مهيار محمد نجيب - يا حليوة

قلنا نفتتحه ليكم

مهيار محمد نجيب

يا حليوة

كلمات محمد نجيب محمد على

الحان مازن فائز

للتحميل mp3 أضغط على الرابط:

http://www.mediafire.com/?mmzgmzu1yvm

لمشاهده الكليب

https://www.youtube.com/watch?v=HLSPyX2TInI

سلامى ، وتحياتى ، واحترامى كاملا شاملا

كلمة رائع تبدو قليله على العمل ده ونحنا سعداء جدا بوجودك معانا وبدون شك انت زول فنان ابن الوز عوام .
حقيقى الكلمات قمة فى الشفافية والتى توضح مدى الاحساس الجميل عند الشاعر
وايضا الزول الاسمه : مازن فايز ده فناااااااااااااان
وحقيقى يامهيار اديتة بصوره رائعة وانا بفتكر انو الاغنية دى اكتملت فيها اضلاع الاغنية الناجحه والجديرة بالاستماع

الى الامام .........

تخريمة : اقترح ان نناقش هذا العمل ياشباب بصورة مستفيضة حتى تعم الفائدة وانا من جانبى حا اتصل بى ناس متخصصين واسمعهم وانقل ليكم الكلام بى حزافيره وطبعا يامهيار حتتحمل معانا كل الآرآء .
لكم كل الود

طبعا يا حبيبي مهيار الغنية معاي مبالغة ومافي اي كلام ربنا يزيد في ابداعك يا غالي تقبل مروري مصطفي نت ( العاشق الولهان )

أخونه مهيار انا و الله اصبحت معجب جدا بغنائك و ياريت ما تبخل علينا بالجديد

والله يا استاز مهيار مبالغة لكن والله
وفى انتظار المزيد والجديد
تقبل مرورى

عزيزي مهيار انا طبعا شهادتي فيك مجروحه بس كلي ثقه في المستمعين وفي ازواقهم وارائهم حول الاغنيه والاخراج الكامل وعاوزين المزيد انشاء الله

ولي قدام ....

مشرف عدد المساهمات : 357 تاريخ التسجيل : 05/08/2009

عن جد حليوه الغنيه
كلمات .. الحان .. موسيقى .. صوت .. تصوير
كلو كان ابداع
مشكور كتير ومنتظرين جديدك
والله يخليك لينا ولى زوجتك =]

الاستاذ محمد ديكور اولا اتشرف بإنضمامي لمنتداك الرائع واحب ان اعبر لك عن امتناني الكبير على تعلقيك الجميل حول اغنيه ياحليوه وتقبل مرورنا

حبيبنا مازن لا اتعدي حبيبنا ديكور في الترحيب بك ولكن حبااااااااااااااااااااااااااااااااااااااااااااااااااااااااااااااابك عشره في دار ديكور العامر ويا ديكور مازن ده من المبدعين الرائعين النشيطين جدا وله احساس مرهف جدا في الموسيقي والتلحين نتمني له التوفيق والتقدم
ولي قدام....

mazinko كتب:: الاستاذ محمد ديكور اولا اتشرف بإنضمامي لمنتداك الرائع واحب ان اعبر لك عن امتناني الكبير على تعلقيك الجميل حول اغنيه ياحليوه وتقبل مرورنا

والله يامازنكو مرحب بيك شدييييييييييييييييييييييد ونتمنى ان تكون معنا دائما وانت احد هؤلاء المبدعين
ولك كل الود

تسلم يا بو حميد وشكرا يادسوقي على تعليقك الجميل والراقي

السلام عليكم

اولا اود ان اشكر كل من صادف هذا البوست وما بخل علينا برأيه وتعبيره
من الاخ استازنا ديكور والعزيز مصطفى وود المهدى الغالى وحبيبنا محمد حمزه اخيرا ناس البيت
اخونا ود شمبات (دسوقي)

