ادعوكم للترحيب بالاخ خالد الوزير

سلامى ، وتحياتى ، واحترامى كاملا شاملا

كما وعدنا اوفى بوعده لنا بالدخول والمشاركة فى نقاشات الدائرة ولا اقصد بذلك فقط موضوع (حلقة هارمونى) وذلك لان خالد اخ وحبيب وصديق ويحمل من الافكار ماجعلنا نقدم له الدعوة للانضمام لنا

اهلا بيك ياخالد بيتك ومطرحك

لك الود

او خلودي العسل ارحب بيك وبي كل ناس مانقو96 حبابك عشرة يامان بالجد منور والله تقبل مروري مصطفي نت

مرحبتين ... معاليك ...
ونساتنا بيك عمرانة

مشرف عدد المساهمات : 132 تاريخ التسجيل : 05/08/2009

اهلا سيد الغلا
اهلا بالزايد غلا

الف اهلين و مرحبتين ,, شرقتنا و نورتنا

مرحبتين اخونا وحبيبنا خالد
سعيدين جدا بإنضمامك لينا
وده مكسب كبيرللمنتدى يا ود الوزير
ابقى داخل والمنتدى منتداك
وحبابك الف

يا محمد ديكور الزول دا داير يتعزز ولا شنو ود الوزير وين انت مسحراتي بس ولاشنو منتظرنك ياغالي

لالالالالالالالالا اصلو ماممكن كلوكلو
والله اضافة حقيقية للمنتدى
الف الف الف الف الف الف مرحب بيك يا استازنا (المسحراتى)
ومنتظرنك ياخى ماتطول علينا

مشرف عدد المساهمات : 357 تاريخ التسجيل : 05/08/2009

مرحب بيك
شرفتا دارك
فى انتظار روايعك .. ومشاركاتك
واسعدتنا كتير بى تلبية الدعوه
كنا منتظرنها من زمان

سلام يا شباب وشكرا جزيلا على انكم اديتونى فرصة انى اكون معاكم وزمان بيقولوا القدم ليه رافع لكن حسى مع الزحمه بقى النت ذاته ليه رافع.
بالمناسبه واحده من مشاركاتى الحتكون حاضره هى نوادر وطرايف الاستاذ ديكور وطبعا ديكور ده دايما ما محظوظ معانا وبيقع فى يدنا .. حنعمل ليه احتفال خاص وتوثيقى فى المنتدى بس ترقبونا

سلامى ، وتحياتى ، واحترامى كاملا شاملا

الحبيب خالد ابوبكر اهلا بيك يارائع فى منتداك ومرحب بقدوم السعد علينا ، والله افرحتنا واسعدتنا بالطلة .

طولت .. وقلنا خلاص ماجايينا
لكن ميعادك يا مسكون لوح لينا
وطلت عينيك ياسيد الناس فى وداينا
وكان جيتنا سريع لو عارف كيف غالى علينا

حبابك يا ود الوزير وحباب جيتك ولى قدام نلقاك حايم ونشوف مشاركاتك .

تخريمة :- انتو حكاتكم دى اصلو مابتخلوها كلو كلو ............ شنو طرايف ديكور وحنوثق مع بعض ،،، غايتو جنس حركات !!!

لك الود (ساعة نعم)

سلامى ، وتحياتى ، واحترامى كاملا شاملا

عدم العروض جفا ، نسيتنا بى طلتك الحلوة نديك البارد

ادعوكم للترحيب بالاخ خالد الوزير Oooooo13

ياسلاااااااااااااااااام مرحبتين يا سيد خالد في دارك ومطرحك سمعنا بي تسجيلك من زمان لكن ما شفنا حاجه لسه علي العموم انت اضافة حقيقية لينا وأتمني ما تبخل علينا بي وقتك مقدرين انك اعلامي من الشباب المعروفين و كاتب أغاني لكن نعمل شنو نحن طماعييييييييين ودايرين نستمتع بي وجودك معانا.....

لك التحية
تخريمة: والله المدير دا باردو دا مابديه لاي زول أبسط ياعم

يا ديكور حكاية المدير العام دى عندها ضريبه لازم تدفعها وحكاية تدينى البارد وتجينى المسا تقول لى انا مفروض تردو لى دى حركه ما جميله منك وعلى العموم شكرا على البارد والكلام الجميل وانا حاقول ليك :-

يا حليلو قلبى الضاع
فى ريده منسيه...
سهران بيناجى الليل
وحارس الصباحيه...
راجيك مشحتف فيك
كان تتلفت ليا...
وانا حالتى ما بتسر
وبس خليها بالنيه...

يا خالد انته قلت لينا بجيب ليكم (طرائف ديكور) ونحنا منتظرينك ، ما تخش وتتونس لينا معاه ساى ، نحنا دايرين المفيييييييييييييييد .
وحقو تبدا لينا عشان نتونس معاكم !!
يعنى انتو بتتلاقو طواااااااااااااالى ونحنا ماقاعدين معاكم حقو تدونا فرصة شوية

انشاء الله بارد المدير يكون عجبك

ياود الوزير مرحبتين بحضورك الانيق ، وسلامات ياحبيبنا ، منتظرينك لينا زمن ، طولت الغيبة .

