مجموعة أولاد البيت الغنائية

مجموعة أولاد البيت الغنائية من المجموعات زائعة الصيت في وقتها
تكونت المجموعة من سته مغنيين من أولاد مدينة شمبات (الفنانه)
تغنت المجموعة بأغنيات جميلة وكانت من المجموعات المتميزة في ذلك الوقت
أدخلوا بي هنا وسجلوا لي دخول ونادوا المدير عشان نجي نتكلم عن المجموعة بإسهاب ويلا يا مصطفى نت والشباب العندو عمل للمجموعة ينزلو لينا عشان نسمع ونشوف وبعدين نقول راينا

لكم الود (مجتمعا) علي لسان المدير وبعد إذنه

ياسلام
اولاد البيت واغنية بغير عليك منك عمر الزهور سنك ... قالوا الولف كتال كاتلني بحنك
الاغنية من تاليف ديكورنا العزيز وهي صورت حال المجموعة لانه في فترة بسيطة استطاعت ان تؤسس لها قاعدة شبابية كبيرة جدا في ذلك الوقت واصبحت هي المسيطرة على سوق الكاسيت في ايام مجده وكان لتجانس وتكامل اصوات الفرق الاثر الاكبر في ذلك واختيارهم الرائع للكلمات والتوزيع الموسيقي للاغاني المختلفة

دي اغنية ابوي يا يابا
http://www.sudaneseonline.com/SudaneseMusic/music/AWLADALBAIT/AWLADALBAIT@sudaneseonline.mp3
لقيت لي اغاني كتيرة لكن منتظر موافقة مشرف المنتدى عشان انزلا

سلامات ود الهاشمي
شكرا يا جميل علي المشاركة الفاعلة
هل تصدق يا ود الهاشمي اني ما شفت ليهم ولا عمل
عليك الله لو عندك فديو كمان نزل لينا عشان نشوف ونسمع
وليس من رأي كمن سمع مش كده؟
تسلم كتيييييييير

مشكورة
للاسف مع اليوتيوب القفلوهو دة ماقادر اخش عشان افتش ليهم
لكن بحاول ان شاء الله

دي اغنية نسانا حبيبنا بالعود
http://www.mediafire.com/download.php?zdjimzjzkk2
واغنية الشاغلين فؤادي بالعود
http://www.mediafire.com/download.php?j31mjihumaw
جاري تحميل الباقيات

دي اغنية اجمل جارة بالاورغ
http://www.mediafire.com/download.php?jycmwmgyiig

واغنية الهجروك حبي
http://www.mediafire.com/download.php?jxdm4egthkg
**********************************************
بالنسبة للفيديو للاسف مالقيت اي حاجة في اليوتيوب وحسب انا ما متذكر انو مشاركاتهم كانت قليلة في التلفزيون الا من فيديو كليب واحد وحتى الفترة ديك كانت الناس ما اتطورت زي اسي والقنوات ماف الا تلفزيونا القومي فللاسف ظهروا في فترة لم يكن التوثيق فيها شيئا مهما الا من خلال الشرائط
دي صورة للفرقة
مجموعة أولاد البيت الغنائية Awlad-albit

يااااااااه والله يا الأولي وود الهاشمي رجعتونا لي زمن جميل لما كنا بنستمتع بالغناء الجماعي المميز
فعلا أولاد البيت كانت مجموعة غنائية متفردة مشكورين كتير علي البوست ومحتوياته

أفراد المجموعة المغنيين هم : الترتيب كما ظهروا في الصورة المرفقة
جيلاني سليمان زين العابدين (نجل العم سليمان زين العابدين عازف المندولين الشهير المتميز بأعماله للأطفال) ، صلاح يوسف خبير , محمود حسن القاسم (شقيق محمد ديكور شخصياً) ، طه سليمان ، محمد الخاتم (مغني سابق بمجموعة عقد الجلاد) ، الأمين حسب الرسول (مغني بمجموعة عقد الجلاد)
هؤلاء هم الأفراد المغنيين وللأسف ما بعرف العازفين كان نزلت أسمائهم
دا كل البقدر أفيدكم بيه حالياً وفي انتظار المزيد من الاعضاء

