عدد المساهمات : 4 تاريخ التسجيل : 10/08/2009 العمر : 38 الموقع : shambat
موضوع: خستكات برلوم الإثنين 10 أغسطس 2009, 7:38 pm
ذات مرة يوم وانا بدرى طالع من علوم بالظبط زى وكت الضهر والجو مستف بالسموم نار والجمر زى التقول يوم القيامة خلاص بدا والشمس أقرب من شبر والزحمة فى (سوق العرب) والمشية زاتا مجابدا الشى المهم.... ربك أراد وصلت عند الحافلة ديك وبقيت خلاص فى مقعدا قعدت على طرفى الشمال بت فى الجمال ماشفتا زيها لا مثال بت بس كدا وانا زول مفتح الى بس نفسى اتملت بالكبكبا ما اصلى اصلاً ما رأيت زى ما لقيت والشفتوا دا لملمتا نفسى على عجل وانا درتا فيها أخش شمال لكنو كيف والقول رحل أخر المقال قت ليها يا خى الساعة كم؟ سكتت وتانى الساعة كم؟ وسكتت وياختى الساعة كم؟ رفعت عيونا وعاينت وبدن نضم لى أشرت فى الحافلة فى داخل القبين الساعة كانت دووووووووووووووووورت وفهمتا بالمعنى الصريح حنكك قدييييييييييييييم ما بنهضم !!!
محمدحمزة عضو مميز
عدد المساهمات : 141 تاريخ التسجيل : 03/08/2009
موضوع: رد: خستكات برلوم الثلاثاء 11 أغسطس 2009, 12:09 am
والله يا جريفاوى قصيدتك سمحة لكن بالجد حنكك كان قديم ههههههههه
برلوم امش برلوم تعال فى الجامعة سبقوك الرجال كم خلطو ربات الجمال ماعرسوا بل ترسوا الزام وطن اتحسسوا من السليت اتجرسوا
برلومة انتى تعالى جاى سنير كبير بتجكسى برلوم صغير بتجرسى وتجى فى النهاية تعرسى
ما نحنا اصلو رسولنا قال: تنكح لاربعة نساء لمالها حسب لها وجمال ولدينها فاظفر بها عنك الهموم تزال يا ايها الاتى لتخدعنا شتات فنحن الان فى شمبات فلن ننخدع ولا حتى مرة ولا حصل ضقناها شرة
محمد ديكور المدير العام
عدد المساهمات : 379 تاريخ التسجيل : 03/08/2009
موضوع: رد: خستكات برلوم الثلاثاء 11 أغسطس 2009, 10:29 pm
سلامى ، وتحياتى ، واحترامى كاملا شاملا
طبعا (يادوب) عرفتك يا ود الجريفاوى وزادت سعادتى لذلك واهلا بك فى دارك وياريت لو فتحت لينا (بوست) جديد باسمك عشان نناقش تجربتك فى مجالات الفنون المختلفة حيث ان ذلك يشرفنا كثيرا مرحب بيك والنص ده طبعا انا سمعتو قبل كده وانت عارف انو عاجبنى شديد لانو يشتمل على المفرده البسيطه و(العاديه) المعبرة عن واقع الحال بوضوح الحقيقة دون تزييف او تنميق شكرا يا ود الشمباته
amoona عضو جديد
عدد المساهمات : 9 تاريخ التسجيل : 08/09/2009
موضوع: رد: خستكات برلوم الأربعاء 09 سبتمبر 2009, 5:21 am
والله ياود الجريفاوي بالغت لمن بهناك يعني انت من زمن الساعه كم .... وسك سك .... والله اسه لمن الغبار قام.... لكن القصيده جميله بس بطل الكبكبه وخليك تقييييييييييييييل
الاولى عضو مميز جداً
عدد المساهمات : 230 تاريخ التسجيل : 04/08/2009 العمر : 45 الموقع : الخرطوم
موضوع: رد: خستكات برلوم الأربعاء 09 سبتمبر 2009, 9:04 pm
التحايا والله ياود الجريفاوي لو كانت القصيدة دي بتاعتك تكون زول فنان (معليش ياسيدي طبعا المابعرفك بجهلك) وما مكتوب عليها بتاعت منو المهم عجبتني شديد وهي دليل علي موهبه كاتبها
لك التحايا وتقبلوا مروري
ba6a79 مشرف
عدد المساهمات : 132 تاريخ التسجيل : 05/08/2009
موضوع: رد: خستكات برلوم الأربعاء 09 سبتمبر 2009, 10:12 pm
التقله صنعه هههههههه
والله القصيده حلوه شديييييييييد و سهلة الهضم ( رمضان بعاين ليييييينا هع هع هع ) قريبة من القلب
والشمس أقرب من شبر والزحمة فى (سوق العرب) والمشية زاتا مجابدا
دى احلى حته عجبتنى عشان حقيقه ملموسه و بنمر بيها كل يوم (الله يعين )
تسلم كتييييييييير و لك الود (مجابدا )
السلـ عاشقة ـطان مشرف
عدد المساهمات : 357 تاريخ التسجيل : 05/08/2009
موضوع: رد: خستكات برلوم الأربعاء 23 سبتمبر 2009, 12:33 am
رهيبه وخفيفه تسلم والله بس القبين ده شنو...؟؟ معليش بس العربى لستكو نايم
الإثنين 10 أغسطس 2009, 7:38 pm
!!!
