القاعد تحتو وفارش عليك ضلو يا ديكور

تسلم والله

تخريمه :
ود النورانى ده ما اخو ايهاب النورانى العازف (ازول الجمييييييييل شديد داك ود شمبات )؟

رجعه للخط :
مراحب ود النورانى والدار دارك

الصباح الجميل لي الناس الحلوة
وصباح برائحه الورد للمزاجو عالييييي جدن وتقربين وصلته يا آخ مهيار انا امجد اخو ايهاب زي ما قلته وفرصه سعيده الواحد يتعرف عليك والخير والبركه في اللكانو السبب الله يجازيهم بالخير
لكم الود مني اهلي بمنتدي ديكور