ترحيب خاص بصاحبي الوحيد (مازن فائز) mazinko
وهو الملحن الرئيسي لى

بالنسبه لأقتراح استازنا محمد ديكور انا اوافق عليه تماما
واحب ان اوضح اننى من الذين يقبلون النقد بصدر رحب جدا جدا فمنه استفيد
فلا تبخلو علينا بأرائكم واستشاراتكم ونصائحكم

ترقبوا قريبا جدا جدا فيدو كليب

بكره حترجع
كلمات : د. طلال دفع الله
الحان : مازن فائز

ما بستسلم رغم الجوله كسبتها إنت
وزى ما بدل قلبك حبي
أنا بى قلبي كمان بدلت
حترجع بكره
تكوس الريده الليها فقدت
بس من هسه بأكد ليك
حترجع بكره وبكره حترجع
ومهما فى جيتك لى بدرت
وإنو الجيت شان تسأل عنو
قلبي الرادك وليه هجرت
براك حتعرف انو سلاك
براك حتعرف انو سلاك
وإنك برضك إتأخرت
بكره حترجع وحترجع بكره
///////////////////////////////

العمل على هذا الكليب من لحن وتصوير واداء الاغنيه
اخذ حوالى 5 أشهر تحديدا
اود انا اوضح نحن الان فى مرحلة التصوير
فياليت
لو شاركتمونا ببعض الاراء والتصورات او السيناريوهات
ونفيد ونستفيد

تقبلو ودى واحتراماتى وكل أمانى

ابداع يا اخي مهيار ونحن في انتظار الجديد
ونتمي لك مزيدا من الابداع والتقدم انشاء الله
تقبل مروري
اخوك .

الاخ سنجاب
لك كل الود

سلامى ، وتحياتى ، واحترامى كاملا شاملا

كل الحروف اتلملمت لى دخلت الزول السمح
الكلو زوق وافراح وحن
وكل الخطاوى الفى السما وكل الخطوط صبحت ترن
رننننننننن رنننننننننننننن رن رن رن

(((((()))))) الو اهلا بالناس الحلوين فى دارهم
والله والله والله المنتدى ده بتاع الناس الحلوين فقط
وحصريا على الاحساس الجميل
وبعتذر من تاخير الترحيب لكن طولت ماخشيت بالشارع ده

مرحب بيك يا رائع (مكانك ومطرحك)

لك الود (مرحبا)

مشرف عدد المساهمات : 132 تاريخ التسجيل : 05/08/2009

الليله شايف النور ,, شايف الفرح نازل

والللللللللللللللللللللللللللللللللللللللله ابداااااااااااع انتو وين من زمان ,, انا زعلانه من نفسى شدييييييييد انو ما سمعت الجمال دا من زمان

طبعا انا ما قادره اعبر عديييييل ( ألحقنى يا ديكور دايره درس العصر )

كل البقدر اقولو انو ربنا يخليك يا ديكور لأنو لولاك ما كنت سمعتا الحاجات العجيبه دى

من الليله انتو ناسى و فنانى المفضل الجديد هو انت يا أستاذ مهيار

سؤال : اسمع باقى أغانيك من وين ؟؟

ba6a79

تحياتى ولك كل الاحترامات اقدمها عرفانا وتقديرا لكل ما عبرت عنه احرفك حرفا حرفا

ولك احترامى مره اخى لاعجابك بالعمل يا حليوة

وبالنسبه لى باقى الاغانى

برسله ليك كلها

وممكن تلقي فى اليوتيوب
اكتبي مهيار

وعموما كل الاعمال الجديده انشاء الله اول مكان حتنزل هنا فى المنتدى

مشرف عدد المساهمات : 132 تاريخ التسجيل : 05/08/2009

تسلم شدييييييييد يا أستاذ و يا فنان

انا فعلا فتحت يوتوب أمبارح و لقيت كذا غنيه و كلهم مبااااااالغه و شدتنى ( باكى فيك )

