رحبوا معى بالمراقب العام (وقيع الله)

سلامى ، وتحياتى ، واحترامى كاملا شاملا

هو شخص عرفتة (بالفطره) فهو ابن الحلة واخى الاصغر (حسين النور وقيع الله) تربينا على مائدة واحده لذلك اقتربت الافكار كثيرا وتقاربت وجهات النظر .
احسب انه نعم الاخ والصديق وزد على ذلك هو رجل متبحر فى مجالات (الكومبيوتر) يعرف ماذا يفعل وبالتاكيد يعتبر اضافة كبرى لهذا المنتدى .
اتمنى ان نتقبله مراقبا ونتمنى له طول العمر فمن راقب الناس مات هما Laughing

.
بالمناسبة نحن لانتفق كلية فى وجهات النظر لذلك اتوقع ان تكون هنالك نقاشات (من نار) ونحن لها فى الانتظار اخى حسين .
تخريمة : حقو تجيب باقى الشله عشان تولع واخص (رانى عوض) لانو بعد شوية حناقش (عوض دكام) affraid

مرة اخرى ارحب بك فى دارك

لى قدام

لكم الود (مولعا)

مرحب بيهو الله

اسي جيب ليك كبريتة وبتجاز والله اولع ليك حنانو
اصبر لي بس خليني استقر انتو استقر كدا ولا كدا استغر انسو الفكرة
المهم انتظروني قريبا علي منتديات العملاق محمد ديكور

ونرحب تاني بي حبيبنا وقع الله

مرحبا بك مراقبنا الجميل نتمني انو ما نتعبك و نقدر نفيد و نستفيد
أخوك ودالمهدي

عزيزي الرائع دوما حسين النور ود الحله الابي (الابي دي حلوه مش كده هاهاهاها) والله شرف عظيم ان تكون المراقب العام للمنتدي فانت وديكور كما قالت الرائعه ندي القلعه (عزاز علينا) وبالحيل عزاز الف مرحب بيك واكبر تحيه لشخصك الرائع.....
ولي قدام......

مشرف عدد المساهمات : 357 تاريخ التسجيل : 05/08/2009

اهلا اهلا سيد الحلا
اهلا بى الذايد غلا
مبروك عليك المراقب
ونحن ع ثقه انك اهل لها ... واحق بيها

مرحب مرحب حبابك الف مع انها جات متاخرة ياحبيبنا لكن نرجو منك ان تعزرنا على التاخير نسبة للظروف القاهرة

تحية طيبة

مرحب حباب ود وقيع الله المراقب العام Shocked

طيب انا المزعلنى شنو والناس يا دوب بترحب بالمراقب يعنى كلمنا الفات كلوا ما مراقب ( والله فرصه وطارت ) عموماً إختيار صادف اهلة ونحن البرشلونين ( اقصد الشمباته ) البنمسكوا كلوا بنجضوا ( علم ، كورة ، فن ، كلوا كلوا ) والله شنو يا حسين ,

ولكم ودى

سلامى ، وتحياتى ، واحترامى كاملا شاملا

شكرا على المرور والترحيب يا ود المهدى - ودشمبات - عاشقة السلطان - ومحمد حمزة - والبرشلونى .
ويالبرشلونى المنتدى ده يادوب الناس داخلة علية ، يعنى شهر ماتم ، روق المنقة شوية وبطل شلاقتك الماداير تخليها دى !!

لكم الود (راسيا)

مشرف عدد المساهمات : 132 تاريخ التسجيل : 05/08/2009

سلامى و تحياتى و احترامى شاملا كاملا

اول مراقبة ليك ( انى حراميه هع هع هع )

لاكين حسيت انو الجمله دى دا مكانها المناسب لو حبيت اسرقها

الف الف الف مبروك cheers

ربنا يديك طولة العمر و الصحه و العافيه ياااااااااااااااارب

سلامى ، وتحياتى ، واحترامى كاملا شاملا

شكرا للكل على المرور وتاكدوا ان المراقب زول جميل لابعد درجة ولسة عندنا معاه جولات ساخنة انشاء الله
اتمنى ان يزدهر المنتدى معه اكثر واكثر

لكم الود

[size=18[color=green]]تحية طيبه

المدير العام كتب ،،،

ويالبرشلونى المنتدى ده يادوب الناس داخلة علية ، يعنى شهر ماتم ، روق المنقة شوية وبطل شلاقتك الماداير تخليها دى !!

الشلاقه وين يا مدير ،،،، وبعدين انت من زمان بتحب تكون الالفة فى الفصل ( تذكر لما انتو فى خامس ونحنا فى الصف الثانى مدرسه شمبات الشمالية ، جابوك لينا الالفة منتدب لما انا اتعلمتا اصول الالفا وبعدين رجعتا فصلك يعنى الله يعنا مع مدير حاضر البديهة وداهيا بس شلاقتى لزيزه ( صاح ) يا كبير .

وبعدين المرقب ده حكايتو شنو الناس تشيل وترحب وما شغال بيهم وحسب علمى انو ( وقيع الله ) بمارس فى عملوا فى المنتداء عادى وشايف شغلوا كويس من ( الهكر ) والله كيف يا حسين .

لكم ودى[/color[/size]]

الغالي ( البار شالوني ) ...
ديكور يا مدير ... بشير عبد المنعم ، مصطفى نت ، ود المهدي ، ود حمزة ، ود شمبات - يا بعيد - ليك شوق يا غالي ، عاشقة و بطة ....
كل الود لكم مني ... و أسأل الله أن يجعلني خيراً مما تظنون و أن يغفر لي كثيراً مما يعلم و لا تعلمون ...