مشكورة يا ناتاليا
العازفين في بداية تكوين الفرقة على الاورغ كان العازف عبد العال ثم اتى القصاص و ايهاب النوراني اخ زميلنا ود النوراني وعلى الدنب مليجي والزين سليمان زين العابدين دة المتذكروا
قدر مافتشت لاغنية بغير عليك منك لشاعرنا ديكور بصوت الفرقة مالقيتا

ناتاليا وود الهاشمي لكم التحية
مشكورين علي المرور وعلي المعلومات الغالية
والله كونو اتنين من افراد المجموعة يغنو في مجموعة ليها وزن وتاريخ ذي مجموعة عقد الجلاد معناها كانت بتتميز بكوادر ممتازة . من المحزن ان لاتستمر مثل هذه الحالات الفنية .
كم من أغنيات الفنان (محمد ديكور تغنت بها المجموعة ولو في زول عارف يورينا أسماء الأعمال)
والشكر مقدماً

.

سلامى ، وتحياتى ، واحترامى كاملا شاملا

طوااااااااااااااالى انا متاسف على التاخير لكن يا اخوانا موضوع (المساسقة) ده صعب خلاص .. الله يكون فى عونا كلنا (آمين)
الموضوع خطير واثار اهتمامى تماما واهم حاجه فيه .. موضوع التوثيق لاولاد البيت لانهم فعلا استطاعو ان يكونوا (جمهور) عريض من الشباب آنذاك وكانت الاندهاشة فى اعمارهم الصغيرة مقارنة بالادآء المتميز جدا للاعمال الموسيقية بل انهم كانوا يستخدمون (الابعاد) الموسيقية بصورة تفوق اعمارهم الصغيرة .
عموما اولاد البيت يستحقون (التوثيق) التاريخى لبداياتهم واعمالهم الفنية والاسباب التى ادت لتوقفهم ، حتى يستفيد الآخرون من ذلك .
اولاد البيت مدرسة تخرج منها الكثيرون منهم طه سليمان ومحمد الخاتم وامين حسب الرسول ومحمد الفاتح و.............و...........و

اعجبنى كلام اخونا العزيز (ود الهاشمى) عن (بغير عليك منك ) وعن تفسير مفرداتها وكانها تصور حالة الفرقه واقرانها آنذاك . تفسير فنان جدا .

اتمنى تجاوب الناس مع الموضوع واثرائه بالنماذج والحوار .. ويا حبذا لو تمت استضافة بعضا منهم .
لنا عودة ان شاء الله

لكم الود (قديما )

اضافة ثرة منك يا مدير وياريت زي ماقلت نستضيف لينا عضو او عضوين ندردش معاهم
تحياتي واحترامي

االسلام عليكم
البوست عجبني جدا والمعلومات الفيه ماشاء الله
تاني الواحد ما يغيب لانو في حركة في المنتدي اليومين ديل
الشكر كله للشباب وإن شاء الله نحن معاكم من هنا ولي قدام
بس يا ود الهاشمي اللنكات ما اشتغلت عندي ما عارفه الحاصل شنو
بتقدر تعرف لي مالها؟؟؟؟

مشكورة وتاني البغيب بفوتو كتير
Smile

بحاول ليك في اللنكات لكن ح ارسل استفسرك من حاجات

السلام عليكم يا جماعه الليله جيتكم بي فن جديد حنطرح اسئلتنا علي أفراد المجموعة من خلال المنتدي وهم حيجاوبوها لينا عن طريق الهاتف يعني العندو أي سؤال لاي واحد من أفراد المجموعه ممكن ينزلو لينا هنا ونحن بنصل ونكتب الرد بلسان صاحبه ذي ما ورد ود نسبة لانو الناس مشغولة حتكون الإستضافة بالهاتف
ولكم الشكر جميعا ............

.

» شكرا اذاعة FM100 (اذاعة البيت السودانى)