و تكون ما قصرت لو رسلت لى و نزلت جديدك هنا عشان نستمتع بيو كلنا

ربنا يخليك و يحفظ ( الحنجره ) الفيك

سلامى ، وتحياتى ، واحترامى كاملا شاملا

حقيقى يا(بطه) حبيبنا مهيار فنان جدا ونحنا سعيدين انو معانا بى جاى ودايرين المنتدى يسخن حبة كده ونبدا فى مناقشة اعماله الغنائية والموسيقية حتى تعم الفائدة الجميع (هو ونحن ايضا) فالساحة النقدية تعج ب(الضفاضع ) الاسترزاقية وودنا لو نصنع من انفسنا (نقادا) يعينوننا على الطريق ويقوموننا ان اخطانا حيث لايستقيم الامر الا اذا كان هنالك من يقول كلمتة والتى تختلف عن كلمتنا وفى ذلك صحة للاعمال التى تقدم .

لكم الود

الاستاذ محمد ديكور لك مننا كل الود والاحترام وعجبني كلامك ودفاعك عن الغناء الشبابي في برنامج في هارموني ماعارف اسمو شنو وفعلا النقد البناء هو الدافع الاول لنا وطريق النجاح فكل ما انتقدو الزول زاد نجاحو وعلى قول المثل (( الما بطول العنب بحدفوا بالطوب)) Smile

سلامى ، وتحياتى ، واحترامى كاملا شاملا

اهلا بيك يا (مازنكو) والمنتدى اتشرف بيك وانشاء الله ربنا يديم الود والمحبة بين الناس واكفينا شر الملة (المايلة) والتى تعتمد فى حياتها على الفنانين من الشباب وقذفهم والتشهير بهم

بنرحب بيك مرة تانيه ورمضان كريم وراجعين ليك

لكم الود

الاستاذ محمد ديكور ما هي رؤيتك الشخصيه من منظور موسيقي لأغنيه ياحليوه اكيد هي كانت اول عمل خاص لينا يعني ارائك عايزين نعرفها شنو الناقص كان شنو الزايد عشان نقدر نعمل شي احسن لقدام عشان ما نقيف في محطه واحده لك الود

سلامى ، وتحياتى ، واحترامى كاملا شاملا

حبيبنا mazinko : يا اخوى انا زول ربنا ادانى بعض من فنون الكتابة والتلحين (بعضا من) ولا اتخيل اننى اقيم عمل لفنان او شاعر او ملحن من ابناء هذا الجيل ولكنى ادلى برايى دائما سلبا او ايجابا واعتبر ان هذا يصب فى مصلحة العمل وصاحبه .
اتمنى ان تنظر للموضوع من هذا الاتجاه حتى اكون منصفا ، ولكن انا على وعدى بالاستعانة بالمتخصصين والذين يمكن ان نستفيد منهم انا وانت ومهيار وغيرنا من الشباب ، وانا على وعدى فانتظر .
سوف اعود للعمل بالتفصيل

لك الود وآسف على التاخير

و الله ما علي الا اقول انو الاغنية جد روووعة و انو مهيار و مازن جد جد ابدعووو فيها و جد كان عمل جميل جدا منهم و انا اصحبت و من زمان كنت معجبة بي اغنية يا حليوة ومهيار و مازن و الي الامام دوما Smile

التحايا عزيزي مهيار شاهدت الكليب اليوم فقط (آسفه علي التأخير ) لكن جد إنبهرت بروعة الصوت والأداء الراقي والموسيقي الجميلة عمل جميل مافي كلام ومن أجمل الأعمال الموجودة في الساحة هذه الأيام ...... مريحة جداً للأعصاب كلمات فنانه.... سمعتها مرة واحدة لكن لما أسمعها تاني حتكون لي عودة بتفصيل أكتر ونظرة أكثر عمقاً...
دمت سيدى لتنقي فضاءنا الذي يعج بكل ماهو قبيح.
شكراً علي اللوحة الجميلة

» مهيار محمد نجيب - إنت ما سعيد ..شقي!
» مهيار محمد نجيب - أدينى ضي
» مهيار محمد نجيب - أشكو ليك يا ربي
» مهيار محمد نجيب - باكى فيك
» مهيار محمد نجيب - مدينة العشاق