شنو مالك داير تبقى لينا زى الباقين ، كلام معسول مع السيد المدير .
يا اخوى نحنا دايرين نخش على الغريق .
ابقى داخل لى جوة ونحنا جاهزين

جيتنى فى زمن الوجع

زدت الوجع

فى العافية

سلامى ، وتحياتى ، واحترامى كاملا شاملا

هوووووووووووى ياجماعة مالكم دايرين تسخنوها من هسه .

خلو الزول ياخد نفسو شوية .

هو متين جاء عشان (تدردقو) للكلام .

انتو بس عايزين ليكم موضوع سااااااااااااااكت ياحريف دنيا ويا ناتاليا .

اول مرة اعرفك بتاعة مشاكل يا ناتاليا وفتيح مواضيع !!

غايتو الله يلزمنا الصبر بعد مادخل معاكم خالد الوزير .

الله يستر !!!!!!!

تخريمة : والله ناقصة (لاست ورير) .

لكم الود (مترقبا)

هو متين جا يا مدير هو جا من زماااااااااااااااااااان لكن متقل علينا وماداير يشاركنا بي أخوي واخوك لكن برضو منتظرين نسوي شنو؟؟؟؟؟

يا خلود
قلتلي جاك بالليل وقال ليك رد لي
هههههههههه
هو اصلا من زمان دي حركاتو بيتفق مع طه ويدسو موبايلك ويشبكوك الموبايل اتسرق
وكل يوم يحنكنا ويخلينا نجيب الفطاير من الهنا هو والزين
والله يا خالد ليك وحشة يا قلب

طبعاً السيد المدير حاول بطرق عديده انه يمسك علينا حاجات وعشان كده طوالى بيكون فى حالة مركز معانا وقاعد لينا على الغلطه ولو لقى فيك فرصه بيبقى سجمك وانا عشان ما اكون بتاع لف ودوران لازم اوضح ليكم انه انا راجى الفرصه البتخلينى احكى نوادر ومواقف السيد ديكور لكن برضو لانه انا راجل حقانى حاديه من كل قصه طرف الخيط وحاخليه يحكى براه ولو حكى القصه زى ما حصلت يكون خير وبركه لكن لو زور الحقايق اعتقد بانه ممكن يتم استدعاء الشهود فى حالة نكرانه وشاهدنا طبعاً الاول ياجماعه هو طه سليمان ولو قدرتوا تقنعوا الاستاذ طه بانه يحكى ليكم نوادر وحكاوى ديكور والله الا ديكور غايتو كمل مصنع التلج والبارد الخاتيه عنده فى المنتدى ده... ترقبوا اولى الحلقات ولو بتحبونا انتظرونا على راى الجعجاع الاكبر المتشولق هيثم الصادق ( كابو سابقاً)

سلامى ، وتحياتى ، واحترامى كاملا شاملا

خلاص ياخالد اتلميتو انته والسكى ؟!!

غايتو الله يكون فى العون لانو بعد شوية الشغلانه حتدور دويرة شديدة والنشوفكم بتقدرو على (ما اظنكم) ،
لكن ببشر الجماعة القاعدين معانا هنا بمواضيع من العيار الثقيل !!
عن خالد وSUDAMIX وطه و.......و........الخ ) .... بس انتو ادخلو علينا وابدو الموضوع زى ماقال خالد وانا بتمو .
انا غايتو لو خيرونى بقول نبدا من القاهرة وايام (الفيديو كليب ) الاول (عايز اعيش) ونعرج على (شارع الدول ) بقاهرة المعز ، وقصة طه الجايى من السودان وقاطع المسافة دى كلها عشان يعمل فيديو كليب .

يا SUDAMIX الفطيرة من الهناء بالمناسبة وصلت (خخمسسطاشر الفف دولار) تصدق !!

هعهعهعهعهعهعهعهع هع هع كخخخخخخخخ

لكم الود (مقهقها)

##والله يا استاذ ديكور بالغته معقوله نجمنا (( خالد الوزير )) معانا وما تكلمني
شـــــــــــــــــينه منك يا نجم

## الف مرح بحبابك استاذنا خالد الوزير ,, و نحنا منتظرين نستفيد منك ,, ومن
إبداعاتك وربنا يقدرك علي ترضيتنا
[i]

مشرف عدد المساهمات : 357 تاريخ التسجيل : 05/08/2009

هى سلام الله عليكم
والله الموضوع ده بدا يعتت من كتر ماخليتو
فتعالو طوالى ابدو لينا بى التقيل
وانا حارساكم
ومادام قعته ليكم هنا
حااجهجهكم لو ماجيتونى
وانا ع كلامى .....

مشرف عدد المساهمات : 357 تاريخ التسجيل : 05/08/2009

لا حول لله دا جنسو شنو
بالغتو وشذتو
انا ذاتى خلاص مارقه من المنتدى ده
واساسا عارفه مافى زول شغال بى
لكن الاستاذان واجب
ودعتكم للخلقكم

» لقاء ديكور وخالد الوزير على هارمونى