Cool

أما مسألة عدم الرد ديا يا بار- شالوني فدي علشان الناس يكون عندها براح و أقدر ألما لي كم تعليق مع بعض ... و كدا يعني ... lol!

و بعدين قصة الألفة المنتدب دي مجنونة جن lol!

قوية و الله ... قوية

ما قتا لي ... الصورة طلعت كيف ؟ انشالا عجبتك ؟

تحية طيبة
يا سلام يا ( اصلى ) برشلتونا برشلة تمام اديك العافية وبعدين راقب كويس عشان ما نحصل منتديات امات طه ،،،، هو امات طه الحصل لهن شنو ،،،،،
ولكم ودى

سلامى ، وتحياتى ، واحترامى كاملا شاملا

يعنى يالبرشلونى اقتنعنا بى قصة الالفة دى لكن قصة جابونى ليكم من سنة خامسة وانتو فى سنة تانية دى كتييييييييييييرة وحقو تقسمة على قسمين يمكن (تنبلع) فى رمضان ده مع العصيده وله شنو ياعمنا (وقيع الله)
الله ماوقعك مع زول قصير ولسانة طويل واكبر منك بى ستة سنين (آمين)

تخريمة: الغريبة انى قريت مرحلة (الاساس) انته من زمن (الابتدائى)

لكم الود

تحية طيبه

اخى ( ديكور ) صاحب البوست ،،،، المراقب ( وقيع الله ) قلنا نخلى البوست ده شئ جميل ونبداء يا ديكور الونسه من زمن ( بلدينا ) هذه الفرقة بحساب الورقة والقلم ثانى فرقة بعد عقد الجلاد كان لها وجود بين طلاب الجامعات بكل منسباتهم التى كان فى ذلك الزمان الجميل عبارة عن منتداء ضخم يعج بضروب من الفنون مسرح ،، وشعر ،،، وإلقاء ،،، وطرب ويا لها من بداية كانا دائماً نبداء حفلنا بالتحفة ( نظرة يا السمحه أم عجن ) والله شنو يا حسين . فاصل ونواصل .

تخريمة والله يا ود حاجة زبيدة المراقب ( وقيع الله ) ينزليك صورتى هنا اى يزول حيشوف فرق العمر ( يا كبيييييييييييييييييير ) ياخى صلعة ساكت فرق خمسه سنوات ،، والله شنو يا حسين .

ولكم ودى

سلامى ، وتحياتى ، واحترامى كاملا شاملا

مااحلى الونسات ، خاصة بايام زمان

فرقة (بلدينا) يا اخوانا للتاريخ معلومة البرشلونى صحيحة مية فى المية فقط اعيب عليها عدم الاستمرارية وارجع ذلك ربما لصغر سننا فى ذلك الزم وعدم توفر المناخ اللازم وعدم توفر الزمن لممارسة الغناء حيث كنا جميعا (طلاب مدارس) وللمعلومية المغنيين فى الفرقة هم
طه سليمان
عبد القادر مضوى (البرشلونى)
محمود حسن القاسم (معتزل)
الطيب خالد (من ابناء مدينة شمبات)
محمد حسن القاسم (ديكور)

سوف نواصل

تخريمة كالمعتاد:- يعنى لو الكبر بالصلعة ود الامين ده مفروض يكون ابو الحقيبة زاتة
لكم الود (خنفسا)

تحيه طيبه

سلامى واحترامى للجميع ،،، بالمناسبة فرقة بلدينا تأسست تقريباً فى العام 89 من المناسبات الضخمة التى شاركنا فيها أحتفالات جامعة امدرمان الاهلية لما كان موقعها جوار الاذاعة السودانية واَل المهدى ،،،،، وذكر كان الحفل بمسرح الفنون الشعبية ( هل موجود الان ؟ ) ولذلك احتفال رابطة ابناء شمبات بجامعة الخرطوم ( نادى شمبات الرياضى ) وكنا نصرف على بروفات الفرقة من جيبنا الخاص مناصفة بينننا نحن كبار الفرقة ( شخصى وديكور ولاحقاً السر ( الضب ) وياسر ( كلوف ) وصرحتاً كان محمود حسن القاسم وطه سليمان عبارة عن كمنجات بشرية ،،،

وهنا ذكريات خاصة ولكن لا ضير البيت بيتنا والاولاد اولادنا ،،، اذكر بحكم انو طه منزلهم خلف منزلنا مباشرة وهو صغير فى العمر ( وحاج سليمان ) صعب شوية ،، فى قصه السهر والحفلات ووالولد صغير ،،،،، كان محمد حسن القاسم ( ديكور ) عامل تغطيه للولد طه ( من نط حيط وبعض الحنك مع عم سليمان حماد ) المهم كنا عارفيين دايرين شنو وهنا لا بد من ذكر شخصية شمباتيه رايعة ( الرشيد الحاج ) للعلم بان الرشيد الوحيد الذى يملك تسجيل فديو لفرقة بلدينا وحقيقة فى ذلك الزمن الجميل كانت المعينات نادرة جداً ولكن بشهادة كل من استمع الى بلدينا كنا مبدعين وخرج من بيننا مبدعين ولا شك الشاعر المغنى الملحن ( محمد ود زبيدة بت الطاهر حاج ابراهيم ل) وطه سليمان ،،،، ولنا عودة

ولكم ود

مشرف عدد المساهمات : 357 تاريخ التسجيل : 05/08/2009

فى انتظاركم
لكن بالغتو كان يكون فى بوست غير لانو كده حيفوت ع الكتير

» رحبوا معي بالعضو الجديد أنس شنا
» رحبوا معى باخى وصديقى وحبيبى وزميلى (بلة كومانشى)
» محبة الله لعباده
» الخمسة الذين خلقهم الله من دون ام ولا اب
» السلام عليكم ورحمة الله